المكدية والضابط
جزءالثاني
بارت٣
حسام.. حرمت مريم من حفلة وزفة بس ما اخليها بنفسها
اتفقت وي اصحاب الفندق اسويلها حفلة وافاجئها بلحفلة
سويت الها احلى حفلة وماخليتها بنفسها
والحمد الله عدت الليله ع خير
مريم..اتفاجئت هاي واني ظالمة حسام وخايفة طلع حبيبي مسويلي مفاجئة اوووف منك حسام
كعدت الصبح وجان حسام نايم
انتبهت وشفت ظهر حسام اكو اثر جرح كبير بظهرة
خفت وانرعبت گعدت حسام واني خايفة
حسام... نايم ومريم كعدتني اشو خايفة وترجف ودموعها تنزل
هاي شبيج حبي شصاير
گالتلي ظهرك هاي شنو بي شنو هل الجرح
فقدت عقلي ما اعرف تلقائيا عصبت عليها واذكرت الماضي وشنو سبب هل الجرح وبلا وعي فرغت حرگتي بمريم وگتلتها گتلها الا ان فقدت الوعي وانتبهت ع نفسي انو اني اضربها كعدتها ماگعدت وتنزف لنو اذيتها بلضرب
رحت اخذت مي وشمرته عليها گعدت
يالله اشسويت بيها ليش هيج اذيتها دخيلك يالله ما اريد اضربها بعد بقت تبجي هي وخافت مني لا اضربها اخذتها للحمام وغسلت واطمئنيت عليها خاف بيها شي وانكطع النزف من خشمها
وبعينها الف سوال وعلامات استفهام
مريم...بس سئلتة جان يضربني بجنون الا ان فقدت الوعي
وبعدها گعدت جان حيل خايف علية ويعتذر ويسئلني بيج شي
سبحان الله قبل اشوي يگتلني هسة خايف علية وليش هو اني شنو سويت بس سئلتة ع جرح الي ب ظهرة
اخذني للحمام غسلت
بعدين تركني وراح لجنطتة اخذ منها حبوب
ماسئلتة ولا نطقت بشي لنو جنت خايفة بس احجي او اسئله يضربني ردتة بس تروح منه العصبية وكل اشوي يعتذر
ويحجي وياي اني ساكتة خايفة رجعت ردت انام اي فكرت انام ما اريد اسمع ولا اشوف حسام
اذكرت هاي العصبية شفتها اول مرة من ضرب الشا بلتقاطع هسة نفس الحاله
خليت راسي ع المخدة يحجي وياي ما احجي شي
جان يتوسل ويعتذر اني هم جنت ضايجة منه
سكت واني هم سكتت
اخذنة نص ساعة ع هاي الوضعية منحجي شي وهو هم مل وسكت
بعدها اسمعة يبچي و يگول جنت بعمر 12سنة انسجنت اني والدي شهرين وهاي الضربة ضابط راد يضرب والدي بساطور ويگطع راسة لنو جان معارض الحكم حميت والدي وصارت الضربة بظهري
عانينه وعذبونة شهرين اني لخاطر يضغطون ع والدي ويعترف منو الي وياه
المكان الي مخلينة بي تقريبا بل 30 واحد بغرفة حيل صغيرة وماتكفي وجنة ملتفقين ناس تبقة واگفة وناس تگعد والي گعدو يگفون وهيج نتناوب وبس نسمع صياح الشباب الي تتعذب والصحيات حيل قذرة والاكل كل يومين يالله ينطونة الحيوانات ماتاكلة
بعد الحادث الصار وياي اخذوني انزف وشمروني يم باب اهلي وعافوني
والدي بعد ست اشهر شمرو جثته هم باب البيت بعد ماعذبوة الا ان مات
هاي قصة الجرح الي بجسمي وكلما اذكر الجرح اذكر ايام عذابي والمواقف الصارت ويانه الله يخليج سامحيني لنو اذكرت من سئلتيني ولاتسئليني بعد ما اريد اذكر شي
مريم ...اتخبلت من حجالي هو نام واني بقيت افكر طول ماهو نايم وخايفة كلش من هل الموضوع كعد من نومتة وگال نتغدة برة
طلعنة واتغدينة ومرت الايام وهيج كاضيها النهار كله برة وبليل نرجع للفندق
وبعدها رجعنة للعراق وهنا راح تبدي معاناتي وي ام حسام....
لا أحـَد يَفهَمُ مَـشاعِرنا بِالضَبط ، إلّا الله.💚
يتبع.....
