حب لا يجوز شرعاً (للكاتبـــة / ورد سليم )

11

#حب_لا_يجوز_شرعا

البارت((ال11))

يوم جديد في الجامعة

ماذن كان رايح الجامعة مبسوط جدا لانه هيقابل سلمي ويطلب معاد من باباها يتقدملها فيه ولسة بينزل من العربية لقي سلمي واتصدم من اللي شافه

ماذن جاي من بعيد وشايف سلمي واقفة تهزر مع طارق طبعا ماذن اتغاظ جدا وانفعل وراح عندهم

ماذن.. عن ازنك يا كابتن طارق......... وراح شادد سلمي وسط زمايلها وخدها ومشي بعيد

((هما اصلا صحاب مها وزمايلها ملاحظين اعجاب ماذن بيها بس ده ميمنعش انه هو طبعا تصرف همجي وغير لائق بس اللي بيحب بجد بيبقي مجنون مش عارف هو بيعمل ايه مش مهم عنده الوسيلة ازاي اهم حاجة الغاية))

سلمي وهي بتشد اديها منه.. ايه اللي انت بتعملو ده

ماذن.. قولي لنفسك انتي ايه اللي انتي كنتي بتهببي ده حضرتك واقفة ناسية نفسك وهاتك ياهزار وضحك مع الاستاذ طارق

سلمي.. اولا طارق زميلي وكان بقولي علي حاجة ثانيا احنا واقفين وسط الجامعة بحالها مش بعمل حاجة غلط عشان ادارى منها ولا حتي اخاف منك

ماذن.. حاجة ايه اللي توقفك معاه لوحديكم

سلمي بعند.. كان ممكن اقولك قبل اللي انت عملته ده انما دلوقتي لا

ماذن بنرفزة.. سلمي متنرڤزنيش عليكي كان بقولك ايه

سلمي.. كان عايز يعرف هي منار مرتبطة بحد ولا لا لانه بيحبها

ماذن بعصبيه.. وده يخليكم واقفين تضحكو مع بعض بالشكل ده

سلمي.. انه شكل ياماذن هو حضرتك ظابتنا بوضع مخل ولا ايه

ماذن.. ساعتها مكنتش هقف اتناقش زي دلوقتي كان زمانك مقري عليكي الفاتحة

سلمي.. وبعدين انت باي حق تشدني كدا من ايدي وسط زمايلي وباي صفة مفكرتش هبص فوشهم تاني ازاي

ماذن.. بصفتي خطيبك طبعا انا كنت جاي انهاردة علشان تاخديلي معاد من باباكي عشان اقابله

سلمي.. ومين قالك اني هوافق علي واحد بيشك فيا

ماذن.. سلمي انا مش بشك فيكي وانتي عارفة كويس انا بغير عليكي قد ايه انا اشعرفني اللي واقف معاكي ايا ان كان نيته ايه سلمي انا راجل وعارف تفكير الرجالة ازاي

سلمي.. تفكيركم مريض......... وبعدين الرجالة اللي انت عارف تفكيرهم دول اللي عنيهم فارغة بس لكن نسيت حضرتك ان في ناس محترمة

ماذن.. يعني ايه ياسلمي

سلمي.. يعني لما احس انك واثق فيا ابقي اقبلك تتقدملي واوافق عليك بعد ازنك............ وقبل مايرد عليها كانت سابته ومشيت