حب لا يجوز شرعاً (للكاتبـــة / ورد سليم )

الحلقةالخامسة

حب لا يجوز شرعا.
((البارت 5))

((في الوقت اللي مها وسلمي بيتمشو فيه في الجنينة))..

احلام: هو حضرتك آآآ....

جهاد: آه انامرات توفيق.

احلام اتكسفت منها طبعا قاعدة مع درة بنتها بس بصراحة جهاد مش محسساهم بكدا خالص وده طبعا لان مها استعانت بيها وحكتلها انها بتحب شاب من سنها وعايزاه ومتمسكة بيه ورافضة اصلا جوازها من توفيق وانها كانت مغصوبة عليه تحت ضغط من ((فوزي)) الله يحرقه..نرجع لاحلام وجهاد.

احلام: بصي انا مش عارفة اقولك ايه بس مها بنتي طيبةو...

جهاد:متقوليش حاجة كل شئ قسمة ونصيب وانا كمان معنديش بنات ومن دلوقتي مها زي بنتي ..الغيرة والكلام ده نسيبه للعيال الصغيرة.

احلام:ربنا يخليكي يا مدام جهاد بجد انتي انسانة محترمة وحاسة اني هبقا سايبة مها هنا مع ام تانية ..

وقضوا وقت مع بعض في بيت توفيق احلام وسلمي روحو وجاسر من وقت ما اتصدم وعرف بجواز مها من ابوه وطلع كسر قوضته خرج تحت نظرات مها وهي مش قادرة تنطق بحرف هي عارفة كمية الوجع اللي هو حاسس بيها دوقتي وبتدعي لو يرضي يسمعها في الوقت ده كان توفيق طلع فوق ونده علي مها..

توفيق: مها لوسمحتي اطلعي.

مها في نفسها ياربي مش عارفة الاقيها منين ولا منين:حاضر جاية.
مها طلعت عند توفيق وهي حاسة انها داخلة مقبرتها بالظبط راجل كبير مش بتحبه وابو الانسان اللي هي بتتمناه..
مها:نعم
توفيق:قربي هنا انتي واقفة بعيد ليه. ولسة بيقرب منها.
مها :ثواني هحضرلك الكاس بتاعك ((بتتلكك باي حجة عشان تحطله المنوم))
توفيق:لا ماتتعبيش نفسك اولا مفيش هي خلصت الازازة ثانيا وده الاهم انا بفكر ابطل.

مهافي نفسها :يخربيييييييييتك انت مفكرتش تتوب غير دلوقتي.

توفيق:مها انتي مسهمة ليه كدا. لسة مكسوفة مني بس قوليلي انا ازاي مش فاكر اي حاجة من امبارح.

مها:ها.....اه ده.. ده.. ماانت شربت بقا وكنت سكران.

توفيق:بسيطة ياحبيبتي من انهاردة مفيش شرب تاني تعالي بقا نكمل كلام امبارح..

مها هتمووووووووت من الخوف ومش عارفة تخلع منه ازاي
وهو عمال يقرب منها وفجأة شدها ليه فلحظة بقت في حضنه ومها لسة هتتكلم..... ((نسيبهم شوية ونشوف جاسر راح فين))

جاسر بعد مانزل مش شايف قدامه وحالته وحشة جدا لقي نفسه رجليه مودياه لصاحب عمره..

الجرس بيرررررن..

ماذن :طيب ياللي ع الباب مهو حضرتك انا مش حاطط سريري ورا الباب ايه رن رن رن اكهربلكم الجرس يعني ولا ايه..
ماذن فتح الباب لقاه جاسر.