ما ذنبي

12

شورطني بهذا الزواج معقده وشايفه نفسها ماادري على شنو على التحرش لو على السجن الطالعه منه
كنت اسمعه ودموعي تنزل هو ممنتبه يغلط ويدخل اوراق بالجنطه طلع من البيت كنت كامشه بيدي طاسة مي بس ماطلعت كلامه كان سيوف بگلبي ضربت راسي بالطاسه وظليت اضرب بلا وعي ماادري شنو الي رجعه شافني اضرب بنفسي وابجي
لا شجن كافي شدتسووين
لك موتتني مابقى بيه شي عايش حرام عليك شنو گلبك صخر اتركني اذا مامتحمل منو الي يلزمني ميرحمني شنو الي جنيته حسيت شي حار نزل على گصتي كان دم اخذت مفاتيح بيت امي وطلعت لحگني للبيت شرايد ذاك بيتك روح عني خليل بدا شي وانت نهيته خلصت عليه اني مناسبك وماارجعلك كافي
اهدي بس اهدي خلي شي للدم راح تموتين
ليش اني عايشه هسه شتريد شنو الي تريد توصله اني سافله وقشمرتك يله اني سافله ومااريد اروح وياك لكركوك حتى اخذ راحتي هنا زلم طالعه وزلم داخله زين ارتاحيت اطلع
كنت احجي وياه واحس كلبي راح يطلع من صدري هوا مابقى اتنفسه والدم نزل على هدومي
كافي شجن حبابه الله يخليج بس اسكتي وارتاحي اصلا رجعت اعتذر لان عرفت الكلام اذاچ خلص حتى مااسافر
حيل مابقى بيه گعدت على الكاع وبعدين حسيت اريد انام اخذ منشف ونشف الدم بين الواعيه والنايمه  سمعته اتصل بجماعته روحوا انتم زوجتي مريضه مااكدر اعوفها
نمت ولمن كعدت كان راسي مربوط وهو نايم يمي
بسام اگعد روح لبيتك هذا البيت راح اسده واروح لاهلي بالديوانيه غصبن ماعليهم يلفوني هي نفس المذله عدهم وعد غيرهم
شجن اعتبري نفسج بسام شتسووين
اطلگ واخلص
واذا گتلج مااگدر اطلكج ولا حسبالج على وصية امج لا شي داخلي رايدج وشي يريد يمحي اليوم الي عرفت بيه ماضيج ومحتار مرات اتمناج ومرات اريد أاذيج
هسه اتمنى اخذج بحضني واعرف راح تغمضين عيونج حتى متشوفيني
وليش متگول من الخجل ممتعوده على الي يصير
كنت اتصوره خجل بس من حجيتي عرفت قصدج غير شي ادري مالج ذنب بس احنا بدنيا لازم نحمل المراءه الذنب
غيير انت هذي الدنيا ولاتحملني الذنب حاول اذا تحبني صدوك
نحاول اثنينه واذا نيتنا صافيه الله مراح يتخلى عنا
شوف بسام اني عمري ماتصورت يجي يوم واحب رجال واگله اخذني بحضنك بس هسه داگلك احبك ومحتاجتك اخذني بحضنك گولي لاتخافين
تعالي شجن حبيبتي لاتخافين
رحت بحضنه وكلشي بيه يبچي طلعت كل كبت السنين كل الحجي الي جنت اتمنى اگوله لامي وابوي وخوالي شلون گدروا يعيشون حياتهم بدون ميفكرون بيه حتى بيبيتي مافكرت بتلفون تخابر وتسال عني هيج لكمتي كانت ثگيله عليهم
والام الي حبلت وجابت مااسالت بتها وين والاب من طلگ امي كان يعرف عنده ابنيه شايله اسمه مافكر انحرفت اتزوجت ماتت ليش الوم بسام هم حاله حالهم
صارت الحياة بيني وبين بسام اطبخ وانظف واغسل ملابسه واكويهن الجمعه يطلعني ويشتريلي اهله عرفوا متزوج وقدم اوراقي للقنصليه
صارت سفره ضروري لكركوك راح حجى ويه المديره وفهمها مالها احد ومااگدر اتركها انطتني اجازه
وسافرنا لكركوك خليت حوض الاسماك والطيور عند جيرانا عرفت في خط نفط لتركيا هم رايدين يتفذوه وهو مشرف عليه كان يروح من الصبح ويتركني بيت هو للعمال بس هو اخذه النا واني هم كيفت لگيت بيت انظفه خلصت عمري انظف