بارت...15.....
-صایر سلطان واسمه سلطان حاط رجل على رجل وحوراء..اتجيب وتحط ابكرش...سلطان العطال البطال...
وفاتت عليهم وعيونهم شاچت وگلوبهم
رجفت...
وگمز هیثم من مکانه...
-هاي ...اشلون طلعتي ..وشلون اندليتي البيت
-اني جبته...دکتور هیثم...
وفاتت دكتوره انسام ويه ريحانه...بس چانت مو ذيچ ریحانه.....هاي وحده ثانيه اتغيرت..وصارت عاقله وحلوه ورقيقه...
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
-دكتوره انسام اشلون ما انطيتيني خبر گبل
ما اتجیبیه...
وچانت امل حاضنه ولده اثنينهم ونايمه عليهم ....
ليش...لان ريحانه طبت للبيت...
-لتخافين امل ماراح اشگ بطنچ..لان طلعتیلي
اثنين سلام...ههههههه...ههههه
-ريحانه ....انتي عقلتي...
-حااااا امولان 😈😈....اي حبيبتي عقلت هههههه لتخافين...وفاتت ريحانه وباست ايد حجي مهدي ...وخواته التمن علیه کلهن .. گاعدات وحاطاته بلنص...وايباوعن علیه
ومتبهرات ...اشلون عقلت وصارت هيج
حلوه ...وهيثم مايعرف شيگول...وعیونه اتسمرت
على وجهه وشلون هيج اتغيرت بين ساعه وساعه...وگلبه دگ..ومایعرف سبب دگته شنو
- ريحانه شنو الصار ...توني البارحه ضربتج ابره وعفتج نايمه ..
-اي واليوم اجيتك عاقله ..لان طبيبي خوش طبيب شاطر...كلش ...ورجعلي عقلي وطلعني من الظلمه ..الچنت عایشه بیه....
-بس انتي طالعه غير شكل ...قصدي طالعه
اهواي حلوه...وعيونج مثل البحر...
-دكتور هيثم انت شتحاجي ريحانه....
-ريم يامرت اخوي حسام ...انتي شعليج
ياحشريه ...لو اتغارين على امچ....ها...🤭🤫
اقصد اختچ ...اتغارین علی اختچ...
-لا...دكتور هيثم اليوم...لازم انحط النقط علی الحروف...
وفاتت حجیه صبيحه..ايتچوله ياسمين من جهه ..وشاب طويل ابيض..من الجهه الثانيه وياهم شابه بلخمسه وعشرين حلوه چنه اجنبیه شایله ابحظنه طفله چنه گمر...وفاتوا کلهم البیت حجي مهدي وسلموا علی الکل... وگعدو....
-الیوم... حجي مهدي...وگت نکشف بیه كل الي ضميناه هاي السنين كله....
-حجيه صبيحه ...بعد هاي السنين كله تجيني
ابيوم فرحتي ...تردين اتهيجين اجروح گلبي
-ياااا ... مهدي الجروح ما طابت علمود اهيجه
الجروح امخزنه ...والالم ما راح منه ولازم هاي الجروح اتطيب حتى صفحه وتنطوي للابد...
-ماعرفتينه بلضيوف الوياچ..حجيه...
.
-اگلچ احلام ....اشو هاي البنيه تشبهني كلش..
منيه.عبالك اني ..
-اسكتي ريم خلينه انشوف ونسمع خالتي صبيحه شتگول...
-ولچ داده احلام حبابه شوفي...دشوفي..
-اي شاشوف مدگلیلي...
-شوفي حسام جاي ايباوع عليه...راح اگوم افگس اعیونه... 😫😫
-یا والله گومي خل انشوف اشلون اتفگسیهن
غير تشبهچ اهواي ومتعجب...مثلنه کلنه يعني انتي ما جاي اتباوعين عليه وتسئلين ليش هلگد اتشبهچ.....
-حجي مهدي هاي البنيه انت تعرفه زين..لان تشبه ريم ...موووو...
-ياااا بويه انت عدك ابنيه تشبه ريم...
-اسكتي بويه احلام ...اسكتي...اكلچ صبیحه
مو وکته..
-وکته ...بویه...ولازم ارجع حیاتي الضاعت..من اثمنطعش سنه ولازم الكل يعرف الصار...من حقي ومن حق هيثم وحسام وريم
وياسمين...
-ريحانه...بويه لااتهيجين اتراب الموته خليهم نايمن بگبورهم..
-بویه ...المیتین خلصت حیاتهم وراحو خلینه انعدل الباقي من حيات العدلين...حتى انعيش ابسعاده....وبدون اسرار
-بويه ريحانه...انتي تردين كلشي ينعرف...
-اي بويه اني اريد الكل يعرف...اريد ابدي ..
البقى من حياتي ابدون خوف...واعيشه ويه الانسان الي يقبل ابظروفي....
-حجي مهدي...اليوم اني اجيت ولازم ينتهي كلشي وينعرف..واول مامريت على ريحانه.للمستشفى وگعدنا وسولفنه گل الصار
وهسه اجینه انسولف الجره والصار وکلنه اهل وگرایب وما بینه واحد غريب...وسولفت حجيه صبيحه قصة ريحانه مثل ما سولفته ال هيثم...وانتهت الى ان گالت...
-وهاي ياسمين بت ريحانه...واخته التوم الي اخذته كريمه وياه وگلتلك..هاي بتي جبته واني لم اختي...صبيحه...واعتقد هي هاي البنيه التشبه ياسمين ...اسمه ريم ..موووو
-شوفي صبيحه...هذا الحچي كله كريمه سولفته الي گبل ما اتموت...اوصتني ادير بالي علی ریحانه...وریم ...وما اخلیه اتحس اني جده مو ابوه...
-بابا ...انت اشجاي اتگول ...شنو هذا الحچي
-اي ابنيتي ...اني جدچ وجد ياسمين ...بس هذا السر الوحيد الضمته عليه كريمه وما گالتلي ريحانه جابت توم ...واكو بعد وحده ظلت لم صبيحه...لو ادري چا جبته تربه ویه
اخته وامه...
-زین حجیه ما عرفتینه لسه ابهذا الشاب...
وهاي البنيه الوياه.والطفله.....
- اي دكتور هيثم لازم تعرف هذا رافد ابن المهندس شريف الي عقد على
ريحانه وسافر ويه ابوه وسجلنه ياسمين
اباسمه.....
-اي اي دكتور اني رافد شريف...واجيت اليوم لان
حجيه صبيحه خابرتني ورادتني اجي حتى كلشي...ينحل...
-يعني انت هسه زوج ريحانه...
-حجي ...ابوسلام ...شنو هذا الحچي..شنو زوجهه ...صار اثمنطعش سنه...هذا يازواج هو ابدوله وهي ابدوله...هاي امين جبته السالفه..
-ابني هيثم ...ادري انت كتبت عليه..وانت هسه..رجله...بلقانون بس لا تنسه رافد هم مثلك عقد عليه وسافر ..وهسه لازم نعرف
شنسوي...
-هههههه...والله خوش امزوجيني ..لاثنين
واني امخبله..والبنات العاقلات واحد ما لاگیات...بعد شرید...بابا لا اتخاف ...اني ما افرض نفسي على اي واحظ منهم كلمن خلص العليه...وانعمله من رافد ...وهيثم..وكلمن ايروح الحاله....
-حجي مهدي كلشي لا اتسوي ...اني حليته
من زمان ..
-اشلون حليتيه حجيه..گولي خليني افتهم..
-من انت اخذته الريحانه ..وظلت على حاله
وماطابت ...وقبل ست اسنين ..رافد دزلي رساله يسأل على حالة ريحانه ..واني رديتله ريحانه ...بعده على حالته وعد ابوه...وراد يتزوج وماگدر لان هیه زوجته ...فطلبت منه ايودي ورقة طلاگه..ويشوف حياته.....ودز ورقته الي واتزوج هو ..وهاي البنيه واسمه
.سالي..وخلفوا هاي الورده الزغيره..وسموه ريحانه..على اسمج ريحانه..
-صدگ رافد ...سمیته على اسمي ..هاي الورده الحلوه تعاي ..خل ابوس البنوته الحلوه بت اعز صديق الريحانه المخبله...هههه
وصاحته ريحانه واجته تركض اتگول تعرفه
وشایفته من زمان..
-وباسته ریحانه وحضنته..انتي اسمج ريحانه
-اي اثمي ايحانه...انتي ايحانه مثي..
-اي اني ريحانه مثلج..
-بث ماكو حمله مثج...حتيلي...مثج..
-يا شتريد شو ما افتهم كلامه...شتگول ..ترجمیلي سالي.. شتگول ...
-ههههه ..هاي فد وحده شيطانه..اتگولچ انتي
ريحانه واني ريحانه بس ماعدي حمره مثلچ
حطیلي حمره مثلچ...
-یااااا...یمه تدلل علیه ریحانة گلبي...وطلعت ريحانه قلم حمره وگامت اتحمر ..ریحانه الزغيره..
أنت تقرأ
دمعة الم... ام رحيل ع...م
ChickLitترقبوا قصتنا الجديده ..دمعة الم ... .امل..فتاة عانت من عذاب الحب ...ونالت حبها...ولكن القدر يقف لها ..معاند مخاصم .. يقول لها ...لن اجعل لكي في الحياة اي امل... يا.....امل.. ستصابين بلجنون...وساحرمك...وسأدخلك السجون...وسنرى بعد ذلك ...امل ماذا ستكو...
