المگدية والضابط
للكاتبة كوثر السماوي
البارت التاسع
زهراء...وج شبيج
هو هو اتصل علية...
الضابط
اي ولج الضابط
اتصل مرة ثانية گتلها جاوبي شوفي شنو يريد ومنين اخذ رقمج
ولاتخافين عليمن خايفة
حسام... من نست الموبايل جهازها مابي رمز
والبنية عجبتني
دكيت رقمي وحفظت رقمها لنو فعلا حبيت اعرف عنها كلشي جميلة بشكل وتصرفتها بريئة وطفولية وهي البنية هم ع طول تسرق النظر الي وليش من شافتني خافت مني
ردت اتصل بعدين بطلت
گلت لا نص الليل
لا لا هسة اكيد گاعدة لنو قبل ساعة جانت برة مانايمة خل اتصل واشوف
اتصلت وردت وححيت رياها وغلقتة من عرفتني اني
هم اتصلت اتاخرت يالله ردت وححينة منين جبت رقمي ومن هل السوالف وخلصنة الليل نحجي
ما اعرف ليش حسيت اعرفها من زمان وصوته ناعم وحلو وبي بحة يجنن بشكل سبحان الله كاملة مكملة
مريم....ماردت احجي وياه بس زهورة شجعتني خليت هتفون واحد عندي واحد عند زهورة واحجي فد ساعة انتبهت ع زهورة نامت
وراها بقينة نحجي جبناها من الشمال للجنوب وهو عرفت منه مامزوج واسمة حسام وضابط وجان قبل يحبلة وحدة اهلها جبروها تزوج ابن عمها وهو اتهمها بلخيانة لنو عافتها وراحت قبلت ب ابن عمها واتعقد من البنات لنو خايف يحب مرة ثانية وهم ماتصير اله وينصدم
هو هم يسئلني واني اجاوبة بس ما احجيلة عن حياتي
استعاريت حياة نمارق بس اسمي كان حقيقة
طلع الصبح وما حسيت بلوقت واني ما اطلع للشغل كان يوم جمعة المفروض اروح للدكتورة اشتغل بيتها وما رحت
حسام.... طلع الصبح واتمنيت ابقة احجي وياها اكثر ام السان هاي السانها طلع شطولة
حسيتها نعست خليتها براحتها وراحت نامت
فكرت بيها معقولة هيج جمال تصير الي
ما اعرف ليش ولا اعرف عنها اي شي مجرد ساعات من عرفتها دخلت لگلبي وعقلي ونمت
گعدت من نومتي ساعة 1 الظهر اتصلت بيها جاوبتني ومبين اني گعدتها من نومتها بقيت احجي وياها وكل اشوي اسمع صوت اخوها واختها گتلها بما انو اليوم عطلة عازمت ع عشة هي ما قبلت گالت ما اكدر اطلع
مريم ...نايمة ودك التلفون بلغرفة لوحدي
وزهورة تدرس حمودي بلصالة اسمعهم لنو هو مشتمل صغير واسمع اصواتهم شفت الرقم ماصدكت انام ع صوتة واگعد ع صوتة حجيت وياه وعزمني ع عشة اني ماوافقت خفت ونهيت الاتصال رحت الهم للصالة زهورة ابتسمت وگالت صحي النوم شمسج عالية باقية لهسة نايمة
رحت للمطبخ اشوفها شطابخة لحگتني وگالت سوفيلي شصار من نمت شنو حجيتو
گتلها كومة حجي وبليل عزمني ع عشة
فرحت زهورة وگالت روحي ...
ياااا زهورة شنو تحجين انتي لا دادا ما اروح...
روحي ولج اطلعي شوفي حياتج هيج ومن الله يزوجج واخلص منج..
فرحت حيل لمته يجي الليل واطلع
ساعة 5 اتصل علية وگالي ها ماغيرتي رايج هي عطلة وخل نطلع نتعشة وگولي ل اهلج صديقتج عازمتج
فعلا بدلت انزك ماعندي الله ينطيج العافية يانمارق ملابسج فادني اهواي
صارت ساعة 6 ونص اتصل وحددلي المطعم
زهورة اهواي وصايا وصتني يمكن بلساعة توصي ولازم قبل ال 10 اني بلبيت
رحت وگلبي يدگ يدگ يمه شون بيه
وصلت للمطعم
حسام... حجزت بلمطعم ومكان اشوي منعزل لا احد من اهلها يشوفها وتصير الها مشكلة
صارت ساعة 10. وجان تطفر من مكانها وتكول اتاخرت اريد اروح
رادت تروح ماخليتها تروح بهذا الليل وحدها
مريم ... عزة صارت بل عشرة هسة زهراء تنتقم مني انتقام ردت اروح مقبل گال اني اوصلج
يمااا يوصلني غير ينكشف كلشي ويعرف بيه اني مگدية
اصر
گتلة اني اروح هو جبرني يوصلني يالله شون بيها استرني
ليش جذبت ع الولد ليش ماگتلة الصدق
رحنة للسيارة ركبت بسيارته
وگلي وين بيتكم گتله لا لاتوصلني ل اهلي اني اروح نزلني قبل شارعين واني اروح لنو خاف ناس تشوفنة او الجوارين گالي اعرف حبي
يمه گال حبي ما اعرف بساع صرت حبك
گال اي انزلج بس ابقة امشي رراج الا ان توصلين للبيت...
يالله شون مصيبة ما اريدة يندل اهلي
خطرت ابالي فكرة ادلي ع بيت الدكتورة
ورحنة قبل شارعين نزلني وصار يمشي وراي اكولة روح ميقبل يروح
اضطريت اروح للباب سويت نفسي افتح بي واسمع خطوات جاي من جوة يمكن الدكتورة او الدكتور يالله سترك...
يتبع...
هلو اسفة ع التأخير ماكدرت البارحة انشر بارت
