*احببت مغرور*

الحلقة 5

/*احببت مغرور*/
الحلقه_الخامسة=
(للكاتبه نيدوووو)
الصباح كان حلو الاجواء شبه ماطرة غيوم جميلة والشمس ف غياب تام والاصوات رعدية شكلها ح تمطر دا صوت طلع من زول كان قاعد يشرب شاي عرفتو صاح اي بس ياهو المغرور زاتو 🌚ايمان ردت قالت خلي تمطر بعد نجي من الجامعه انا م بحب المطرة تلقاني ف الشارع امجد قال لي توتة صباح المطرة😂تلقائيا ابتسمت دا الزول الوحيد ف البيت دا ممكن اتعايش معاهو قلت ليهو هلا مجود صباح المدرسة 😂قال لي لااااااا حرام عليكي مالك مذكراني اسي ف الجو الحلو دا انا امش المدرسة ضحكنا وجا عمو داخل سلم علينا وسلم علي انا بالزات بحرارة وشوق قال لي اسف امس انشغلت م اتلاقيت معاكي وجيت متاخر لقيتك نايمة قلت ليهو م مشكلة امجد استقبلني م قصر ☺️ايمن عاين لي طوالي انا عاينت ف الاتجاه المعاكس قعدنا ف الصاله ايمان جابت شاي لبن قلت ليها اسفه بس م بشرب شاي لبن  قالت لي تشربي قهوة ولا عصير ايمن عاين باتجاهي نظرة م فهمتها 😐قلت ليها لالا شاي عادي بس وم تتقيدو بي مرات بشرب مرات م بشربو تعالي اشربي انتي عشان م نتاخر ايمن منتظرنا كان بعاين لساعتتو كل شوية حسسني انو رجل اعمال عندو اجتماع مهم 🌚قالت لي م مشكلة مشت جابت لي شاي وجات امجد قال لي نتلاقي بعدين باي قلت ليهو باي قال لي بجي اشوفك البيت والشوارع والدكاكين والحله كلها اوك انبسطا ذكرني بي منذر اخوي قلت ليهو طيب منتظراك ايمن عاين لينا بسخرية وقال. لامجد ركز ف دراستك قال ليهو توتة بتزاكر لي هي زاتا شاطرة انبسطا منو شديد قلت ليهو خلاص م عندك اي مشكله جات عمتي قالت لي منذر دا مزعج م يكون ازعجك قلت ليها بالعكس ظريف ونسني قبل م اتم الشاي حقي حضرت السيد المغرور وقف عاين لساعتو قال لينا اطلعو ارح قمت باستياء 😤قال لي جبتي معاك كل متطلبات التسجيل قلت ليهو تقريبا 🌚👍قال لي م معانا احتمالات وتقاريب م نمشي ونجي تاني ينقصنا شي 🌚قلت بسم الله دا مالو اسي قلت ليهو بس م عندي صور فوتغرافيه قال لي ارح تتصوري ف الشارع ف طريقنا ف استيديو مشيت بجر رجليني جر اول شي م نمت كويس تاني شي م شربت الشاي بمزاج وعشان تكمل معاي جاي يتأمر فيني من الصباح 😐💔زهجانه وصارة وشي مشيت ركبت بي ورا واختو ركبت معاهو بي قدام بقيت اعاين بالشباك ايمان قالت لي توتة قلت ليها نعم 😊قالت لي انتي متاكدة عايزة تقري ‘حاسوب قلت ليها بترردد امممم اي 😁قام ضحك قال لي لو م عايزة نغيرو ليك قبل تقعي ف ورطتي انا قلت ليهو لالا مقتنعه بيهو اصلا م بحب حاجات الطب والهندسة حقت اولاد م فضل لي غير الحاسوب 🌝قال لي اوك راحتك ف قلبي قلت دا مالو ياتو ورطة دي كمان القاصدا هو ليه ي اما يسكت او لو اتكلم بتكلم بالغاز اصلا المغرورين عاملين كدا ☹️واثناء افكاري دي سمعت صوتو يقول لي تووووتة بتكلم معاكي من قبيل عقلك دا وين قلت ليهو م سمعتك عفوا قلت شنو😬قال لي انزلي اتصوري حدا الاستيديو نزلت ونسيت م شلت معاي شنطتي دخلت اتصورت والزول قال لينا اتفضلو 5دقايق الصور بتكون جاهزة اتذكرت شنطتي القروش فيها قلت ليهو ماشة وجايه قال لي اقعدي كلها 5دقايق م بتقدري تنتظري قلت ليهو بس عاين لي كدا😒قال لي انتي عنيدة ليه اي شي بتعترضي عليهو طوالي قعدت ولارديت ليهو قال طفله عاينت ليهو كدا☹️وجا سيد الاستيديو قال ليهو اتفضل حاسبو وطلعنا ولا اداني الصور دخلهم ف جيبيو وطلع انا اتغظت منو شديد 😐جيت فتحت الباب دخلت وديك قفلتي خشمي م فتحتو لما وصلنا الجامعه قال لي م ناوية تنزلي نزلنا مشينا سجل لاختو اول وبعداك وصف لي كليتي وسجل لي وسجل لي روحو انا بقيت واقفة بعاين قلت عان ليهو بعد غرورو دا يداب برلوم 🌚اللهم لاشماته 😂براي ضحكت والله😂طلعت تلفوني اتصلت لزنزون قلت ليها حوووبي بصوت عالي كلهم سمعو براحة زحيت منهم بقيت اتونس قالت لي اسي هي جايه مع ود خالتا يسجلو قلت ليها بنتظرك سالت ايمن قلت ليهو بنرجع متين قال لي اول م نخلص قلت ليهو بنخلص متين قال لي اول م نكمل الاجراءات قلت ليهو يعني زي كم ساعه 🌝قال لي م معروف انتي عايزة تعملي شنو قلت ليهو الاقي صحبتي😍وانا عامله كدا😍قال لي لو اتاخرت ح نمشي م بننتظرا طوالي بقيت من كدا😍لي كدا😔ايمان قالت لي متين صاحبتي ليك ناس😂قلت ليها دي صحبتي جيرانا هي برضو بتقرا هنا طب 😍قالت لي كويس عرفيني بيها  قلت ليها اووك مشينا قعدنا سوا وايمن مشا يخلص الاجراءات انا حسيت بي جوع شديد اتجاهلتو اتصلت لامي فتحت الخط قلت ليها سوسنتي😍مووشتاقين ايمان جنبي ضحكت طوالي حسيت بالخجل هي قامت قالت لي برجع ليك م تتحركي من هنا حسيتا عايزة تخليني اخد راحتي اتونست مع ماما قريب نص ساعه قلت ليها البايرة وين 😂😂قالت لي البايرة يختي جاها عريس انتي اقعدي لي قلت ليها امي قولي والله قالت والله هاكي باركي ليها قلت ليها البايرة مووشتاقين  😂قالت لي شوكة ف حلقك ي موووعفنه من مشيتي مني لما حظي اتصلح 😂قلت ليها قولي اوقسوم لو عارفه كان مشيت من زمان مضايقانه للزمن دا مالك اتونسنا وحكت

لي عن العريس اصلا ابوهو صاحب بابا وشافا يوم التخريج عجبتو كلم ابو وابو كلم ابوي ووافقت البايرة😂😂قلت ليها حياتك المسيخة دي جامعه شغل عرس اين الحب قالت لي خليتو ليك انتي طعمي حياتك سفرات وحبي وعرسي يختي انا كدا كفاني قلت ليها تف💦💦قالت لي عليكي اتونسنا قلت ليها اديني عمتو ادتني ليها قلت ليهاماما التانيه😍موووشتاقين  اوقسوووم قالت لي كتير ي توتة قالت واي لو شفتي البيت بدونك قلت ليها فاقداكم شديد والله 😭وقربت ابكي بس شفت المغرور قدامي قلت ليها نحن ف الجامعه برجع ليكم بعدين وقفلت جاني قال لي قاعدة براك مالك اسي لو ضعتي انا اقول لاهلك شنو😐قلت ليهو انا صغيرة اضيع وبعدين انا قاعدة ف حته واحدة ايمان اسي ح تجيني قالت قالي مشت وين هي كمان اتصل ليها قالت ليهو اجيب فطور توتة دي امس م اتعشت بتكون جاعت قال ليها خلاص تعالي سريع وقال لي اذنك واشار للمقعد الجنبي قلت ليهو اتفضل قعدنا وقال لي انتي جديدة ف البلد والجامعه والناس هنا م زي هناك وانام ح اقعد ليكي 24ساعه صاح معاكي ف نفس الكليه بس انا عندي شغل ح اجي من سنة تالتة ولمواد التخصص المهمة بس حيرني قلت ليهو ليه قال لي انا اتخرجت من الجامعه دي زاتا هندسة لكن كان حلمي اقرا حاسوب وابوي كان قال لي اقرا هندسة عشان امسك معاهو الشغل لقدام وكدا وبعد اتخرجت عدت تالتة عشان اقرا رغبتي وزي م شايفه قلت ليك بقرا لكن م ح اجي الجامعه دايما عشان كدا خلي بالك من نفسك واعرفي تختاري اصحابك صاح وتصرفات الاطفال دي خليها عاينت ليهو 😒قلت ليهو شكرا للنصايح اطمن م تخاف علي ايمي جات بالفطور قالت لي توتة عايزة شنو قلت ليها اي شي ادتني سندوتش بيرقر وانا م باكل بيض واللحمة زاتو م بتنفع معاي وم متعودة اكل برة البيت بمرض طوالي دخلت السندوتش ف الشنطة قام قالي م تاكلي حارسة شنو قلت ليهو م جعانه قال لي بغض النظر عن جوعك وقت الفطور لازم تاكلي قلت ليهو بس قال لي بدون بس افطرو واجيكم م تتحركو من هنا مغرور قايل روحو منو😒طلعت الاكل قلت خلي يكتلني زاتو اكلت نص م قدرت خليت الباقي مشي جاب بارد وجا قال لي ف بيبسي وكولا عايزة شنو قلت ليهو ولا شي ناولني البيبسي ومشي اتصلت علي مزن قالت لي انتي وين وصفت ليها وجاتني م يفوتكم الاحضان والبكي والضحك ي الله حسيت روحي رجعت لي 😍قريب نص ساعه واقفين نتسلم بعداك عرفتني بود خالتا محمد وعرفتها بايمان جا المغرور لقيت مزن بتعاين لي وتعاين ليهو قلت ليها م يغرك المظهر مغرور ضحكت قالت لي بعدين اديني زيتو سلم علي مزن ومحمد وقعدنا شوية واتفارقنا😢قلت ليها نتلاقي ف الواتس اوك مشينا البيت ف العربية نهائي م اتكلمت معاهم اتصلو علي رزان ورزاز بقيت اتونس معاهم قربنا للبيت المطرة بدت تنزل😍المطر ثاني شي اعشقه بعد امي لو كنت ف بيتنا م كان دخلت بس سمعت المغرور بنحرة قال لي عايزة تمرضي ادخلي
*/استكااانة😴😴*/
*/نهاية الحلقه الخامسة/*
*/بقلم نيدوووو/*