حب لا يجوز شرعاً (للكاتبـــة / ورد سليم )

20

#حب_لا_يجوز_شرعا

البارت ((ال20))

في بيت مازن

سلمي.. ماااامااا

وجريت عليها هي ووداد

سلمي بانهيار وبكاء.. ماما ايه اللي حصلك يا حبيبة مين عمل فيكي كدا

لم تجب عنها احلام

سلمي.. مااااااماااا

مازن.. بس ياسلمي متخفيش هي مغمي عليها بس ياحبيبتي

وحملها مازن وادخلها الى غرفته التي تكمن بها سلمي وقاموا بافاقتها ودخل مازن حاملا كوبا من العصير وجلست احلام وحولها كلا من سلمي في حضنها ووداد بجانبها وروت لهم كل ما حدث تحت انهطار دموعها واسفها لانها لجأت اليهم

احلام بدموع.. انا اسفة يا مازن يا ابني لو كنت جيت ودايقتكم بس مكنتش هينفع اروح عند مها لانها مش قاعدة فبيت لوحدها

مازن.. ايه اللي بتقولي ده بس يا طنط ده بيتك تجيه فاي وقت

احلام.. تسلم يا حبيبي

سلمي وهي بتخرج من حضن امها.. بس انتي ازاي عرفتي تيجي هنا ياماما

احلام.. مازن بعد ماسابك في الاوضة علشان تغيري لبسك يوم ما جابك معاه خرج كتبلي عنوانه فورقة وكنت شايلاها معايا ولما لقيت ابوكي صوته اختفي من البيت عرفت انه اتهد من الحاجات اللي كان شاربها خرجت بسرعة من اوضتكم ولبست بسرعة وركبت تاكسي وقولتله ع العنوان وجابني الله يباركله

سلمي بعياط.. انا اسفة يا ماما كل ده حصلك بسببي

احلام.. لا ياحبيبتي هو اللي راجل مفتري ولو حد اسف يبقي انا لاني كنت ضعيفة طول عمري قدامه

واخذت تبكيان كل من هما علي ظروفهم الطاغية

وداد بحب.. خلاص بقي المهم انها هربت منه ياسلمي وادام هي بخير ادامنا خلاص والبيت بيتها يالا بقا قدامي انتي وهو وسيبوها ترتاح شوية

سلمي.. ماشي ياطنط اللي حضرتك تشوفيه

وداد.. يالا يا مازن هات مراتك وتعالي

مازن بغمزة لسلمي.. عيوني بس كدة دا انتي تؤمري

وفعلا سابوها ترتاح وخرجوا ودخلوا الصالون ووداد استاذنتهم ودخلت اوضتها ترتاح شوية

مازن بص لسلمي ولقاها حزينة جدا فحب يخفف عنها

مازن.. يعني كل الناس بتضحك تحلو الا انتي تضحكي تعيطي بتحلوي... اااممممم انا علي كدة ممكن أضربك كل شوية علشان تحلوي اكتر

سلمي بخضة ((اساسا مازن جي يكحلها عماها)).. اييييييه انت من الرجالة اللي بتضرب

مازن بسرعة راح واخدها فحضنه ((مراته طبعا)).. لا يا حبيبتي طبعا انا بهزر معاكي يعني حبيت اضحكك بس مش اكتر