رِتَــــالٌّ الجزء الثاني (باللهْجه اللِيبيه )

3

#رتال 3 #belikememo
فتحت عيوني و صقف ابيض قابلني رمشت اكثر من مره و حسّيت بشي علي وجهي و لما رفعت يدي نلمس فيه عرفت انه جهاز تنفس عيوني برمن في الدار و لقيت زين متكور علي روحه في الكرسي و راقد زعما كم ليا هنا! توا ليل و لا صبح مؤيد و رتيل شن صار فيهم وينهم! حولت الجهاز بتاع الأكسجين عن وجي بيش نوعي زين بس عيوني توسعن لما مقدرتش نسحب نفسي حتي لذا انا رديته و برمت راسي نبحت علي حاجه قريبه ممكن تنعزق علي زين مفيش الا تفاحه! مسكتها و تمتمت اني اسفه و عزقتها و بووم طبت في وجهه ناض مفجوع و يفرك في راْسه و انا ضحكت و ياريتني ما ضحكت لان ضحكي تحول لكح قعدت نكح و زين جا يمسح بيده علي ظهري ابتسمتله و هو بحت فيا واجد قبل ما يتنهد و يقمعز علي السرير و يدي مزالت بين يديه عض فمه و حسّيت بجسمه يسخن

رِتَــــالٌّ"زين كنك في حاجه! اصدمني و قول حامل"قلت و ضحكت و هو رفع عيونه الحمر فيا هز راْسه و تمتم

زين"ياريت جت علي هذي" صراحه وقتها خفت و حسّيت ان قلبي وقف

زين"رِتَــــالٌّ انتـِ مؤمنه بربك و القدر صح! يعني تعرفي ان كل حاجه تصير بـمشيئه ربي سبحان و تعالي"عقدت حواجبي و بحتت فيه زين و قلت

رتال"رِتَــــالٌّ انا نبي نزوج قولها و اصدمني المره هذي بجد"قلت و سحبت يدي من يده

زين"لا لا و ربي لا مستحيل نقدر نتخلي عليك خصوصاً في وقتك هذا"

رتال"وقتي هذا؟"سالت و هو برطم و صبا و عطاني ظهره صبيت بصعوبه و زمطت ريقي نحاول نفهم شن يصير هنا

زين"رتال انتـِ مريضه" هو قال و برم يمسك في يديا و شفت الدموع في عيونه فتح فمه و سكره مره ثانيه قبل ما يكمل و يقول زين" عندك سرطان الميلانوما في القصبه الهوائية "

الغصه كانت كبيره في رقبتي معرفتش شن نقول او شن ندير فكـي رعش و عيوني حرقني بكيت، بكيت بالعبره درجه ان حتي الأكسجين الي فوق وجهي معش اشتغل و زين اضطر ان يريدني علي السرير و يعلي الأكسجين اكثر

رتال  "ليش يصير معايه هكِ انا شن درت بيش نعاني طول عمري ها! ليش بس انا الوحيده الي يصير معايه هذا"قلت و زين مسح علي ظهر يدي و دموعه يهبطن

الباب دق و زين مسح دموعه و صبا يشوف منو حاولت اني نوقف بكى بس مقدرتش حنموت! زعما زين حيتحمل؟ حيتحمل ان يعاني واجد بابا خش وراه امي سالمين و جت اضبطتني بالقوه رفعت يديا و بحتت في بابا الي مقمعز ساكت امي سالمين بعدت و عدت لزين تحكي معاه بصوت واطي و انا عارفه انها تحكي عليا بابا جا و انا ابتسمت في وجهه

"ربي يشفيك يا بنتِ "بابا قال و فرك ظهر يدي مكان الأبره

رِتَــــالٌّ "بابا منحبش نشوفك هكِ انت عارف ان دموعك هذينا يكسرن فيا."قلت و هو ضحك و مسح دموعه من تحت النظاره
محمد"حاس ان بسببي"بابا قال و قمعز علي السرير جمبي

رتال"لا يا بابا دير بالك تقول هكِ مفيش حاجه بسببك المشكله هي منبيش نموت ارجوكم عشت في هم و غم واجد"بابا تنهد و زين طلع برا عارفه ان ممكن نكون دارما كوين بس محد حاس بالالم الي حاسته توا
:
:
:
في الليل زين جاب الابتوب بتاعه و كان يدير في شغل عليه مع اني حلفتله يروح للعيال بس طمني انهم في حوش عمي ياسر و بابا حيطمن عليهم

زين"و حبي الاول غدر فيا " فجاءه صوت زين على و انا بحتت فيه بصدمه

رتال"كنك فيش تحس من يا حسره الي غدر فيك" قلت و رفعت حاجب و نزلت الاخر هو ضحك و حك رقبته قبل ما يجي و هو حرفيا دفني و تمدد جمبي

زين "نلعب في ببجي مع بنت روسيا" زين قال و انا ضربت كتفه

رِتَــــالٌّ "تافه"قلت و رخيت راسي علي كتفه اليسار

زين"نبصر بس لا جديات نحكي عليك معقوله تغدري بيا و تقولي لعمي اني نلعب في لعبه السنافر"ضحكت و عرفت زين لشنو يبي يوصل هو يبي يخليني ننسي فيش نفكر يبي يخليني نضحك زي قبل و هذا الي خذاه

لوهله صح انا نسيت اني علي فراش الموت و ركزت في حبيبي الي قاعد راقد حدايا توا فمه كان مفتوح شويه و يطّلع منه في صوت شخير رفعت صوابعي و سكرته له و لما حولت صوابعي هو فتحه مره اخره عاودت الحركه مره اخره و في المرتين يفتح في فمه ضحكت مره ثانيه علي منظره الطفولي و ركزت في لحيته السوده الي باديه تطلع حنرايف عليه لو صارتلي حاجه

الصبح زين وعاني و خلاني نخش للحمام اكرمكم الله هو حتي مشط شعري و عاملني كيف الأميرات نحبه و مستحيل نمل و انا نعاود في الجمـله هذي

لما ردينا للدار مره ثانيه ثواني كانت حتي خش الدكتور المشرف علي حالتي

جمال"صباح الخير"هو قال مبتسم و لوهله انا جتني فكره اني نضربه في وجه

زين"صباح النور "زين رد و دكتور فتح ملف

جمال "انتـِ عندك مرض نادر مرضك هذا ما يصيبش الا واحد كل ثلاثه مليون و انتـِ للاسف واحد من الثلاثه مليون"قال بكل برود و انا ضحكت ضحكه صفره و قلت

رتال "محظوظه يا انا"النظرات الي توجهتلي خلتني نوضح و نقول"اني بين الثلاثه مليون قصدي"تعرفو الي قولو جت تبي تكحلها عمتها هذي انا

"الورم كبير و مسكر القصبه الهوائية عندك لذلك حنديره عمليه و حطو أنبوب عشان تنفسي منه  حنبدو في الكيماوي عشان نخففُ الورم و بعدين نديرو عمليه نحولو فيه الورم و تصحي باْذن الله و في هذي انتي فعلا محظوظه انك حتكوني اول وحده في ليبيا عندك المرض هذا و اول وحده حتعالجي منه " قلبت عيوني علي أسلوبه المستفز و قلت "امتي نبدأ العلاج"

جمال"بكرا اول جرعه،عن اذنكم"و لما هو طلع زين لف يديه علي ظهري و اخى حنكه علي راسي و ضمني اصدره اكثر و انا متاكده مليون في الميه انه يبكي بس الله غالب شن ندير حظي و نصيبي.