_______________
"اسحبي شهيق و ازفريه"سحبت نفس و قلبت عيوني علي اسلوبها الوقح انا دكتوره او كنت دكتوره و بالعكس عمري ما تكلمت بوقاحه مع المرضى لاني عارفه كويس شنو يحسو يعني مستحيل هما جايين برغبتهم حولت السماعه و نزلت البلوزه الورديه بتاعي
"ان شالله ما فيك شي تعالي بكرا تستلمي التحاليل بالشفاء"لساني خذا برمه في فمي عشان نطلعش رد وقح و طلعت
"ها شن قالتلك"زين سأل و انا خذيت منه مؤيد
"شي اسلوبها معفن كيف ""رِتَــــالٌّ،عيب"زين نهرني و انا سكتت
ليا اكثر من اسبوع و انا حاسه بضيق قلبي يوجع و مش عارفه عليش مع اني ناخذ في ادويتي
لذلك انا سكنت لزين عشان يشيلني للمستشفي
"رتيل قمعزي"نتيت فيها و هي شكت لباتها و قمعزت كويس.
اوكِ في الثلاث سنين الي مكنتوش فيها هنا
انا من سنتين جبت مؤيد قيصري للمره الثانيه و فعلا في المره هذي قريب متت لان الدكتوره الغبيه خلتني نحاول طبيعي مع ان الممرضه قالتلها قيصري و هي اصرت فعلا كانت تجربه مميته.
الدكتور نصحني ان نوقف علي الأقل ست سنين! طبعاً عميمه عائشه معجبهش و قعدت تقول انها تبي احفاد واجد بما ان زين ولدها الوحيد نذكر عركه زين و امه الكبيره كنت مزلت ما ربعنت و ضطريت ننزل و انفتحت خياطتي و كانت فعلاً قصه و تبهدلنا بكل
للان مأجرين و الحمدلله ان زين مزال المدير بتاع المستشفي و و هذا خلى زين ينتظم و يمشي عشان مالك المستشفي ميتاخذش قرار فصل او طرد عشان هكِ علي الأقل حالتنا كويسه حاولت اني انقوله و نرد نشتغل بس حلفلي بالطلاق و لذا انا سكرت فمي.
"الانصنصير خارب تقدري تشيلي شنطتك بس!و انا توا نرقي العيال" هزيت راسي و بديت نركب عمري ثمانيه و عشرين سنه و يقول عمري ستين بعد ممكن ربع ساعه انا وصلت للشقه الي في الدور السادس
اول ما خشيت عزقت روحي علي الصالون و زين خش بسرعه يجيبلي في كبايه ميه شربتها و ابتسمتله و همست بـ"شكراً"صغيره
أنحب اهتمامه و خوفه عليا حولت الوشاح و تنفست بعمق جت تولي تجري و ضبطتني
"نحبك واجد يا احلا ماما"ضحكت لاني عرفت من دزها من وقفته هنكِ
"و انا نحبك يا احلا بنوته في العالم"بست خدها و صبيت
"ماما نانا"مؤيد قال و بدا يبكي و سمعت صوت كرعين و جا زين لابس توته
"توا نرقده تريحي" زين فعلا شايلني علي كفوف الراحه مش عشان انا توا مريضه من يوم ما اعتذرلي بالطريقه الرومانسيه و المفلسه هذكِ و هو مريحني حتي عرايكنا مش اوڤر يعني علي حاجات ممكن ينقال عليها تافهَ
"لو تبي شي ناديني اوكِ"زين قال بصوت عالي من الصاله و انا عيطت بـ "باهي" منبحه
غيرت دبشي و تغطيت كويس غمضت عيوني متجاهله كل الالم الي حاسه بيه نبي نرقد وبس.
________________
اوكِ اول شابتر رايكم
احم النهايه حتعتمد علي التفاعل يعني تفاعل كويس =نهايه سعيده
وبس كل الحب
أنت تقرأ
رِتَــــالٌّ الجزء الثاني (باللهْجه اللِيبيه )
Fanfictionمريضه قلب و تحملت بس حنتحمل حتي السرطان!
