ما ذنبي

9

الجزء 9

رجع بسام الغروب وقررت مااحجي واسكت دخل لغرفته بدون ولا كلمه
اروح ابقى شسوي اروح هو اني بعيونه مااباوع ابقى گاعده بمكاني احسن الولد راح يموت من القهر شمدريه بلي ماخذها من عمرها سبع سنين تنحضن وتنتهك بالقوه ودخلت السجن وهم ظلت تدافع عن نفسها هسه بيوم وليله لازم اصير زوجه وحبيبه
بسام لازم يعرف

بسام
اليوم الثاني كان اتعس من الاول شجن مو طبيعيه ويمكن اني استعجلت وصرت عصبي عليها
حاولت انام مگدرت طلعت اتفاهم وياها واخذت الجگاير لان بدونها اصير مخبل
هاشجونه تحبين نطلع نتعشى اني وياج
بكيفك بس اخاف عيب عروس تطلع ثاني يوم مو يكولون ميصير
لعد اني اروح اجيب عشى
لا لتروح البيت كلشي موجود هسه اسوي عشى
لا خليج كاعده يمي ابتسمت بوجهادارت عيونها
مديت ايدي على شعرها شفتها تهز رجليها من التوتر
هذا شعر لو حرير مجاوبت بعد لتگصيه لشعرج حرامات
شجونتي انتي تعرفين العروس في ملابس تلبسها متبقى بالدشداشه وردان وطويله وتهتم بالمكياج مو حبيبتي اذا متعرفين مابيها شي اني اعلمج
صار هسه اكوم ابدل
فدوه لحبيبتي بوسه قبل لتروحين
بستها ركضت عبالك تريد تتقيء
شجن
ماادري شلون گتله راح ابدل لان ردت بس اگوم من يمه ومن باسني حبست انفاسي
فتحت الكنتور كلها الملابس خليعه الي اشترتها جيرانا اكيد كانت راقصه هو اني گدامه استحي امشي
شنو هالورطه البس بجاما احسن
دانزع دخل بسام
لاعفيه اطلع ميصير هيج
شبيج اساعدج تنزعين
سيطرت على خوفي واني اشوفه بعد ميتحمل الي داسويه وعديت الموقف بينا على خير گطعت نفسي نهائيا وعيوني غمضتهن ادعي بگلبي ياربي اغيب عن الوعي
فهمت روحي هذا لازم الي يصير بينا هذا حقه عليه احجي بيني وبين نفسي حتى ابعد صوره ثانيه تخليني اضربه لو ادفعه او اغلط عليه
انتهى وگلي شجن والله احبج بس انطيني مجال اسعدج وادللج
انشاالله بسام
ردت اگوم من يمه لان راح اختنك سالني
وين رايحه شجن ابقي يمي
متاذيه بسام اروح اشرب مسكن
اخذج للدكتور
لا ميحتاج هسه حبايه اخذها وارجع
طلعت من الغرفه دموعي تنزل مااعرف ليش يمكن ابچي على السعاده الي شفتها بعين بسام وهو نايم يمي ليش اني مااگدر احس بنفس السعاده ليش اختنكت من گال احبچ مارديت عليه

بسام
المره الثانيه شجن مقاومت بس كانت جثه حتى اديها متلمسني وعبالك متحمله گوه والله فقدت الثقه بنفسي
يصير اني مكروه لهذي الدرجه

شجن مرجعت للغرفه كانت عنده ملابس وسخه غسلتها وخفت لايگعد ويشوفني ابجي والله طلعت روح الولد كل ميشوف خلقتي ابجي
مسحت دموعي وعناد ويه خليل وذكرياته وخوفي دخلت على الغرفه ورحت يمه نمت بسام
اني هم احبك وماعندي غيرك بالدنيا
شجونه حبيتي اني اموت عليج والله من البارحه لليوم كاره الدنيا لان تعديت عليچ سامحيني
الي صار بعد ذلك كان مشهد حب بين زوجين واحد منهم فاقد الاحساس لكن مصر هذا الزواج يستمر
ويودع قيود وظروف حرمته الاحساس بالحياة حتى لو كان الادعاء بالسعاده هو الحل
بديت استنهض الانوثه داخلي واتحدى الي مريت بيه حتى اثبت للماضي اني ممكن اكون انثى طبيعيه تعيش وتحب وتثير زوجها وتستمع بعلاقتها معه حتى لو كان مجرد تحدي مابيه اي حقيقه يمكن بيوم من الايام اتعود ويصير حقيقه
الايام الي بعدها حاولت اكون زوجه لبسام اول ميرجع من الشغل اكون عروس منتظره زوجها اركض عليه ويحضني ويظل يبوسني واتحمل لحد ماهو يگلي كافي شبيج ممصدكه
صارت مواقف حلوه بينا واشياء حسستني بحنانه وعطفه بدا يحجيلي عن حياته وذكرياته انشغلت بالتخطيط لارضاء وسعاده زوجي عن التباكي والحزن على زمان اغبر ولى وانتهى وحسيت اول مره بحياتي عندي رجال يحبني ويحميني
بداخلي مراضيه على الي اسويه وبسام يستحق زوجه بمشاعر حقيقيه لكن هذا الي اگدر اقدمه اله بحالتي هاي
بسام كان يحب اللعب والشقى مرات يتحداني مااغمض عيوني من يبوسني او قطع انفاسي وهو وياي
كنت اعرف يريد ينبهني على تصرفاتي وياه بدون ميتهمني بالبرود اتجاهه
ومره كان خميس بالليل كان في فلم بالتلفزيون وداتفرج وكلنا متزاعلين اني وياه على صدريه اشتريتها للمدرسه ومقبل بحجة ضيقه واني بطبيعتي مااحب الضيق وشفتها عريضه بس هو اصر ضيقه
اجى يتفرج وظل يعلق على الفلم
شنو هاي فلم هندي البطله طالعه من الحمام ومخليه مكياج
هاذي الناس الي تحب مو شجن بس تزعل
وتالي اشوف الفلم لو لا بس تعلق هاي لو طوبه چان محد تنفس حبيبتي ترى هاي افلام كلها چذب لاتصدگيها
لا اصدكك انت على صدريه گلب الدنيا
غير اغار عليج
هي مدرسه بس بنات واني البس عبايه
دعوفي هسه المدرسه وگومي عندي لعبه جديده الج
اني من يكول لعبه روحي تغيب عني بس مابين متضايقه بالعكس ادعي فرحانه باللعب
اموت على اللعب شنو هيه
شوفي انطيج فلوس وتخلين الضوا مفتوح اليوم
فلوس شنو بسام (عزا خليل كان ينطيني الف)
شگد متريدين هاج (طلع الفلوس من جيبه وانطانياها) بهذي اللحظه ماتحملت شمرت الفلوس عليه
شنو هالاسلوب الحقير متصورني وحده ساقطه
ابتعدت عنه رحت للغرفه الم اغراضي بساعتها كنت منهاره صوت خليل باذني وهو بنطيني ليليه الف ونساتل لازم اطلع من هذا البيت هذا خليل ثاني امداني صارلي عشرين يوم متحمله واكول زوجي
دخل بسام ترى هي لعبه عادي اامتزوجين يلعبوها مرات حتى يزيد بينهم اللهفه وميصير ملل
وشمدريك انت بالمتزوحين متزوج قبل
ئي متزوج ارتاحيتي متزوج وزوجتي بامريكا لاتعلين صوتج عليه
صدوگ متزوج انت بسام
استغفر الله مطلكها شجن حجيت حتى اقهرج
بعد شتقهر شلون اصدكك ليش مكلت متزوج
مطلگها وشي ماافتخر بيه اريد انساه
واني شوكت اصير شي ماتفتخر بيه وتريد تنساه من هاي ماردت اهلك يعرفون بالزواج انطيني مفتاح بيت امي الله يخليك
اگعدي شجن احجيلج وبدون بجي عمري ماحجيت سر زواجي لاحد حتى امي كانت تعرف بس مو اني الي حجيت هسه احجيلج وتسدين الموضوع بعد مينفتح
بسام
حجيت لشجن عن زواجي من حوراء ماصدگتني وماصدگت اني مطلكها لحد خابرت زمن اختي وحجيت وياها وهي تسمع
ليش ضجتي من كتلج اخذي فلوس
شدعوه هالحساسيه ترى احنا واحد اذا متصوره اني مستصغرج بهذا الاسلوب غلطانه انتي مرتي كرامتج من كرامتي مجرد لعبه ردت الضوا مفتوح هذا هدفي
بسام انت اعترفت بزواجك وطلاكك واني اريد اعترفلك بشي راح يبررلك هواي من تصرفاتي وتلكى جواب ليش ضجت من انطيتني الفلوس
احجي قلقتيني ترى
لا هدي اعصابك واحلف ما تكرهني من تسمع الي راح اكوله
شجن والقران نشف دمي شنو شبيج
وين الجكاير
احلف اول مره ابقى مرتك وحبيبتك يله احجي
وروح ابوي تبقين بس احجي
احتارت الكلمات وخجلت تطلع من لساني لكن هذي عشره وزواج لازم يعرف يمكن يساعدني