ما ذنبي

8

كان يوم عرسي عباره عن كارثه كبرى بالنسبه النا اثنينه
دخلت البيت كنت اشوف كلشي ضباب يمكن متصدكون بس فعلا كنت اشبه بفاقده للوعي وبالي صوره وحده هي خليل اكيد اني مو بعقلي وافقت اخلي نفسي بهذا الموقف جتني نفس اعراض المرض او الموت ولو اني مشايفته بس اكيد هذي اعراضه اتذكر بسام اخذني من ايدي وفرجني البيت غرفه غرفه بس مااتذكر شنو شفت دموعي كانت تجري اسرع من خطواتي صوت بسام اختفى مااسمعه

بسام احجيلكم على مشاعري بيوم عرسي
اخذت شجن من بيت امها مقبلت الزم ايدها جريتها گوه يمكن مكانت تدري بتصرفاتها تاذيني طول فترة خطوبتنا بطلعان الروح يله تقبل تگعد يمي وبالتلفون اذا احجي كلمه زايده تسد التلفون مرات اخاف منها اتذكر عرسي ويه حوراء الي مثلت الخجل اخر لحظه وبعدين طلعت وراها مصيبه سوده
شجن وراها سر وبداخلها رافضه الزواج لكن محتاجه ملاذ انسان بحياتها
ورغم هذا كنت احبها واعرف هي متصطنع الخجل وكنت منتظر ليلتنا عرسنا حتى اكسر حاجز الخجل بينا وانعم اخيرا وبعد صبر بزوجه محبه وحنونه مثل شجن
دخلنا للبيت كانت تبجي وترجف مع ان ااجو كان حار اخذتها اشوفها البيت واصفلها هي ماردت بكلمه بس لا صارت خرسه غرفه النوم مقبلت تدخلها فتحت الباب ودفعتها بديت افقد صبري وياها
اني سامع عن الخجل والارتباك الي يصير للبنات بهذي الليله لكن شجن خوفها كان فوق الحد
الغرفه كانت كبيره وخليت بيها تلفزيون وقنفات وغرفه نوم واضويه الوان شي مبهر لكن شجن كانت ملتهيه بالمناحه الناصبتها
شجن كافي ترى طلعتي روحي وكرهت العرس كلها ادري امج متوفيه الله يرحمها ومسوينا عرس
بس كافي اني شنو ذنبي ترى هم عندي مشاعر ودتاذيني
مترد عليه مادري شنو حاگرتني معاجبها
يله حبيبتي كافي امسحي دموعج وغيري ملابس اني هم خطيه وحرام عليج والله من يوم الي شفتج اتمناج حبيبتي وهذا شي حلال وستر النا اثنينا يله حبابه صيري عاقله
ماردت بس مسحت دموعها
كلت خلي انطيها وقت تسكت وتهدا
نفتح التلفزيون نتفرج عليه شتحبين تشوفين
لخاطر الله من احجي ردي عليه لاتسكتين
كامت من يمي عبالي دتبدل رادت تفتح الباب وتطلع
وين رايحه شجن الحمام هذا اذا تريدين تبدلين
صيحت عليها بعلو صوتي ردي شبيج خرسى متسمعين مو بعينج
كافي هذا مو خجل اذلال الي
اقتربت عليها عرفت اذا المسها راح تموت ومع ذلك سحبتها من خصرها عليه وبوستها وهواي اندمجت بالموضوع كانت تدفع وتعيط مدت اديها عبالي راح تحوطني برگبتي خنكتني وصرخت وخر عني ابن الكلب
سمعت هذي الجمله منها نسيت الي كدامي بشر وصارت شغلة عناد جاوبتها اراويج منو ابن الكلب واستخدمت اقصى انواع القوة وياها بين الضرب وتمزيق ملابسها
اخذتها ولحيت بالموضوع
كنت غاضب منها وبنفس الوقت راغب الها
انتبهت بالنهايه شجن ماالها صوت غايبه عن الوعي
طلعت من الغرفه ندمان وعصبي ومااعرف شديصير ليش هيج حجت وخنگتني وكلمة ابن الكلب خلتني مجنون دخلت على الغرفه متتحرك بس تتنفس
عرفت اذا تصحى على نفسها راح تتخبل من تشوف الصاير بيها حاولت البسها ملابس صحت وظلت تدفع بيها وخر عني يا....
سديت حلگها شجن اذا تجاوزتي بكلمه والله افرغ المسدس براسج
انتي شنو متعجبه اول وحده تتزوج متعرفين بليله العرس الرجال شيسوي والبنيه شتسوي تدرين شگلتي عني
احجي تدرين
هزت راسها لا
گلتي وخر ابن الكلب وخنگتيني الصريخ والعياط والضرب الي ضربتيني خلاني استخدم القوه وياج لاتعيديها مره ثانيه وصدگي لو ماوصيت امج هسه اطلكج
عمري ماسمعت هيج شي عروس تغلط وتضرب وتخنك ليش خليتيني اخذج بالقوه هذا مو طبعي