المگدية والضابط
للكاتبة كوثر السماوي
البارت الخامس
ام حسام.. اجة الخميس ومن الصبح ورحت ل ام عباس
وكالتلي هذا البخور تحرگينة اليوم وباجر هاي الغراض تدفنينها ب 3 گبور هذني تقسميهم ع ثلاثة وتدفنيهن قبل طلعة الشمس
رجعت للبيت شعلت البخور ورحت لحمدية گتلها ترحين وياي للنجف ماقبلت بس من گتلها عليه گروتج ومصاريفج قبلت
خابرت ل حسام يمه مشتاقة ازور گبر ابوك طالعة هسة اباب ب امام والصبح باجر ازور القبر مقبل حسام گال باجر جمعة واني اخذج
كوة قنعتة اروح اني وحمدية
رحت ثاني يوم للمقبرة والدنيا ليل ومحد بلمگبرة وخايفين بس شسوي ابني كسر ظهري اريدة يزوج معكود
فهد ..من البصرة اصدقائي يسموني ابو سمرة لان بشرتي سودة اخوي قبل ست اشهر اخوي كرار استشهد وردت ازورة يوم الجمعة
الخميس رحت اني وصديقي للنجف وبتت بل امام وقبل طلعة الشمس رحتلة لنو امي تگول اذا تزور الميت قبل طلعت الشمس يشوفك
بلمقبرة امشي سيارات ماتوصلنة لنو مقبرتنة حيل ضيقة واني وصديقي خايفين ضلمة و ع لايتات الموبايل نمشي اشو نقترب اشوي اشوي من مقبرتنة واريد اوصل لقبر اخوي وجان اسمع صوت نسوان خفنة اني وصديقي عبالنة جن
اقتربنة اكثر شفناهن يم قبر يحفرن
عرفنة السالفة عدهن سحورة گلت لصديقي اس لاتحجي شي هذني يم قبر يشمرن سحورتهن والله اليوم الا العب بيجن طوبة طفيت الايت واقتربت اكثر واكثر ونزعت دشداشتي كانت بيضة لونها ولفيتها ع خصري صديقي يباوع وگالي لا يصير بيهن شي وينجلطن
گتله خل يولن ولك الله يعلم هسة بيتمن يدمرنة يطلگن منو او يعگدن منو خليني اتوبهن انت بس راقب بيهن واذا اجن اتعدن من يمك انت اطلع بوجوهن وصيح واركض وراهن
ختلت ورة قبر واشمر حجار
بس ما اضربهن لا اشمر حجار قريب عليهن اريد اخوفهن
ام حسام...حمدية شنو هذا الصوت منو يشمر حجار
ولج خية ما اعرف
ولج حمدية خاف انتي
والله مو انة
كاعدة احجي وياها وتجيني حجارة بلراس اتاكدت مو حمدية عبالي هي وتخوف بيه
اشوي ونسمح صوت شخير
ويطلع النة جن اسود وساتر روحة من الوسط بچفن
فهد.. سمعهت حجيهن وصرت اشوخر وطلعت الهن
واقترب الهن وهن بقن يصيحن وانهزمن
من جهه صديقي
وهو طلع الهم من ورة القبر وصاح بوجوهن واني اركض وراهن هن يركضن واني اركض وراهن
خبصن المقبرة بلصياح اشوي وحدة اغمة عليها يمكن انجلطت ماتت واني وصديقي افلت
ولك ليش هيج خطية يمكن ماتت..
ولك موتتهن مايخافن الله يطمن سحورة بلمقابر بس بوقتها متنه ضحك
يالله مابقة گلب عدنة يشهد الله يكون بحياتهن مايجن للمقبرة
ام حسام...الجن يركض ورانة وانهزمنة واجه الجن الثاني صاح علينة احنه انهزمنة وجان حمدية اغمة عليها من الرهبه وفحطت من الركض
حرت
انهزم بعمري حمدية شون
اگعد بحمدية ماتكعد اذكرت عندي بطل انطنياه ام عباس گالت بعد ماتدفنن رشي بهذا الماي
فتحت البطل والخيسة مال البطل توصل ل عشر امتار مدري شحاطة بلبطل خايس
امري ل الله مابيدي شي اريد اگعد حمدية شمرت الماي ع وجهها وجان تگعد
وتصيح الجن الاسود الاسود
اسم الله عليج خيه گعدي خل ننهزم ولج گومي يلا
گامت وگوة تمشي الجن الاسود الاسود وطول الطريق تصيح الجن الاسود الاسود
اجرت سيارة وگبل لبيت رحت
السايق استغرب من الوضع گتله خالة وگعت بين الگبور
خوفني السايق گالي هاي ركبها جني
يمه معقولة هذا الجني الاسود طب بيها واتخبلت
وكل اشوي يگول السايق خاله شنو هاي الغيسة گتلتني
گتلة خاله غير وگعت بلخيسة
وصار ابالي اوديها گبل ل ام عباس
وصلت ل ام عباس وسولفت الها السالفة كلها
سبحتها وغيرت ملابسها لنو خايسة من الماي نشرت الها وبقينة عدها للمغرب كعدت حمدية وياريتها ماگعدت مدت السان عشر امتار
وكلمن رجعت لبيتها وحلف حمدية ماتروح وياي بعد ل اي مكان
مريم ... الجمعة گعدت ورحت لبيت الدكتورة گضيت النهار گلة تنظيف
انطتني الدكتورة المقسوم وگالت روحي وباجر لاتجين لنو اليوم خلصتي شغلج
الصبح رحت للتقاطع يمه گلبي اويلي هم شفت الضابط
اوووف هل المرة يحجي بلموبايل ويضحك ااااخ گلبي هنيال مرتك عليك شوف الضحكة حلاتها ربي يحرسك ل اهلك يحجي بلموبايل وانطاني الالف
(( كان يتحدث و ينظر إلي بطريقه خاصه ، و مختلفة قليلاً ، هذه القليلاً كلفتني قلبي))
وكل يوم يمر علية اموت واذوب يمه ما اعرف شيصير بيه...
يتبع ✋
