#المكدية والضابط
للكاتبة كوثر السماوي
البارت الرابع
مريم ... اوووف الليل كله افكر بلذهب والفلوس والملابس مال سوزان وهي تتوسل بيه من سنتين اطاوعها وكالتلي انتي حلوة صغيرة ومرغوبة وبعدج بنية ازوجج واحد تاجر مدة ست اشهر زواجكم ويطلكج يعني مؤقت اذا سمعتي نصيحتي ولعبتي ع الرجال وصرتي سباعية يصير خاتم بصبعج وحتى مرتة يطلگها يخليج زواجج دائمي يشتريلج بيت احسن من بيتي وذهب وفلوس بس ماقبلت وعيرتني الفگر مايصير بيجن خير. ابقن هيج هسة تزوجين واحد فكر مثل الحداد ويعير بيج ويكتلج ويوميه جايتني
الصبح ب 8 خابرت الدكتورة من موبايل عائشة ورحت الها
دكيت الباب وفتحتها
گالت اتفضلي ماما شنو رايده كتلها اني المگدية
هي بقت صافنة
الدكتورة ...اندكت الباب ورحت فتحتة شفت بنوتة ملاك تجنن عبالي وحدة من صديقات نمارق بنتي بس صدمتني من گالت اني المگدية
استغفر الله معقولة حقها اذا تلبس عباه وبوشاية من تگدي
اني مسبقآ موصية نمارق تجمع ملابس ماتريدها لخاطر انطيها للمگدية وصيتها ديري بالج تجرحينها بحجاية او تتأمرين عليها وحجيت الها ع الموقف الصار وياها
نمارق..كعدتني ماما وبنية وياها جميلة بشكل استغربت انو هاي مگدية ماما تركتنة وبقيت اني وياها نعزل بلملابس والغراض الي ما احتاجها سئلتها عن عمرها طلعنة اثنينة نفس المواليد يالله الحمد الله من عشت بعائلة عدهم. وخير من الله وامي دكتورة والدي كذالك وعايشين كسرت خاطري عيوني دمعت
طلعت من الغرفة خاف تشوفني وهي بقت ترتب بلملابس اجتي ماما سئلتني گتلها ماما كذا وكذا
گالت شفتي الله شون يحبج لاتتبطرين
رجعت للغرفة حتى الي اشوفها تنبهر بي ويعجبها واني اريدة
ااعيفه وانطي الها لنو اني عندي فلوس واكدر اشتري ب اي وقت هي ماعدها
انطيتها مكياج وعطورات وجنط وحذية خطية
فتحت المجر عندي 3 موبايلات مابيهن شي بس اذا نزل موديل جديد او عجبني موبايل اشتري جديد واغيرة
سئلتها عندج موبايل
گالت لا
گتلها باجر انطيج موبايل منو من هذني ترديهن
كالت ما اعرفلة ما اريد هذني ملاتج
گتله من اليوم اعتبريني مثل اختج واني اختاريت الاحسن موبايل وكتلها اخذ الصور وافرمتة وباجر من تجين اعلمج عليه شون تستخدمينه
ام حسام ...الصبح كعدت ورحت اني وحمدية بعد مادبرتلي الدجاجة
رحنة ل ام عباس
واخذتهن وگالت الخميس رجعيلي
الدكتورة ... طبخت الغدة واني افكر شون امنت بيها يمكن تطلع حرامية او تسوي شي وكل اشوي اروح لبنتي اطمئن عليها اشوفهن مندمجات
انطيتها الملابس والغراض وخليت بداخل الملابس فلوس وانطيتها اكياس تخلي بيهين الملابس ردت اجربها وعفتها بلصالة ترتب بيهن
خطية اجتني للنطبخ بعد ما خلصت ترتيب وانطتني الفلوس وصدمتني بشي ثاني
اكو محبس مضيعتة من سنتين طلعت لاگيته بجيب جاكيت وانطتنياه طلعت من ترتب الملابس تدور بجيوبهن
صدك فرحت صح هي فقيرة ومحتاجة بس امينة بشكل لو وحدة غيرها جان مارجعتهن
و ل امانتها هاي اثنينهن ما اخذتهن وگتلها جربت بلفلوس مدام هاي امانتج ورجعتيهن الج بعد ما اخذهن
لخاطر اشجعها
ووبعدها او نمارق وصلها لبيتها بسيارتة لنو عدها غراض وصار وقت المغرب خفت عليها من اولاد الحرام
مريم... الدنيا ماسايعتني صح ضجت منها من اختبرتني وخلت الفلوس بس فرحت الله عوضني بفلوس ومحبس ذهب وملابس احلى من ملابس سوزان
رجعت فرحانة والدكتور هم ماقصر نزل اشترة ل نمارق قبل مانطلع طلبت من ابوها يشتريلها بقلاوة اشترة لنمارق وهم مانساني اشترالي
دخلت البيت والبنات فرحن بس حجن علية لنو اتاخرت وقلقن عليه ثاني يوم هم رحت الهم ونظفت وانطتني نمارق الموبايل وعلمتني عليه وگالتلي اشتري خط واستخدمي
وبعدها بليل عائشة رجعت لزوجها واني الصبح رحت لشغلي اگدي
واكفة مثل كل يوم وجان هذا الضابط هم وكف خفت من عندة صاحلي وانطاني الف وسئلني شلونج وگال صار يومين ماشفتج هنا عبالي صار بيج شي گتله لا مبيه شي
گالي ديري بالج ع نفسج واذا هذا الولد حاجاج بس تعاي للمركز والله اذبحة الج ودلاني ع مكان شغلة راح اووف شنو من ولد اويلي نزاكة عصبية شخصية بقيت ع هذا الموال اسبوع اذا وكف السير ينطيني وحتى اذا ما وكف هم ينطيني ما اعرف ليش هيج يتصرف وياي
صرت يومية اريد الصبح يطلع لخاطر اشوفة
حسام.... يومين ما اجت هل المگدية. خفت لا اذاها الولد اليوم الثالث اي الحمد الله اجت سئلتها شونها واذا اذاها الولد خل تجي لمكان عملي
وانتظر ايام متأمل الولد الي ضربتة يشتكي عليه الموقف الي صار گدامي خلاني يوميها انطيها المقسوم مايسوة الالف اذا انطيها الها هم دفعة بلاء وهم يفرحها الله يعلم شنو ضروفها وخلتها تگدي
انتهى ✋
