بارت.... 13.....
وفاتت صبیحه...وكريمه وياهن ريحانه ..مثل
التايهه والفكر مدري وين راح من عده ...مدري ويه مصايب الزمن الطاحت عليه ...مدري من غدر حاتم اله....
-ها دكتوره... اشبيه ليش لسه ما بطلت دوخه ولعبان نفس.. مو صار عليه خمس تشهر...
-شنو... خمس تشهر هاي يادكتوره غبيه هيچ كلتلكم... بعدين اني اشوف هاي البنيه مو صاحيه... اشو تضحك وتسوي حركات غريبه
هي متزوجه..... لووووووو...
-لا دكتوره والله متزوجه وهذا العقد..
-معلينه... مو مهم.. بس عيني هيه امبينه مو عاقله
والظاهر كايلتلكم احساب غلط...
-ليش دكتوره شنو الغلط...
-عيني هيه عليه شهرين مو خمس تشهر...
-اشلوووووون.... سوده ابوجهچ يااااااكريمه..
اهووووو... امده گصتچ يااااااكريمه.. وگامت اتدگ وتلطم على صدره... والدكتوره ما فاهمه
شي...
-عيني گولن الصراحه بعد عليمن الچذب... گولن، مامتزوجه... خبله وانضحك عليه..
-والله دكتوره... مو هي النضحك عليه احنه النضحك علينه... سوده ابوجهنه... على الي سويناه بيه... اهه... اهه... 😭😭😭
وگامت كريمه وصبيحه يبچن.. ويلطمن.. على اخدودهن...
-هاي اشبيچن... انتو عايله امخبله.. اطلعن بره... يله بره...
-لا عيني دكتوره دخيل عمرچ والله احنه انضحك علينه... احنه مانفتهم وصدگنه بلذيب
والذيب اكلنه...
-شو اگعدن... خل افتهم الظاهر اكو سالفه...
واني صار عدي فضول اعرفه... سولفن شلقصه...
وگامت كريمه وصبيحه ايسولفن كل السالفه
للدكتوره... وشلون كريمه لمن شافته تلعب نفسه ودايخه.... ضنته حامل... وشلون امنن
الدكتور حاتم وصدگن بيه وما صدگن ابريحانه
لمن گلتلهن كلشي ما امسويه... ويه اي واحد.
-والله هاي قصه غريبه وعجيبه... اشلون اتصدگن بيه... غير اتعرضنه على دكتوره نسائيه... وهي اتحلل وتگلچن اشبيه..
-اي دكتوره مو هيه چانت دايخه ونفسه تلعب.. وماتشتهي تاكل... وهاي كله اتحس بيه
الحامل...
-اي عيني وهاي ابيا كليه درستيه كريمه خانم
-هاااا... دكتوره لا كليه ولاشي... بس اني حبلت وجبت سته... واعرررر...
-اشششششش... عرفنه... والله عرفنه كريمه
حبلتي وجبتي سته وتعرفين ...واني صبيحه
البايره ...المريضه الماعرست لاحبلت ولاجابت
بس ربيته وحبيته... وابسببچ حطمتيه وحطمتيني وياه... اسكتي خل انشوف المصيبه امين اجتنه... اسكتي...
-دكتوره.. يعني هسه هي عليه شهرين وبس..
مو اكثر... متأكده..
-حجيه امبين عليچ... عاقله وفاهمه.. مو مثل ذني الثنين...
هاي البنيه حامل شهرين.. توه.. كملتهن... وهذا
اکيد.. واکيد....
-يعني.. دكتوره شنو..
-يعني مثل ماسولفتلي السالفه... دكتور حاتم خدعجن.. والبنيه ما جانت حامل... ويجوز هو منطيه حبوب.. اتسبب اله الدوخه ولعبان النفس... علمود، يوهمچن.. انو هي حامل وينفذ الخطه الي ابراسه...
-ياااااا... ابن الكلببببببب... خبلت ابنيتي... علمود تاخذ افلوس من صبيحه... الله لا ينطيك... يحاتم يبن سليمه... دنيه واخره...
-مو گتلچ اسكتي ما اريد اسمع حسچ... لاتحچين... ولو.....اتموتين احسلچ...
-اي والله داده صبيحه... اني العملت ابتي... هيج...
-شوفن.. الظاهر من اتزوجه... للبنيه... حبلت من عده وهذا الطفل طفله... وگبل ما جان عده، شي... وکلشي مابيهه...
بس دكتوره هي گالت... رافد، هو السوه وياه
الموزينه...
-اي انتن كلتله منو السوئ وياج الموزينه... رافد.. ومثل ما افتهمت منچن... هي گالت.. هو باسني... وحضني والله... ماادري...الظاهر
هي كلشي ماتعرف بعده طفله كله عمره ارباطعش سنه شمفهمه الوحده اشلون تحبل
گلتله انتي حبله... امنين... عباله البوسه والحظنه... هي الحبلته... وهذا الي جره بيه
كله من وره اعقولچن ...المتخلفه... شوفنه
اشلون گاعده... حلگه يضحك... واعيونه اتنزل دمع... هاي.... دمعة الم❣ .....مو حاتم وحده سببه اله انتن اشتركتن وياه هاي دمعته...راح تحرگ كل الي اذاه وحطم حياته وحرمه من طفولته وبرائته
گومن اخذنه وروحن... اتمنه اتظل هيچ وما تعقل... حتى اتظل ابعالمه... احسن ما ترجع
اتعيش ابعالمچن القذر...
و بعيادة الدكتوره ...ريحانه اتگمز وتصیح...
گومن... يله... بره... بره... حاتم... بره... ريحانه
عروسه... حاتم... شرررر... شرررددد...شررردد
-اخذنه وديرن بالچن عليه... حرامات هذا الجمال هيچ اتسون بيه... واذا صار بيه شي جيبنه الي... ومن اتجيب انطني خبر واني اجيبه...
-شكرا... دكتوره حنان....
واخذناه وطلعنه... وعيونه تبچي وگلوبنه تدمي...
-يعني ريحانه... ما امسويه غلط... وانتن السبب... وهذا حاتم الحقير... والله لو اكمشه
چا ثرمت راسه.. ثرم... 🤛🤛🤛🤛🤛
-هاي اشبيك دكتور هيثم... اشو اهواي انفعلت
انت دكتور اهواي حساس.. ههههههه
-هاااا... لا حجيه بس انقهرت منه لان الي سواه مو من ادب مهنته كطبيب.. وخالف القسم... هذا عار على الاطباء... من هيچ بعد
ما اتئمنين اباي واحد وما اطببينه، بيتچ
-صحيح هيثم... بعد ما اامن باحد... حتى القريب مني...
-بس.. ريحانه اورجعت البيت ابوه... بعد عليمن اتخافين... وانتي حجيه چبيره، ما، ينخاف عليچ.. ههههه... لو اكو عدچ بعد احد اتخافين عليه... منو... ابن.. لو.. بت.. ريحانه... مو.. حجيه....
-ماتريد اكمل السالفه شبعت، واطمنت روحك من عرفت... ريحانه ما امسويه شي...
-هاااا... لا.. كملي... اشلون لازم اعرف.. شنو نهاية السالفه...
-زين... بعد ما عدت اشهره التسعه حست بلطلق... وخابرنه ..دكتوره حنان.. وجبناه للبيت وياه ممرضات اثنين وكل الي تحتاجه
وفرته صبيحه وسوتله القصر احسن من المستشفى... وجابت ريحانه....
- اشجابت... حجيه گولي تره اني بعد ما اصبر
-اصبر هيثومي... حبيب ريحانه..
-ههههههههه... هههههه 🤣🤣🤣🤣🤣
هاي اشمدريچ حجيه... هيچ ريحانه اتصيحني
-ماتدري... گلب الام يعلم...
-اي والله حجيه الام الي ربت وسهرت... مو الام الي خلفت.. ..
-وجابت ريحانه.. ابنيه مثل الگمر... سميته
ياسمين...
-وهي وينه...
-موجوده عندي ربيته وهسه عمره راح ايصير اثمنطعش سنه وراحت اتقدم على كلية الطب.... والسايق وياه .....رجله على رجله... ما ايعوفه... بعد ما اامن.. وخاف سالفة
امه ريحانه تتكرر...
-اي حجيه... وبعدين...
-وبين ما احنه البس الطفله... واذا ريحانه
گامت اتصيح وتون... وتملخ ابروحه... ودكتوره رهام خافت لاايصير بيه شي.. وتبتلي... بس لمن اتقربت من ريحانه وفحصته... ضحكت... والفرح بان على وجهه
-هااا دكتوره اشو اتضحكين شكو... ما اتشوفينه اشلون اتگطع ابروحه وتصرخ...
-لا اتخافن هذا شي طبيعي...
-يا دكتوره اشلون طبيعي...
-وصاحت الممرضات.. وگامن من جديد ايولدن ریحانه....
-يا دكتوره شسوين... اي مو جابت والطفله
هاي بلمهد...
-اي وبعد بيه طفل ثاني....
-يااااا.... صدگ...
وجابت ريحانه ابنيه ثانيه مثل الورده المفتحه... چنه اخته ياسمين...
أنت تقرأ
دمعة الم... ام رحيل ع...م
ChickLitترقبوا قصتنا الجديده ..دمعة الم ... .امل..فتاة عانت من عذاب الحب ...ونالت حبها...ولكن القدر يقف لها ..معاند مخاصم .. يقول لها ...لن اجعل لكي في الحياة اي امل... يا.....امل.. ستصابين بلجنون...وساحرمك...وسأدخلك السجون...وسنرى بعد ذلك ...امل ماذا ستكو...
