ما ذنبي

10

الجزء 10

بديت احجي لبسام اني مويتيمه عندي ام واب وعن خالتي وزوجها والتحرش والايام السوده والفلوس الي ينطينياها والصور الي يراويني عن اثر الجگاير بجسمي وعن الحادث الي تعوق بيه والسجن سنه ومعرفتي بام شجن بنهاية الحديث باوعت عليه يمكن مخلص باكيت كامل وديبدي بالثاني ردت احجي واخلص يمكن احس بالنقاءداخلي
لاتگولين تحرش وتسكتين احجيلي كلشي اريد اعرف شنو كانت حدوده وين وصل وياج
بسام اذا حجيت اموت والله وانت متتحمل
لا بالله تموتين شلون تحملتي الفعل ومتتحملين الحجي
اريد انساه وساعدني انساه
شوفي هذي الدموع بطليها واحجي احسلج
الاحد نروح للمحاميه وتنطيك تفاصيل الافاده مالتي كلشي بيها وانتظر للاحد اني ليش كلتي ولج موتيني اعتبرني محجيت
احجي لا والله اموتج
عرفت اني غلطت من حجيت لبسام
صاح بيه صيحه احجي
انهار كلشي بيه وعرفت دخلت معركه خطا وراح اطلع خسرانه منها
شتريد احجي عن طفله يوميه تنفتح باب غرفتها وتلگه بصفها رجال بالخمسين يريدها تنزع ملابسها وهو يلبسها بحجة يشوفها على قياسها
عن فلوس مقابل تسكت ويلمسها ومتكول لخالتها عن جگاير تتطفى باديها وهي مشتعله اذا مقبلت تلمسه عن حمام لازم يبقى بابه مفتوح وهو يتفرج عن خاله تكول مدام مماذيچ خليه تريد تسمع طفله تنام وتصحى متاكل حتى متنمو
كافي شجن
لا مو كافي اسمع للاخير عشت سنه بسجن اخاف ادخل حمام من الشاذات الموجودات حواليه عن تفارير فحص كوابيسها لحد الان احلم بيها
اول يوم عرسنا تجدد كلشي كبالي وگتلك ابن الكلب هذي كنت اكولها يوميه لخليل
قاومته وضربته وانتحرت حتى اخلص من دنياي
هسه خليل وين تعرفين عنوانه
مااعرف ولاسمعت اخباره من يوم المحكمه وخالتي ماادري وين راحت
واني ليش خدعتيني ومحجيتي من البدايه
مكان بالي زواج ورجال ساده بابي وكافيه خيري شري انت وامي خططتوا للزواج
وليش قبلتي
امي رادت تزوجني قبل لتموت لان مالي احد وتتذكر وصتك عليه
يعني ردتيني ملجأ تخلصين بيه من ضيم الدنيا
ردت تعوضني عن كل الي شفته بحياتي
مااگدر شجن نفسي بعد متتقبل كل مراح اكون وياج اتصورج ويه خليل
واكيد انتي هم راح تتصوريني خليل
انت عاهدت امي متتركني
عاهدته واني ماادري انتي وياها دتخدعوني
والله ماخدعتك بس عرفت متتحمل وامي كالت انسي وابدي وياه
اسف شجن مااگدر راح ادور على اهلج وروحي يمهم
مااحتاج اهلي اعيش بيت امي
طلع المفتاح وانطانياه
رجعت لبيت امي والوم روحي ليش حجيت هي ليله مثل باقي الليالي ليش ماعديتها وخلص الرجال كان يريد يلعب ويتونس وينام شحجاني
ياربي يخابر ويكلي ارجعي حتى اخاف ابات لوحدي

بسام
بعد الي سمعته من شجن حسيت نفسي مخدوع ولايمكن اتحمل طفولتها وصعب تتخلص منها راح تبقى تعاني منها واني الي ادفع الثمن وكل هذا الكذب وتطلع عدها اهل وداخله سجن اهلي اذا عرفوا يدكولي طبل
هذا التصرف الصحيح اطلگها واترك العراق مثل ماتركت امريكا من ورا حوراء شنو هالحظ بت عمي تطلع لاعبه قبل الزواج وشجن تطلع عايشه التحرش بخطوطه العريضه بقيت اسبوع محتار بين ضميري وتانيبه وبين عقلي الي يصورلي لازم اتخلص من هذا الزواج
وكلبي الي كل مادخل للبيت يتمنى يشوفها موجوده وتتلكاني
الاشتياق الها ذبحني اتصلت بيها اخذت اسماء خوالها ورحت يوم جمعه دورت عليهم لگيت بيت خالها جاسم ابوعلي كنت ناوي امسح الارض بكرامتهم ميفكرون بالبنيه وين صارت بس من دخلت وشفت عايشين بخير مهان عليه انزل صورة شجن وارجعها الهم يذلوها
سلمت عليهم وعرفتهم عليه
اني بسام زوج ورده بنت اختكم وحبيت اليوم اتعرف عليكم
ها ورده تزوجت منين عرفتها
من طلعت بريئه وخليل طلع واطي وحقير كانت ساكنه عند مره خيره واني جارهم شفتها بنيه شريفه ومستوره خطبتها
بيها الخير وهي ليش مااجت وياك نريد نشوفها
هي بعدها عروس وراح نسافر اني وياها لامريكا اهلي هناك
ممكن عنوان رقم امها يمكن تحب تودعها
امها وضعها صعب وزوجها ميريد اي علاقه بورده ارجوك قدر هذا الشي
لا براحتها المهم حبيت اتعرف عليكم وتعرفون ورده طلعت بريئه وخليل كان يتحارش بيها وبعلم خالتها
متعرفون عنوان خليل
لا والله لاهو ولا ساجده
ردت اطلع مقبلوا كالوا لازم تبقى تتغدى
مقبلت ذولي حرام واحد ياكل وياهم
انطيتهم رقم تلفوني وتلفون شجن
اه ياشجن لو تدرين شگد احبج بس صعب الي عرفته اتقبله
رجعت
اتصلت بيها اشوفها محتاجه شي