لاجئة

2.3K 55 1
                                        


الحلقة 58

 شعور ثقيل انك تحس روحك غير مرغوب في قلوب احبائك .. شعور لئيم للغاية لما وبدون مقدمات اعز انسان على قلبك يطردك من قلبه بدون اي سبب كان .. فقط لانه لقى البديل ف يجي بكل برود يرميك برى من وطنك ويحرمك منه ومن قربه .. وكانك قطعة خردة لا تعني اي شيء له

دقت 10 ليلا في تلك الاناء منال كانت راكبةة فالبيس الي يدي لسطيف والى كان اقلع من حوالي ساعة .. كانت راكبة فالوسط و حاطة راسها على الزجاج وتبكي .. وشادة تصويرة والديها بين يديها فالعز الى كانت عايشة فيه بينهم اختفى بمجرد ما حطوهم تحت التراب .. وهذاك الى كان غايضها انهم ماهمش لهنا لحتى يدافعو عليها ويجيبولها حقها سواء من نسيم او لطفى الى رماها على جال وحدة ما تقربلهم لا من بعيد ولا قريب وبينما هي هكاك وحد المراة مسنة تقدمت منها وهمسلتها

_من الى ركبتي ونتي تبكي غير الخير بنتي كاش ما صرالك

منال( مسحت دموعهااا.. ورجعت الصورة فالبوشات وفي نفس الوقت تحكي ) والو خالتي .. حاجة دخلتلي في عيني برك

العجوز( غاضتها منال بحيث عرفت انه عندها حاجة ) احكيلي يابنتي ...معليش احسبيني من معارفك ..يماك ولاجداتك

منال( ما عرفت واش تقول .. وهي مكانتش من النوع الى يحكي اسرارها بالاخص للغرباء بحيث تبسمت وقالتلها ) راني كيما درت عملية على عينيا وانا موالفة ندير قطرات واليوم نسيتهم علابيها من الى ركبت وهوما يسيلو بالدموع

العجوز (هزت كتافها ) كيما تحبي

منال بمجرد ما ناضت المراة المسنة هاذيك رجعت تشوف للزجاج وسهات وما حست غير بعينها داتها ورقدت كيما عمرها لا رقدت وفاتت ساعات الليل الطويلة و مع قرابة 5 تاع الصباح ..كان البيس وصل للمحطة تاع سطيف

في تلك الاثناء الناس بداو ينزلوا الامر الى خلاها تفيق .. وقت تلفتت المراة المسنة شرتلها انهم وصلوا ولهذا هي الاخرى وقفت من مكانها وودخلت وسط الحشود ونزلت .. بعدها حلت البوشات وجبدت الفون نتعها لتشوف الساعة وتما لقات ميساج من عند خالتها

' راني بعتلك ايوب يجيبك لعندي .. تلقايه لابس سيرفات زرقة وداير كاسكسات كحلة وهذا هو رقمه اذا ما عرفتيهش عيطيله '

منال ( تقدمت وحكمت الفاليز نتعها مبعد صارت تدور في راسها .. ممبعد قررت تعيط وخلاص .. بحيث تراجعت لور وقعدت فوق الكراسي وكومبوزات رقمه وعيطت وتما سمعت الجرس وبعد ثواني رد ) الو .. انا منال

ايوب ( بقى يشوف يمين وشمال ) وين راكي اوصفيلي برك وانا نجي لعندك

منال ( تلفت واذا بيها تلقى واحد واقف عند وحد البيس .. وتما تبسمت ) اقعد كيما اراك ودور لعندي

لاجئة حطت على شواطئ قلبي / الكاتبة منال منولةحيث تعيش القصص. اكتشف الآن