رِتَــــالٌّ الجزء الثاني (باللهْجه اللِيبيه )

9

#belikememo 9 #رتال

زين"اها راقده هي توا بعد تنوض تو نخليها ترن عليك"عكنشت وجهي و رمشت اكثر من مره و مطيت جسمي نبحت في زين هو ابتسم و طبس باس راسي و انا رديت غمضت عيوني و رقدت مره اخره.

مش عارفه الساعه كم توا بس الي نعرفه ان راسي بتطربق من الصداع
طلعت للصاله لقيت رتيل و مؤيد يتفرجو علي التلفزيون و باب البلكوني مفتوح انا عرفت انه رد يدخن من جديد و اكيد هو قاعد برا يدخن قلبت عيوني و كريت محرمه الصلاه و طلعت هو بحت فيا قبل ما يرد يبحت قدام نظرته قهرتني و تمنيت نعطيه كف

زين"تعرفي حاس اني انضربت بـرصاصه"زين قال يسحب في نفس من السبسي بتاعه

رِتَــــالٌّ"مش بصاح الرصاصة هذي انت توهم في روحك، هكِي انت مستحيل تصبي علي كرعيك "قلت و سندت ظهري علي الساس

زين"لا هي رصاصه لما يكون عندك مخطط كبير عشان تعيش عائلتك في مستوا معين و تخلي عيالك يرفعو روسهم بسببك بس محد يفهم الي انت تدير هذي تسمي رصاصه اخترقت عمودي الفقري و خلتني مش قادر نصبي علي كرعيا من جديد و رصاصه هذي قاعده تقتل فيا ببطء" زمطت ريقي و معرفتش شن نحكي يدي ارتفعت لكتفه و مسحت عليه و هو عزق السبسي و مسك يدي و خشينا جوا

رتيل "بابا "رتيل قالت و زين سيب يدي و عدا شورها قعدت هي تحكيله علي الرسوم زين فجاءه برم عليا و قال"امك اتصلت منبدري و انا قتلها انك راقده"

هزيت راسي و عديت نجيب الفون لما رنيت عليها هي ردت بسرعه و قالت"خير"

ابتسمت علي صوتها هو مكانش بارد و كان دافي!

"خير يا ماما "

"كيف حالك توا، امّم نبي نجيك و نطمن عليك و بالمره نشوف عيالك"اوكي هي صدمتني انا معش عرفت شن نقول

"اا امّمم اوكِ تعالي في اي وقت الحوش حوشك" همست و مش متاكده لو انها سمعت بس سمعتها اتنهد و سكرت الخط

زين"كنها"زين قال و انا قتله انها تبي تجي بعد نص ساعه وصلتني رساله منها فيها انها تبي العنوان زين و انا و حتي رتيل ضمينا الشقه و زين جاب حلويات و موالح من الحلواني الي حدانا
لبست قفطان مشجر لعند الركبة و بأكمام هو كان بسيط و مريح و بتاع حوش نوعاً ما شعري وصل لتحت وذاني بشوي و يا ريت يرد يطول بسرعه لاني مليت من قصره

زين"الباب يرن تو نجيك" سمعت صوت زين يرحب و يعرف بروحه و هذا خلاني نقول ان معها حد  لما طلعت نسلم عليها انا شفت اسامه صاحب بابا زمان الي هو توا راجلها نحسبش انها كملت معاه معها عيل ممكن عمره ثلاثطاش و عرفت انه خويا جنبه بنت اخره محجبه انا فرحت كنتش نعرف ان عندي خوت سلمت عليهم و انا قريب نطير من الفرحه

زين"نجيب مؤيد و نجي"

"حي عندك ولد" ماما قالت و انا هزيت راسي

اسامه "كيف حالك يا عمو" من صوته اذكرت بابا و كسرته "تمام"إجابتي كانت مقتضبه 
"انا رياض و هي ابتهال "ابتسمتله لين عيوني اختفن و قعدنا ساكتين لفتره لين صبيت انا لما جا زين بيش ندير القهوه و انا نقلب في القهوه الدنيا برمت فيا و طحت في الأفلام و المسلسلات لما حد يغمي عليه يكون بسبب حاجه تافها بس في الواقع في حياتنا نحن محد يغمي عليه الا بسبب و ياريت يكون السبب هذا شي ايجابي و الي كنت شاكه فيه صار.

حلقه وحده تفصلنا علي النهايه