ممرضه"انا حنقولك الأعراض و انتي قوليلي لو تحسي بيهن"الممرضه قالت تلبس في جاونتيها و انا قلبت عيوني
رتال"انبه"قلت و بحتت لزين الي كتم ضحكته
ممرضه"تحسي بإسهال و انك تبي ترجعي ! عندك ارق و فقدان شهيه ؟ كدمات في جسمك "هذا كان اسلوبها شفتو كيف لما كنت دكتوره كنّا نستخدمو في مصطلحات طبيه بس هذي لاء
رتال"لاء"قلت ببرود مُمثال لصوتها و هي تمتمت بشي و زين همس ب"متاكد انها تشتم فيك"
واقعاً انا معدلتش لو كُنتُم تسألوني فيش ندير فأنا هنا ناخذ في جرعتي الثانيه مع أنبوب في نص رقبتي عشان انتنفس بيهوذا كان غرض العمليه من الاول الانبوب
ممرضه"في حد قاسلك حرارتك"هي ردت تقول و انا نفيت براسي هي طلعت ترمومتر من جيبها و شيرتلي علي فمي بكل وقاحه و انا فتحته
رِتَــــالٌّ"كم". ممرضه "شنو". رتال "حرارتي كم نبي نعرفها"عطتني نظره الي من جدك و قالت"مزلنا في الطبيعي "
و بعدها هي سحبت يدي و دورت وريد و حطتلي فيه ابره الكيماوي عيوني انكمشن بالم و حسّيت و كأنه حد كب اشِيدُو في فمي و تخلط مع دمي عرفتو الشعور أنيت و عضيت فمي بالقوه زين كان يمسح علي يدي و انا بكيت في الم كنت وقتها نبي نموت عوضاً علي الالم الي حاسه بيه اي شي كان احسن من اني انتالم هكي
زين"لنا"زين قال يشد علي يدي و انا فتحت عيوني المعبيات دموع و ابتسمت له قبل ما نقول "لنا"
سحبت نفس و سكرت عيوني مره اخره و هذي جرعتي الثانيه كملت.
زين"محتاجه شي"هذي المره الرابعه الي يسألني فيها زين لو كنت محتاجه شي قبل ما يطبس يبوس راسي و يعدي للعمل إجازته كملت و كان لازم انه يرد منعرفش للان كيف زين دفع فلوس العمليه و محبيتش نسأله عشان مهما كان انا حنكد عليه لاني عارفه انه اسلفهن من حد
مررت يدي علي الانبوب الي طالع من نص رقبتي و تنهدت حيقعد ست شهور و مفروض نغيره ثلاث مرات في الشهر نذكر زين الي قعد يسال في الممرضه كيف يغيرلي الانبوب و كيف يخليه ما يتلوثش و هي كانت ترد عليه من راس خشمها
نذكر تفاصيل اليوم هذكي كله من الم الي زين الي كان يبكي اول ما نضت من الجرأه الثانيه، كان صعب عليه انه يعتني بالعيال و يعتني بيا و بروحه؛ انا مقدره الشي هذا قتله طلقني و أزوج بس هو تعصب و عدا رقد مع العيال و في الليل جا و رقد جنبي و همس"مش حنتخيل روحي مع غيرك"
واقعاً كنت نبيه يتخطاني انا نعرف الي عندي صح نبي نصح و نبي نرد زي قبل و تكون مشكلتي الوحيده الي ندهش منها هي القلب
بس ربي يستر رفعت يدي و مسحت دموعي و خذيت نفس عميق قبل ما نصبي و نبحت في المرايا شعري طاح! كله لذلك انا مسكت البروكة الي شريتها بعد رفض زين لها و كانت جملته هي 'انا نحبك بكل حالاتك متصطنعيش حاجه و كوني علي راحتك"
لبستها و كحلت حواجبي و درت طشه روج علي الاقل منظري طبيعي شويه عديت و طمنت علي مؤيد و طلعت للحوش حرفياً الحوش كلن يلمع كل حاجه في مكانها و بنت بخور خفيفه في المكان خلتني نبتسم و ندعي ل ربي انه يحفظه ليا. لما لقيت ان الحوش مش محتاج ظم انا مسكت تيلفوني و دزيتله الي زين💃🏻💕:ربي ما يحرمني منك نحبك بعدد النجوم ١٠:٠٩مساءً
رقمها ضوا في وجي و فكرت اني فعلاً مرايفه عليها و اني محتاجتها لذلك أنا ببطء قمعزت علي صالون الصاله و ضغطت علي اسمها
رِتَــــالٌّ "ماما محتاجتك ردي عليا"همست و بما اني مغيره رقمي و هي متعرفش فردت -المكالمة- 'السلام عليكم من معايا'
"رِتَــــالٌّ بس ارجوك متسكريش "
'مش فاضيتلك'
"بس خليني ندوي معاك و بعدين سكري ارجوك انا عارفه انها حتكون اخر مره تسمعي فيها صوتي "
'....'
"اوكي انا مريضه، مريضه بكل تشخصت حالتي قبل اربع شهور بسرطان الميلانوما انا مش عارفه لو اني حنصح منه او اني حنكون ميته بعد اسبوعين من توا و قلت اسبوعين عشان هو الوقت الي حيقولي فيه الدكتور لو ان العمليه نجحت و لاء المهم انا بس نبيك تكوني جنبي مش لازم تكلميني بس نبيك تقوليلي اي كلمه ارجوك نبي تكوني انتي الي نوصيها علي عيالي و راجلي لو صارتلي حاجه نبيك انتي الي تصبي في عزايا و تاخذي العزا نبيك انتي اول وحده نكلمها و نقول اني صحيت لو هذا فعلاً صار نبيك تكوني الاولي ....آلو آلو ماما"
و اظني باين شن صار في نهايه المكالمه و الي ما فهمش هي سكرت في وجي! غطيت وجي بيديها و نهرت بكى يعني مأثرتش فيها ما قالتش كيف بنتي صارلها هكي!! يا رب صبر أيوب يا رب سمعت بكى و لما برمت لقيته مؤيد و يقول فعلاً ربي دازه ليا صبيت و لهذا معاه نسيت ماما شن دارت و كيف استقبلت الموضوع ببرود.
هذا منظر الانبوب تمام.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
