رِتَــــالٌّ الجزء الثاني (باللهْجه اللِيبيه )

10الاخير

الاخير #belikememo #رتال

زين
ثلاث سنوات!
ثلاث سنوات مرن علي فراقها كانن صعبات بالحق كانن اصعب شي مر عليا في حياتي خلوني نرد لاورا و نشرحلكم شن صار.
-قبل ثلاث سنوات-

سمعت حاجه هبكت في الكوجينه و لما عديت لقيت رِتَــــالٌّ طايحه في الوطى انا شلتها و جريت بيها امها و الباقي كانو يلحقو فيا بس وقتها انا نسيت العالم نسيت كل حاجه.

لما وصلنا للمستشفي و خذوها مني تذكرت المره الي فاتت الي كنت هنا بسببها و لسبب ما انا خنقتني العبره ساعه اثنين ثلاثه اربعه خمسه و اخيراً طلع يوسف او الدكتور هو بحت فيا كويس و قال "تعال معايا"

لما لحقته و هو سكر الباب ورايا وجه يوسف الاسود خلاني نعرف ان في شي صاير

يوسف "زين تشخيص رِتَــــالٌّ في البدايه كان غلط السرطان الي عندها مكانش ميلانوما كان سكاروما"يوسف سكت يراقب في تعابير وجي و انا هنا انهرت

شوفو انا حنشرح
تخيلو انتو في حوش كبير تمام و كـ اي حوش كبير في ليبيا حيكون في كوجينه برانيه الي تكون للمناسبات اوكي تخيلو انها في حوش عزوز و العزوز هذي كملهن مناسباتها و الكوجينه قعدت مهجورة و معبيه فئران تمام؟ تخيلو ان في كل اسبوع تجي وحده من بنات العزوز و تنظف الكوجينه الي برا بس الفئران ترد مره ثانيه عشان في حاجه ورا الغاز القديم مخليتهن يردن مره اخره و في كل مره يردن اخره و يخربن حاجات في الكوجينه و هذا هو السكاروما

يوسف"زين المرض انتشر في جسمها هو خرب الرئتين هن الاثنين و جزء من الكبد "فتحت فمي نبي نحكي بس مش قادر كيف حنقدر انوصللها هذا كله!

كيف نقدر نقول لحب حياتي انها حتموت فكي و بكل رجوله رعش و دموعي نزلن عيوني حرقني بشكل مش طبيعي حسّيت اني فعلاً حنموت لو هي صارلها حاجه

زين "مفيش علاج؟ انا نقدر انتبرعلها بأي عضو فيها تعبان"قلت بلهفه مستعد اني نسمعه يقول تبرع بقلبك لها و فعلاً كنت حنتبرع

يوسف "للاسف لاء نحن حنكونو مبسوطين لو انها تحملت لعند الاحد الجاي زين مفيش داعي تقوللها لموا بعضكم و اقعدو جنبها هي..هي محتاجتكم صدقني"يوسف ضغط علي كتفي و تنهد ان رفعت يديا و مسحت دموعي انا صبيت نحاول اني نهدي روحي و طلعت

محمد "شن قالك الدكتور"رفعت عيوني و بحتت في عمي هو شن جابه و كيف عرف؟
زين"رِتَــــالٌّ "غمضت عيوني مش عارف كان عادي نقول قدام رتيل الي هي توا اكيد تفهم و لا اصلاً نقوللهم هما او نحتفظ بالموضوع ليا بروحي

محمد"كنها بنتي"هو قال يمسك في كتوفي يجبر فيا اني انبحت في عيونه انا ضعفت قدام نظره الخوف الي في عيونه المعهد الي في عيون عمي محمد تقول انه متاثر و حاس ان بنته فيها شي

زين "رِتَــــالٌّ رد عليها المرض أيامها معدوده" مستنيتش نشوف رد فعلهم و خشيت لدارها هي تنهدت و ابتسمت ابتسامه كبيره بكل و قالت"وينك يا ربي نحساب روحي متت"

ضحكت معها و قمعزت علي طرف السرير و مسكت يدها
رِتَــــالٌّ"فرحني و قول اني طلعت حامل ليا فتره نحس بأعراض الحمل و كنت نبي نديرها لكي مفاجآءه "زمطت ريقي

زين"مزال ما طلع خلينا نقولو يا رب "قلت و يدي مسحت علي شعرها

رِتَــــالٌّ "زين في حاجه صايره؟" هي سألت و انا نفيت براسي

زين"المهم انك حتكوني هنا ليومين عشان يتأكدو من صحتك'' هي هزت رأسها و عزقتها علي المخده و فتحت يديها ليا غمضت عيوني و ضبطتها هي شدت يديها عليا بالقوه و انا بكيت في حضنها مش متخيل حياتي بدونها جديات

رِتَــــالٌّ "نحبك "هي همست و انا بست رأسها من الجنب .

خديجه"زين لكي يومين هنا عدي للحوش و غير دبشك و تريح "عمتي قالت و انا بحتت في رِتَــــالٌّ الراقده

زين "مش حنقدر"مسحت علي وجي و تنهدت

عائشه"عدي يا ولدي تريح-"رفعت عيوني لأمي

زين"توا نزلت عليك الحنيه؟ تي كنت نجدا فيك بيش بس تبتسمي في وجها و انتـِ كنتِ مُصِــره علي معاملتك الزفته لها تريحتي توا؟ ها؟ "هزبت بصوت واطي و صبيت

زين"كان ناضت رنو عليا" قلت و طلعت برمت في المستشفي و دخنت اكثر من مره خايف عليها خصوصاً ان لها اكثر من سبع ساعات راقده فجاءه عرم دكاتره و ممرضات خبطو فيا و هما يجرو

هما كانو متجهين لدار رِتَــــالٌّ و انا هنا قلبي وقف عديت نلحق فيهم و شفتهم يطلعو فيهم من الدار صبيت متجمد قدام الباب الشبه مفتوح و نشوف فيهم يديرو في جهاز الصعق بتاع النبض شفتهم و هما يعلو في الشحن و سمعتهم قالو " القلب وقف سجل تاريخ الوفاة 2019 \2/10 الساعه سته و نص "
________________________
الوقت الحاضر
رتيل"بابا" برمت ظهري و ابتسمت لرتيل

زين "عيون بابا" هي ضحكت و مدت ورقه و انا خذيتها

رتيل"اليوم جبت الترتيب الثاني علي المدرسه و مؤيد عطوه عطله و المديره قالتلي ان في تكريم للناس الي فاقدين واحد من عائلتهم و قالتلي تبيك تجي و هكي "هزيت راسي و بحتت فوق للسماء انا عارف انك تسمعي فيا توا و حاب نقولك شكراً شكراً علي كل ذكره حلوه كنتِ سببها

"بابا هيا بسرعه جديده تستني فينا" سمعت عياط رتيل و ضحكت و عديتلها لو في حاجه وحيده بس نادم عليها كانت حتكون في اليوم الي رفضت فيها طلب حني و معاملتي لـرتال وقتها
"بابا"
نحبك
"بابا"
مستحيل ننساك
"بابا"
البنت الي خلتني نشوف الدنيا بألوان انا اسف

"يا بابا"انا فقت و بحتت في مؤيد

زين"نعم يا قلبي"
مؤيد "انا حلمت بماما هي قالتلي نقولك انها فرحانه بيك "
و انا فرحان بروحي عشان جبت منك افضل شخصين في حياتي.
______________
النهايه.

النهايه مكانتش تنفع اي حاجه اخره لان رِتَــــالٌّ اصلا مريضه قلب و الي يجيهم الكانسر و هما مرضه القلب نسبه موتهم كبيره
ثانياً لو في حد دار بحث علي الميلانوما لو عرف أعراض المرض .
اسفه بجد لو النهايه معبجتش واحد فيكم
بس حبيتها تكون واقعيه
و انشالله تكون عجبتكم
شكراً لكل حد دعمني حتي لو بكلمه