ما ذنبي

الجزء 3/2

اعترض محامي الدفاع لازم نسمع منها يجوز البنت عرفت هذي التفاصيل من فلم او مسلسل او الموبيلات الي بدت تنتشر
بيداء موكلتي ماعدها موبايل وجهاز تلفزيون واحد بالبيت موضوع بالصاله والصاله مقفوله وحتى لو تتفرج تلفزيون ميعرض هيج حالات
القاضي نتيجه الفحص الطبي تاكد هي عذراء اذا كان يتحارش بيها ليش مافض البكاره ليش بقت بنيه
سيدي القاضي خليل عنده سابقة تحرش بطالبه وفي تقرير گدامك يثبت الشغله الثانيه هي بدت تقاومه من عمر تسع سنين وعمر ١٢بدا يحدثها عن زواج دليل كان يخطط اقناعها بممارسه كاملا وحتى متقاوم وايضا تقرير يثبت محاولة انتحارها واثار حروق السگاىر على جسمها
محامي خليل سيدي القاضي ارجوك اطلع على التقرير مجرد خيالات طفله (نقيب امير )
القاضي الله يخليك استاذ ياطفله تگدر تتخيل هذا الشي لو زوجه بعد عشر سنين من الزواج متگدر تتخيل هذا الشي
المحاميه بيداء ارجو لفت انتباه حظرتك ان الادله الجنائيه كشفت سبب وقوع خليل هو ان حذائه تكرمون انحصر بين شجرتين ودفعت ورده مكانت بالقوه الكافيه حتى توقع به لكن وضع رجليه اختل التوازن وهذا كشفوا من طبع الحذاء بتراب الحديقه
القاضي صحيح اطلعت على التقرير لذلك سالتها كيف دفعتيه
المحاميه بيداء الامر الاخر حضرت القاضي خليل وزوجته ساجده ادعوا ان ورده كانت مع شاب في الحديقه ولذلك ضربها
مافي اثار لاقدام هذا الشخص ولو كان موجود ليش مزق ثيابها وهي حبيبته حسب ميدعون وليش واعدته بالنهار والشباب المسلحه مشافوا احد دخل للبيت
القاضي حضرة المحامي عندك اجابه عن هاي الاسىله واني هم اضيف سوال المدعوه ساجده خالتها ليش اختفت وباعت البيت كان المفروض توگف بجانب زوجه وتظهر برائته

المحامي ماعندي اجابه وموكلي مريض وعنده مواعيد علاج
القاضي موكلك لازم يتحاكم بتهمه التحرش ومحاولة اغتصاب قاصر باكر واستخدام العنف ضدها
اندار عليه بنتي ورده حكمت برائتج ومن حقج تقيمين دعوه ضد خليل وزوجته
لا مااريد لادعوه وكلشي ما اريد منهم
القاضي براحتج والله يعينج على الشفتيه
طلعت ويه المحاميه والنقيب ورجعت للسجن حتى تبدي اجراءات اخلاء سبيلي ويتاكدون اذا مطلوبه على قضايا ثانيه
رجاء وجدان وام شجن كانوا منتظراتني والقلق واضح عليهن
احجي شصار
براءه براءه
صارت الهلاهل والطبل والاغاني
انتي خرسى ليش متردين اسف حذائي وسخ وسختكم
طلع سديت الباب وبديت انظف وادردم
ناس وسخة قذره شلون متحملين ماادري لا ومكيف حذائي وسخ هو انت كلك وسخ الله ياخدكم كلكم اني بسام احسن زمال يلوگ
ثاني يوم الصبح نفس الموقف طلب الصوندا
اگلك جيبلك صوندا وماطور مي اني مو يوميه انظف وراك
هسه شصار هي صوندا وحق ااجار على الجار
ئي البارحه انطيناك الصوندا وخلص
عفته ومشيت الظهر دارجع
فتت هو واگف راحت ايام زمان الجار يراعي جاره والنبي وصى على سابع جار مو يگله اشتري ماطور يابه اشترينا ماطور بس اخذنا الكهرباء من عدكم
دخلت ماما هذا ابن جيرانا كلب حقير #نقيب امير
قصدج بسام اصلا حباب وسويتله جاي وگعد گلي بنتج گالتلي اشتري ماطور
شوفته ذكرتني بخليل خفت وجوهم اثنينهم
اكلج ماما اخذتي علاج
لا خلص وبسام اخذ الوصفه العصر گال اجيبها
وليش بسام اني اجيبه الج هذا شنو الوسخ
هو شافني متالمه سالني كتله علاجي خلص وبعدين مبين خوش ولد
عوع كلهم نفس الطينه مااجرعهم
العصر دگ الباب جايب الدوا
هذا العلاج شجونه
خنزرت عليه
امج گالتلي اسمج گابه اقصد شجن
اخذ هذي فلوس العلاج وبعد لاتدگ الباب هذا افتهمت
يمه ريه وسكينه الفلوس مااريدها اعتبريها بدال المي والكهرباء الاخذته من عدكم
يله لعد روح وبعد لاتجي احنا نسوان لوحدنا عيب تدك بابنا هذا الشارع مليان بيوت وكلهم جيرانك
اعتذر اسف بعد مادك الباب ابد
خفةً وراحه

مر شهر وبسام يشتغل بالبيت كان كبير والباب مزخرف بشكل جذاب مرات اباوع عليه من يكون هو ماموجود خاصة بالدوام اظهري
اما الدوام الصباحي لازم يكون واگف ومرات اخذ الجهة اليمنى من بيتنا حتى ماامر من گدامه هو بيته على اليسار اتضايق من واحد يباوعلي
ماما اريد البس عبايه مااحب شخص يباوع عليه وانتي دتشوفين ملابسي عريضه بس جسمي مبين
العصر اروح للسوگ واجيب وحده جاهزه تروحين وياي
لا ماما السوگ ازدحام وتعرفين الرصيف يمشون عليه عشره
شجونه الى متى تظلين هيج تخافين تطلعين متحبين احد يباوعلج لعد بالكليه شلون
مراح ادوام كليه مااريد اي رجال بحياتي واذا داومت لازم السايق رجال والاساتذه رياجيل وطلاب مااريد
المديره وعدتني اخلص سادس واشتغل كاتبه
بنتي حرامات هيج تضيعين عمرج ومستقبلج خليل راح ولى
ماما بعده عايش جواي ويسلبني كلشي حلو والله ماابالغ حتى نفسي كارهتها الحمام عندي شده من ادخله مااريد اشوف نفسي عاريه اتذكره واختنك
خلص كافي لاتبجين العصر اجيبلج عبايه
ثاني يوم لبست العبايه وطلعت شفت بسام انداريت على الجهة اليمنى
صباح الخير شجن ليش تندارين على هذي الجهه ومدرستج على الجهة الثانيه
ماارديت عليه ومشيت مشى وراي
اني مسويلج شي مضوجج ليش كارهتني خير انشاالله
ظليت امشي سريع وگلبي يدك سريع وبكلبي غصة ودي اضربه بالجنطه
وگف هو ورجع الظهر دخلت بيتنا هو موجود
فتت سريع ماما شيسوي هذا الكلب بيتنا
ماما شجن صوتج الولد يسمع
ويطبه مرض شيريد
ذابح لان بيته خلص وجابلنا لحم وراد اكياس (علاليگ ) يوزع بيها للجيران لان ماعنده مواعين
صخونه يالفگر العلاگه اثنين بربع مااعرف يشتريها
هههههه خطيه مبين غشيم وحتى عربي ميعرف يحجي
هذا يفيك على اساس هو نازك مبين عليه اجنبي من وساخته
هاج وديله العلاليك
خلي يولي اني اوديله اليوم الصبح لحگني ويكلي ليش كارهتني ميدري اني اكره بني ادم كلهم
بدلي ملابسج لان راح يتغدى عدنا وحتى نتعرف عليه
شتحجين ماما رجال يتغدى عدنا اني مااكل وياكم
حبيبتي شجونه عيب الولد جيران وگال ماعنده اهل هنا خلي نسمع قصته يمكن هم عنده قهر مثلنا
بكيفج بيتج وانتي حره
شنو هذا الحجي عيب هذا بيتج يله بدلي وتعالي
رحت لبست صايه ولبست حجاب نازل على صدري
وصبيت الغدا ودخل گعد يم امي
واني بصفها حتى ميشوفني وماگدرت اكل وعرگت وتحججت اسوي چاي وكمت مرجعت
هسه صار الوقت نعرف قصة بسام
مثل ماهو يرويها
بسام عراقي مهاجر مع عائلتي لامريكا عمري ٣١
اخوي عدنان تعب وكد وتبهذل حتى يوصلنا اني واختي زمن وتخرجنا اني هندسه نفط وهي مدرسه عمره ٣٦