-#ﻵتحلم بٱشيٱء لن تگون لڪ🧡
-منَّ فضلگ ٱرحم #قلبگ قليلاً😔
عنوان القصه #المگدية_والضابط
للكاتبة كوثر السماوي
البارت الثاني
مريم .. عمري 18 سنة مخلصة سادس ابتدائي وابويه بطلني لنو صار ياخذني وياه اگدي اتوفة والدي واني بعد صرت مكانة والدتي هم اتوفت بلولادة محمد اخوي الصغير
مواصفاتي عيون سود وحاجب ثخين الوجه دائري والخشم قلم وشعري للخصر سرح عندي ثنين اخوات الكبيرة عائشة عمرها 23 سنة مزوجة ل ابن خالتي وعدها 3 جهال ودائما مشاكل بينها وبين زوجها الحداد يعاير بيها لنو والدي مگدي جان ومايحترمها وخطية ع طول يضربها ويطردها بس هي تستحمل لنو ماتكدر تجي يمنة ضروفنة ماتسمح لو باقية حالها حالي وحال زهراء ولا مزوجه
اجت خالتي قنعتها واخذتها وزوجتها ل ابنها بلا مهر لزكت الها تلزك ملابس ومكياج بوقتها جنت 12 سنة من ازوجت عائشة ما افهم شي بعد قسمة وصارت والاخت الثانية زهراء عمرها 20سنة خطية عرجة تشتغل بمعمل كبه ينطوها بليوم عشرة و 15 كباية يوميه ناكل منهن والباقي اجمدة بلمجمدة لمن تجي عائشة هي وجهالها ياكلوهن زوجها مقصر وياها كلش اهواي اكثر شي ملابسها ومصرفها من عندي اني وزهراء بعد شنسوي اخيتنة وهذاك زوجها الكلب كاضيها بنات وسوالف مكسرة لنو ماعدنة ضهر يحمينه
عندي محمد بصف خامس ابتدائي
اووووويلي واخ كبير عمرة 26 سنة شحجي وشكول ع اخوي ايمن لاشخصية ولا غيرة ولا كرامة
جان يشتغل عامل بناء راح اشتغل بيت وحده اسمها سوزان اكبر حقيرة وسافلة شافته لاهدة ولاسدة وعديم شخصية خلته يزوجها كدام الناس بس كون اسمه رجال مزوجها وتاخذ راحتة بسوالف مكسرة والناس ماتلومها اذا زعلت عليه يبقة يبجي ويتوسل ويبوس برجليها بس كون ترضة
انطتنة مشتمل اجرتة علينة ب 150 الف بصف بيتها بي غرفة وصحيات وصاله ومطبخ
وهي واخوي كاعدين بيت بصف المشتمل
جنة احنة عايشين بيت اجار
قهر يالله قهر منين الگاها من اختي زهراء خطية عرجة ولحد هسة محد خطبها يو عائشة وعايشة بذل وحسرة من زوجها يو اخوي الكبير صاير طلي لمرتة يو اخوي الصغير صاير متمرد وحقة لنو تعب من حياة الفقر
حضرت زهراء الاكل وگبت العياط دوم كبه وجاي العشة اتمنة اكل مثل اصدقائي اتمنة اكل لحم دجاج كباب اتمنة اكلي. كل يوم فاكهه بل اسبوع مرة اكل لشوكت نبقة هيج والله عدجن فلوس بس ليش بخيلات ليش بس من تجي عائشة تشترن وتصرفن ومن تروح تبخلن علية
ماتشترن بليوم 5000 الف صرفن ل اكلنه حجيت وياه وكتله من باجر ادلل ياحبيبي غير نلم روحنة اتحمل يعمري اريد اجمع كم فلس لخاطر اسوي مشروع النة اريد افتح محل مال ملابس ونخلص من العيش
يتبع...
القصة حلوة تحتاج تفاعل حتى استمر بالنشر 💜
