دمعة الم... ام رحيل ع...م

❣دمعة الم..8 ..للكاتبه ام رحيل ...ع م

بارت....8 ....
هيثم وريحانه بلسياره رايحين المستشفى
المجانين...وهو ايسوق بسيارته..وريحانه
كاعده ابصفه بلصدر ...عباله عروس صدك
وتباوع الهيثم..واخبالاته ...عشكته...ودخل عقله المسودن وتريد اتبوسه...وهيثم عين
على الطريق وعين على ريحانه...ايخاف لاتكمز عليه ..لان ايشوف الحب والهيام بعيونه...وبوجهه الي مثل النفاخه المزروقه

-هيثم...رجلي ..مووو.مووو..😍🤩
-هاي شنو ريحانه..شسوين..
-ابوس..رجلي....
-عيب ريحانة..

-شنو ...انت اتجذب عليه ...هيثومي..حاااااا
انت مو رجلي.....ابو اعمامه ..كال انتي مرت هيثم...تقبلين..
واني كتله اي اقبل..
-اي صحيح ريحانه...بس انتي جنتي احلى..
ليش هيج امسويه ابنفسج ...هسه نوصل وتشوفين غرفتج الحلوه...وتغسلين ..هذا كله
وتردين ريحانه الحلوه..
-هاااا...اي...ميخالف...اغسل وارد ريحانه الحلوه...وانت اتحبني ..وما اتروح...بعيد
-لا ريحانه ما اروح بعيد ...يله وصلنه هذا
بيت العرس ..
-هذا بيت العرس كلش جبير ..ريحانه اتضيع
-لالا ريحانه ما اتضيع...اكو اهواي بنات وياج
واذا ضعتي ايدلنج...
-يبوووووو..على حض ريحانه ..وين ما اتروح
بنات اهواي وياه...خاف ياخذن  هيثم مني ..
-اي ..ريحانة ولازم اتصيرين احسن منهن كلهن واحلى وحده ابيناتهن...واتسمعين الكلام
حتى ريحانة ايحبه هيثم اهواي..وما ياخذني منج
-اصير حلوه...احلى منهن..هااااا.ليش مااكتلهن
كلهن ويظل هيثم الي وحدي..حااااا. 👿👿
- لا ريحانة اتصيرين حلوه وحبابه وما اتكتلين احد ....وهيثم ايصير ايحب  ريحانة
اهواي...اهواي...ويعيف  البنات كله على مود ريحانة...
-وتصير ريحانة حبيبة  هيثم...
-اي  ريحانه...يله خل ننزل..
ونزلت ريحانه ودخلت المستشفى وهي عباله
بيت العرس...
*
*
-امل ماما حبیبتی تعای ویانه اداریچ منا لمن اتجیبین
-لا ماما انی مرتاحه هذا بیت سلام ما اعوفه
ابد منا لمن الحگ سلام,,
-اسمله علیج یمه امل شنو هذا الحچي,, دیری بالج علی روحچ های ریحانه راحت ویه اخوچ,,اول مره ما چنت راضیه علی الي سواه بس هسه
لمن صارت بعیده عنچ گلبي ارتاح ورضیت
علی هیثم وعرفت لیش اتزوج های الخبله ,,,
-یمه انی ما راضیه ,,بس هو ایگول ارید اساعده,,وارجعه ابنیه عاقله ..واني قبلت لان هذا الشي..ايفرح سلام.. ابگبره...
واجتي ريم عليهن...
-عمه لا اتخافین علی امل تره احطه بعیونی
اکثر منچ لان شایله ابطنه عزیز گلبنه..ونور بیتنه..
-اتسلمین عمه ریم الورده الحلوه الله ايزيدچ
بعد اکثر جمال وعقل,,
-اتسلمین عمه,,نسیت هاج امل اشربی هذا الحلیب ,,
-ریم نفسی ما اتریده حبابه ,,
-ریم الدکتوره گالت اذ ا اترید الطفل وعاجبه
تحتفض بیه لازم تاکل وتشرب زین لان الحمل
مالتچ ضعیف وانتی ابکیفچ تردین ابن سلام
اکلی ماتردین طفل من سلام لا تاکلین ,,وحطت ریم اگلاص الحلیب گدامه ومشت,,
-هااا  ماما امل اشگلتی ریم جاي اتخیرج تاکلین..الطفل یبقی ابطنج ما تاکلین تخسرینه
للطفل
-لا  ماما اسمله ,,انی مارایده الحیاه الا علی موده,,,راح اشرب واکل واخذت  اگلاص الحلیب وشربته  وعیون ریم وابو سلام من بعید اتباوع علیه والبسمه انرسمت علی وجهم,,,,
-عفیه علیج اموله ,,,وهذا الاکل یله اکلی,,
-لا عفیه ریم ما اشتهی هسه,,مو شربت
الحلیب,لا اتصیرین طماعه,,
-لازم تاکلین حتی حجی مهدی یاکل ,,شوفیه
حاط الصینیه وگاعد اگبالج ,,ایگول ما اگل الا
یاگل سلام الي ابطن امل گبلی,,
وباوعت امل ,,حجی مهدی گاعد ویباوع علیه
والاکل گدامه,,
-هاااا,,اموله عمی تاکلین ,,,اکل ما تاکلین اخلي ریم اتشیل الاکل من گدامي
-لا عمو ,,اکل انی راح اکل ,,,وبدت امل تاکل
وهی اتحط لگمه ابحلگه ودمعته تنزل,, وحجی مهدی ایحط لگمه ابحلگه ویباوع علیه وگوه یبلع الگمه,,,
-عفیه ابنیتی ریم ,,تونی اطمنت علی امل ,,انی رایحه واني، مطمنه، عليه
وسلمت ام حسام ...عليهم وطلعت ويه حسام
الي اعيونه اتزارگ ريم ابنظرات.. كله حب واشتياق... 💕
*
*
ومرت الاشهر,,وامل ابشهره الثامن وحمله یتقدم یوم وره یوم وراحت الیوم للسونار
هی واحلام,,,وحجی مهدی ویاهن ایوصلهم
بلسیاره للدکتوره,,
-روحن بویه انی منتضرچن یم السیاره,,
دیری بالج علیه بویه احلام ,,
-بعینی بویه,,انشاله الله یجبر ابخاطر ویطلع
ابطن امل سلام ازغیرون,,,همزين ریحانه بلمستشفى..... ینخاف منه هههه,,,
-الله کریم بويه احلام .... الیجیبه ربچ هله بیه,,المهم من ریحة سلام...
و راحت ..احلام وامل للدكتوره... واحلام تدعي...
-ربي اجبر خاطر عبدك..حجي مهدي.. وارزقه
ولد.. تنور بيه حياته ويطول ابعمره...
-احلام گلبي راح يوگف بسچ.. تدعين..
-ليش امل حاسه ابشي،.. انگوم هسه انفوت على الدكتوره ونضرب السره...
- لا... احلام مابيه شي...گلبي گام، ايدگ، وخفت.. من سمعتچ تدعين يطلع ابطني، ولد
علمود، يفرح عمي...
-امل... اني، مخبله، مثل ريحانه واحچي شيش بيش.. لا اديرين بال، الي..  اني سمعت  ابويه حجي مهدي ..ايكول
- كل الي ينطينياه
رب العالمين.. خير، ونعمه.. نحمده عليه.وگتله
حتى.. اداهر وياه ...بلكي اشويه ايغير جو الحزن الي على وجه.
-بويه ابوسلام... حتى لو خنفسانه.. ميخالف
-ولچ احلام.. لا اتشربين، من مي حوراء وتصيرين مثله... خبيثه... مو اني اگول عليچ
حبابه وطيبه....
-بويه حجي مهدي... اشبيك صاير ما اتحب الشقى مثل گبل... جاي اتشاقه وياك... شنو قابل اذا جابت امل خنفسانه انذبه بلشارع.. هم تبقى بتنه... مو بالله.. هههههههه
-لا يا امخبله عدتچن ريحانه، اخبال.. ههههههه
*
*
-اي امل والبارحه اول مره بعد، هاي الاشهر كله اشوف حجي مهدي يضحك.. على سالفة الخنفسانه..
-يايمه... احلام هاي امنين جبتيه السالفه راح اضل الليل كله احلم ابطني خنفسانه...
-لا ما راح اتلحگين اتحلمين.. لان اليوم راح اتعرفين شكو ابطنچ.. خنفسانه.. لو ابو الجعل
-يا احلام لا اتخوفيني عفيه والله اني اخاف
من هاي الحشرات.. وانهزم منهن... ادور سويتيهن ابطني... اشلون انهزم من بطني..
دخيلچ احلام... اني خايفه..
-ولچ امل.. انتي امخبله..
(من عاشر القوم اربعين يوم صار امخبل مثلهم)
-يعني شتقصدين..
-اقصد صرتي امخبله مثل ريحانه وتصدگين كلشي... ولچ عوبه... خنفسانه.. يعني ابنيه
-زين.. وهذا الگلتيه.. ماعرف شنو...
-هااا.. ابو الجعل..
-اي ابو الجعيل.
يعني ولد. ..هي هاي يرادله
ذكاء.. يامعلمه.. مدكليلي اشچنتي اتعلمين.
الجهال... بلمدرسه
-اعلمهم قراءه... قابل اعلمهم ..خنفسانه وابو
الجعيل...
-ابو الجعل.. امول... ابو الجعل... وصاحت السكرتيره...
-امل كامل..
-اي، عيني احنه.... وگامت احلام وامل.. دخلن للدكتوره..
وبعد ما اخذت الدكتوره سونار وكشفت عليه
وبانت الدهشه على وجه الدكتوره... وهي اتباوع للسونار... وتفر ابراسه...
-هااا.. دكتوره خير خو ماكو شي... الطفل ابخير،.... اوليد،.. لو ابنيه... گولي دكتوره خوفتيني..
-ها لا ماكو، شي،... الطفل زين وانشاله.. كلشي
تمام..
-دكتوره اكو شي گولي تره گلبي امعلم على القهر.  
-شكو امل.. اشبيچ كلشي ماكو.....  زين راح اگلچ لان اعرف راح ايظل عقلچ ايودي ويجيب...
-اي دكتوره رهام.. عفيه گوليلي شكو اشبيه
الطفل...
-دكتوره شنو السالفه اكو شي..
-هاي انتي همين مثله... شوفن... راح اگول.. حتى ترتاحن...
شوفي امل... انتي ماراح اتجيبين طبيعي
ويمكن تحتاجين عمليه قيصريه... هي هاي
السالفه.. خو ما تخافين من العمليه ابهذا الوكت صارت عادي، وسهله...
-لا دكتوره عليمن اخاف.. اصلا امي اجيابته
كله عمليات قيصريه..
-اي على طاري امچ شگد جايبه..
-هااا.. دكتوره... چايبه اتلث ولد واثنين بنات
-وكلهم عمليات قيصريه...
-اي دكتوره..
-وكلهم صاحين ماعدهم شي...
-اي كلهم زينين والحمد لله.. خير دكتوره طفلي بيه شي...
-لا من گال بيه شي... كلشي مابيه ولد وچنه بطل...
-كلللششششش.... العفو دكتوره فرحت مبروك اموله...
-اتسلمين حبيبتي حلومه ام احمد الورده..
-الله يسلمچ مو گتلچ ما اتلحگين اتحلمين..
لا بلخنفسانه... ولا ابو الجعل.. راح اتحلمين
ابهذا البطل النيم ابطنچ...
-هاي كتبت اله شوية مقويات.. خل اموله تگعد بره وروحي جيبيهن.. ااشرهن الچ
-زين دكتوره... يله اموله اوديچ بلسياره لم ابويه.. واروح اجيب الدوه للدكتوره...
وطلعت امل واحلام... ودته للسياره
-گرة عينك حجي مهدي.. راح اتصير جد..ال ابن سلام ...
-الحمد والشكر الك ياالاهي... فوتي عمي امل للسياره.. ارتاحي...
- بويه... رايحه اجيب الدوه.. واوديه للدكتوره
-روحي بويه احنه منتظريچ بلسياره... الله يرضه عليچ بتي احلام.. ام احمد الورده.. فرحتيني ابهاي البشاره...
-الله ايطول عمرك بويه وتربيه وتشوف عرسه
وراحت احلام جابت الدوه... واخذته للدكتوره
*
*
-هذا الدوه دكتوره رهام..
-تعاي احلام.الدوه مو مهم كله بس فيتامينات
تعاي اكو حچي لازم اتعرفينه عن حمل امل
بس اريد اسئلج سوأل ما گدرت اسئله گدام امل..
-خير دكتوره خو ماكو شي..
-والله احلام.. انتي وخواتچ اتراجعن عدي من زمان... واني ما اريد اضم عليچ وبعدين تگلين
دكتوره رهام ماكلتلي.. الصدگ..
-خير دكتوره.. شكو خوفتيني...
-احلام ذيج المراجعه من اجيتن.. وطلبت اتسويلي سونار ملون... وتجيبنه..
-اي دكتوره وجبته الچ اليوم.. وگلتي الطفل زين وكلشي مابيه...
-لا احلام... السونار ايگول... الطفل...
-يااا عزه... شنو الطفل طلع ابو الجعل صدگ
الاهي لا اتعابيني... والله اتشاقه..خطيه امل ماتستاهل.. اني الغلطانه...
-اشبيچ احلام.. بعدني ما كلت شي... شنو ابو الجعل... گمتي اتخربطين
واني كلشي ما گلت بعد... لعد لو گايله اشلون
-گولي.. دكتوره والله نزل حيلي.. توني بشرت
الحجي وفرح.. خير دكتوره..
-اسفه احلام... الطفل زين وقوي وكلشي مابيه بس مثل ما گلت راح اتجيب ابعمليه ماتگدر اتجيب طبيعي.. لان.... لان
-رحمه الوالديچ دكتوره... اذبحيني ابسرعه
مو اشويه.. اشويه...
-احلام اني اسفه... الطفل.. بلسونار امبين
عده.... راسين....
-ياااااا.... يمه سوده ابوجهي... يافرحتك الما
تمت يحجي مهدي..

للكاتبه ام رحيل ...ع م
😱😱🤧🤧🤧😱😱😱🤧🤧🤧😱😱