المكدية والضابط
جزء الثاني
باقي بس بارت الاخير
بارت ١٠
مريم....سمعت الخبر من زهراء كل احساس فقدتة گتلها جذابة هيج تحجين لخاطر اسكت وما احجي ولا اشتكي ع حسام
قسمتلي واجت عائشة حچت ع زهراء ليش گالتلي
زهراء گالت هي راح تعرف تعرف اليوم باجر مصيرها تعرف
اجت عائشة حضنتني
اني رجعت نمت اي نمت اريد انام هذا حلم هذا كابوس بنتي وحسام بنفس اليوم
مر اسبوع واني بلمستشفى داخلة وعايشة ع المغذيات ويمكن بس وجبه او وجبتين اكلتها مالي طاقة ل اي شي حتى البواجي والحزن مالي طاقة
صار الوقت الي يطلعوني من المستشفى اجة علي ونيبال
حسين.. كل يوم اسئل دكتورة وسن ع حاله مريم
وجانت تگولي البنية عايشة بصدمة لاتبجي ولاتحجي ولاتاكل ولاتشرب وگاظيتها بس نوم واهلها حيل تعبو وياها واني هم مكسور خاطري عليها
صار عندي فضول اشوف مريم
وگالت الدكتورة باجر تطلع خل اشوفها قبل لاتطلع
سئلت الدكتورة وسن هي بيا غرفة صار فضول عندي اشوفة وهم احجي وياها اشوي عاد هلبت تتغير حالتها رفضت الدكتورة بلبداية بس بعد ما اني اصيرت عليها قبلت
گالت هو اني بعد ساعة اروح الها واشوفها لنو تكسر خاطري بس بلبداية نحجي وي اهلها
وبعد الساعة رحت وي الدكتورة حاچت اختها قبلت
شفتها
عباله بس الدكتورة بقت نايمة ومن الدكتورة وسن گالت دكتور حسين وياي ويريد يدخل
گعدت اطمئنت الدكتورة ع حالتها بلبداية
شفتها بعدها صغيرة يالله اوووف يلعراقية مشلوعة گلب وعايشة بضيم من اول يوم بحياتج ما ارتاحيتي گضيتيها حروب وحرمان وحصار وعادات وتقاليد واحتلال وانفجارات ودولة فاشلة وداعش والله يعلم بعد غير هل الشي شنو يصير بيج بنات الدول مرتاحات وكل همهن دراستهن ومولات وسفرات وماركات
واني تفكرين راعي بيتج يطلع من البيت يرجع يو مايرجع مثل مريم الصبح طلع زوجها
وما رجع بعد
حجيت وياها اني والدكتورة وحجيت الها قصتي
وهاي اني گدامها حياة استمرت وعايش وبقو بس ذكرى
والدكتورة هم قصت الها قصة جيرانها شون ماتو 5 نفرات من اهلها ايام السقوط وهسة البنية استاذة جامعية ما انكسرت ابد مثل النخلة العراقية تضل شامخة
حجينه وياها بل النص ساعة وجان تبچي اي بچت وحچتلنة قصتها من اول يوم امها ماتت الا ان ضربها زوجها حسام وماتت طفلتها
نزلت دموعنة وكسرت خاطرنة اكثر واكثر اشكد عانت هاي البنية واشكد ضيم شافت بحياتها
والله لو اني مكانها انهد حيلي
حقها اذا انصدمت
المهم فضفضت وطلعت الي بگلبها وبچت
ثاني يوم هم رحت اطمئنيت عليها ثاني يوم قبل لاتطلع
مريم...طلعت من المستشفى وردت اروح لبينة ما قبلت عائشة رحت وياهم لبيتها بقيت شهر واني بين حاله الصدمة وخسرت كلشي بساعتها
لزمت الحداد اربع اشهر وعشر ايام بس حديت بيت حسام خلصت حداد
واتصلت بعلي يجي اريد التفق وياه ع كم شغلة
علي.. اتصلت علية مريم اتوقعت تطالبني بنصيبها من حسام
وصلت للبيت جانت اخواتها واخوها محمد وزوج اختها زهراء موجود
طلبت مني تاخذ غراض حسام وتاخذ نصيبها من ورث حسام وتوزعة بثوابه
انصدمت معقولة هيج الي مثلها تطالب بورثها لخاطر تاخذة الها
هاي طلبت لخاطر توزعة بثوابة
گتلها ميخالف بس هذا البيت ماينباع صح هذا البيت ب اسم حسام بس ما ينباع يبقة
والاملاك البقية حصت حسام اني اشتريتها
وسرمد هم كذالك اشترة حصتة من العمارة واخذت مريم واتصرفت بفلوس وكبرت بعينة مريم
حسين ....مرت الايام واشهر وبالي يم مريم شون صارت طلعت من حالتها يو لا وبقيت اسئل عنها واطمئنيت عليها واتغيرت حالتها وصارت احسن
ما اعرف ليش ع طول مريم ع بالي وفكرت بيها اهواي شون عايشة وجانت مگدية
هل البنية ع طول مشغول بيها وافكر بيها
حلوة وقوية
اقترحت ع دكتورة وسن تروح تشوفها وتسئل ع اخبارها لنو هي جانت قريبه منها ودائما تتصل بيها يو عائشة اختها تتصل عليها
وسن... حسين كثر سؤالة عن مريم معقولة يريدها
لا مامعقولة لنو حسين كم مرة نلح علية يزوح ميقبل
ويمكن حسين اتعاطف وياها لنو حالتها مقاربة لحالتة الله اعلم
بيوم من الايام حسين طلب مني ازور مريم واطمئن ع حالتها
خلصت دوام وخابرت ل زوجي گتله رايحة ازور مريم مسبقا اني حاچية لزوجي عن حالة مريم
وافق اروح
ورحت ل مريم وزرتها بيتها عايشة واختها عائشة گاعده وياها. واخوها محمد
شفت حالتها ما عجبتني مئيسة
حچيت وياها
اشتكتلي تكول اني عبارة عن اكل ونوم نفس الروتين كل يوم باقية عالة ع اخواتي وحتى اختي عائشة هاملة عائلتها وتهتم بيه
بهل الاثناء اتصل زوج زهراء اختها وگال عدها حالة ولادة
اني عفتهم واتصلت بلمستشفى وصيت ع زهراء يهتمون بيها
وطلعت
بعد ساعة اتصل علية دكتور حسين يطمئن ع مريم هنا اذا قبل شاكة بحسين انو مهتم بيها ويردها اليوم. اتأكدت حسين عندة ميول ل مريم ويريدها
يتبع...
