لاجئة حطت على شواطئ قلبي / الكاتبة منال منولة

لاجئة

الحلقة 18

في هذاك الوقت راحت امينة عند لبنات وين كانوا قاعدين فالشومبرا نتاعهم .. اول مادخلت سلمت عليهم .. وقعدو يحكو مع بعض ..على واش دارو فالعيد الخ.. وكل وحدة تحكي ..وسارا حست انه البنت هاذي هايلة كيما نسيم بالظبط .. مسرارة وتضحك ..

امينة (ضاقت القاطو ..) مممم يهبل ..يعيطك لصحة ..

منال( بنبرة كلها حسرة ) والله سارا هي الي درات كلش ..انا تعرفيني بلي الايد قصيرة والعين بصيرة

سارا (تبسمت )بالف هنا حيبتي ..بعملك اذا بتحبي بتاخذي معك للبيت ..

امينة( بقات تشوف فيهااا ممبعد قررت تمدلها رايها ) علاش ماتحليش محل تاع حلويات والله دخلي ذهب ...

منال( هي الاخرى دعمتها فالفكرة هاذي ) والله انا قلتلهااا ..وهي راهي تخمم ..

سارا ( بنبرة حسرة وقلق ) مامعي مصاري .. ولازمني محل ..من الاخير مصاريف كتيرة ..

امينة ( شافت في منال ) وعلاش لطفي مايمدلكش الحانوت الي لتحت ..ياخي تاعكم هذاك .. وهكا اتكوني صبتي حاجة وتقدري تبداي في مشروعك

منال (ضحكت ..) زعا لطفي يقبل

سارا( لما شافت فنجان منال فرغ ناضت تحطلها ) شو دخلو .. ماني لااختو ولامرتو ينقلع ..

امينة رجعت تشوف في منال ممبعد خذات نفس طويل ) انتوما احكولو وهو اكيد رح يقول ايه .. مارحش يرفض ..

سارا ( تنهدت ورجعت قعدت مكانها ) الله بحلها خليها على علام الغيوب

مروا الساعات وانتهت الزيارة وخرجوا الضياف وكل واحد مشى على روحه .. في هذاك الوقت ناضت سارا دير لعشااا لضيفتهم امينة الى كانت رح تبات لعندهم وفي نفس الوقت تخمم ..في الاخير مشروع حلويات خاص بيهااا رح يفرق بزاف .. بلاك تقدر توقف على رجليهااا ..وبلاك حتى تقدر ترجع لبلادها

بحيث كانت تقطع فالخضرة وتخمم ..ومرة على مرة تهمس " بس لطفي واقفلي كيفا للقمة فالزور .". كانت تطيب وتحكي غير لوحدهااا..ومر الوقت وهي على هذاك الحال حتى وصل وقت العشااا ..بقات تحط فالعشاااا ..فالصالون

وهو يشوف معاهااا..حاسسها ماهيش كيما موالف .. بقا يعير فيهاااا ..عارف رح تطرطقلو بوبمباااا ..يعني ماشي يظلم فيها ولا ولكن صاي عاشرها مدة وصار يعرف طبايعها

سارا ( اول ما كملت قعدت وشافت فيه ..) لطفي ..

لطفي (شاف فيهاااا ..ومن الداخل يتبسم لانه فرضيته خرجت صحيحة ) وش خصك .انطقي

سارا ( تقلقت من نبرة صوته ) اي مابتعرف تحكي بعقل .. خلص مابدي شئ..

منال( نقزتهاااا تاع وش بيك ..وبنبرة لطيفة توجهت لخوها ) لطفي خويااا