*احببت مغرور*

الحلقة 13

*/احببت مغرور*/
الحلقة_13
(للكاتبة نيدووو)
االاحد الخامسة ونصف صباحا
صحيت ع صوت المنبه وكسلانة وم قادرة افتح عيوني م متعودة اصحا بدري ياخ😴بعد عشرة دقايق كنت قاعدة بين صاحية ونايمة جاتني مكالمة اتناولت نضارتي ورفعت تلفوني لقيتو ايمن رديت وانا بتثأب وقلت ليهو صحيت صحيت قال لي طيب كنت عايز اصحيكي بس قفلت منو مشيت اخدت لي حمام فتحت دولابي محتارة البس شنو بعد تفكير بيني وبين نفسي لبست اسكيرتي وقميص وعندي شنطة ضهرصغيرونة قلت احتمال م يدرسونا شي عملت بدرة خفيفه ومرطب وطلعت مشيت ع المطبخ عملت سندوتش دخلتو ف الشنطة وجيت الصالة لقيت عمي جا داخل من المسجد يداب ومعاهو ايمن وامجد شفتو صحاني عشان اجهز وهو لنفسو م جهز🌚حبيتو حب😒ف اللحظة ديك الساعه 6دي لقتني جاهزة قال لي معليش اتأخرنا شوية كان ف موضوع مهم بعدالصلاه امام المسجد قعد يتكلم معانا فيهو لانومعظم الناس موجودة بالصباح قلت ليهو خير عمو صبح لي وقال لي موفقه مجود قال لي برلومة طالعه كيوت اول مرة اشوفك شيك كدا ولا عشان الجامعه😉ضحكت قلت ليهو انت مالك اسي متين اصبحنا زاتو ايمن مشي جهز جا امو جابت الشاي شالو معاهو وقال لي ارح قلت ليهو طيب اشرب ع الاقل قال لي خايف يكون ف محاضرة اولي تفوت عليك بشرب ف العربيه ارح زول غريب انا ست المحاضرة م مهتمة🌚تبعتو مشيت قال لي انتي شربتي الشاي قلت ليهو م عايزة🌚قال لي شلتي اكلك قلت ليهو يب ع كدا سكتنا ركبنا اتحرك لقيت كيس الشيبس قاعد مديت يدي قبل امسكو قال لي جوعتي من الصباح قلت ليهو لالا بس ليه دا من اول امس هنا قال لي لانو ستو خلتو هنا🌚قلت ليهو بس علي م اعتقد هي قالت ليك شيلو🌚قال لي وعلي م اظن انا قلت ليها م باكل حااجات شفع قلت ليهومنو شافع🌚قال لي ست الشيبس طوالي سكت منو ورجعت يدي قال لي اسف طيب شيلي شيبسيك قلت ليهو م عايزة شوووووكرن ليك🐸💔قال لي الساعه كم عاينت لساعتي قلت ليهو م مضبوطة شكلها قال لياصلا م تسأل بت من ساعه ي اما تهشيش او م بتعرف تقراها🌚طوالي قلت ليهو م كلهم كدا🌚

وبعدين ممكن اعرف مشكلتك شنو مع البنات🌚قال لي بكرهم بس 🌚قلت ليهو الشعور متبادل 🐸قال لي قصدك شنو قلت ليهو يمكن هم زاتم م بحبوك قال لي انا زاتي م عايز حبهم قلت ليهو خلاص تمام(كلمة بستخدما عشان انهي الموضوع) قال لي توتة قلت ليهو احكي قال لي حفظتي شارع الجامعه دا قلت ليهو لسة م هو انا ماشة جوة عربيه ف ظلط وراجعه اعرفو كيف🌚 قال لي يعني الا ننزل من العربية حتي تعرفيهو🌚قلت ليهو يمكن سكت م رد قعد شوية قال لي اسمعيني كنت بعاين بالشباك اتلفت عليهو قلت ليهو ها🐸قال لي ولا اقول ليك انسي خلاص طوالي نسيت قال ليكم انا بقصر 🌚وصلنا الجامعه جينا داخلين الحارس قال لينا بطاقاتكم ايمن قال ليهو لسه م طلعت قال لينا ادخلو قاللي اتذكري تشيلي بطاقتك لما تطلع لانو بعد فترة م ح يخلوك تدخلي قلت ليهو سمح😊مشينا قدام الكلية شفنا الجدول يعني م كان سيئ بس كمان م حلو شغاله الاسبوع كلو م عدا السبت يومين محاضراتي متأخرة للرابعه ويومين لحدي التالته والاحد عندي التالته بس يعني حضرت المغرور مصحيني من الساعه 5وبعدا محاضرتي 12ونص وراني الجامعه كلها كليتي والكافتريا والاستراحة والمسجد المكتبة وعلي حسب انو الجامعه فيها كليات مقسمة م ح القي لا مزون ولا ايمان ولا رزان لانو هم بقرو ف المبني الوسط طب وصيدلة ومختبرات زعلت بالاول قلت ي ريت قدمت حاجة من حاجات الطب بس لما شفت كليه الهندسة اتزكرت رزاز ورمزي هم ح يقرو هنا فرحت ايمن قال لي بتتبسمي براك مالك قلت ليهو انت بتعاين لي مالك🌚قال لي بسم الله اسي العاين ليك منو وقفنا ف نص الجامعه بقينانتناقش قال لي طيب انسي الموضوع عارفيني شاطرة ف النسيان طوالي ولاقصرت نسيت 🌚مشينا قال لي تفطري قلت ليهو لسة شوية قال لي بس انتي م شربتي الشاي قلت ليهو م جيعانة قال لي غريبة وسكت قلت ليهو م معاي دفاتر قال لي تعالي مشينا برة كان ف دفاتر بقيت بعاين فيهم واختار قام رفع لي واحد شين زي زوقو دا🌚رفعت واحد تاني قال لي اسي دا ودا م واحد الفرق شنو غير اللون قلت ليهو حدا عرفت الفرق طلعت قرشي عايزة ادفع قال لي دفعت ليهو 🌚قلت ليهو الدفتر حق منو قال لي حقك قلت ليهو بس يلا انا بدفع قلت للعمو رجع ليهو العمو عايز يرجع ليهو قال ليهو م تشتغل بكلاما ي عم طوالي رجعت الدفتر قلت ليهو خلاص م عايزاهو ومشيت شالو وجا لاحقني قال لي بطلي تتصرفي كدا م بيناتنا لو دفعت ليكي قلت ليهو انا عندي لكن قال لي م عارف عندك مشيت قعدت وطلعت تلفوني اتصلت لناس امي م ردو قفلت معاي بقيت قاعدة زهجانة اتصلت لمزن م ردت اتصلت لمعزة م ردت قفلت تلفوني وبقيت قاعدة قال لي ناسك مشغولين ودا م شي بزعل م رديت قال لي انا بتكلم معاك قلت ليهو ها قال لي تعالي معاي قلت ليهو وين قال لي ي بت الناس انا م ح اخطفك عاينت ليهو 😒😒ومشيت امري لله م بفتر اصلا لو يقيل ماشي طلعنا بعد شوية وصلنا قسم الطب دخلنا قال لي دا قسم طب ح تلقي مزن هنا لو عايزاها وقال لي هنا ف مكتبه الكترونية لو عايزة تجي بدل المحاضرات الفاضيه ووصف لي مكتبه مفتوحة قال لي هنا لو عايزة تستعيري كتب تقريهم وترجعيهم ودخلنا لصيدله قال لي هنا ح تلقي ايمان وصف لي الجامعه كلها قلت ليهو انت قريت هندسة صاح قال لي كم مرة انا اعيد القصه دي قلت ليهو طيب البجيبك هنا شنو🐸قال لي اسباب شخصية وقت شافني اضايقت من ردو قال لي والله بجي المكتبة الالكترونية لانو بتكون فاضية قلت ليهو ومن البداية م تقول كدا قال لي لانو بالجد ف اسباب شخصية تانية قلت ليهو لالا تمام 🌝قال لي كان عندنا زميلتنا بتقرا هنا ووقت م يكون عندنا محاضرة بنجي نلاقيها هنا قلت ليهو انت بتتكلم بصيغه الجمع عشان تعظم الكلام ولا قصدك بالجد معاك زول 🌚ياخ الساعه الضحك لما ف بنات اتلفتو علينا قلت ليهو فضحتنا قال لي انتي م طبيعيه فاكراني فيلسوف ولا حكيم عشان اتكلم كدا قصدي انا ومؤيد ياخ قلت ليهو لا بس انت طريقه كلامك غريبة قطب حواجبو وقال لي كيف 🤨قلت ليهو كلامك كلو فيهو الغاز اسي من البدايه م تقول انا ومؤيد بدل الجرجرة دي قال لي م لاحظت 😂قلت ليهو اها حصل خير قال لي شوفي مزن يمكن ترد احتمال كانت ف محاضرة حدا المحاضرة خلصت طلعت تلفوني قبل ارد ليها اتصلت لي فتحتي الخط قالت لي حوووووووبي😍قلت ليها حبتك الشكلوتة 🌚من قبيل م بتردي لي مالك قالت لي كنا ف المحاضرة ياخ زول معاط شديد قلت ليها انا ف كليتكم وين انتي قالت لي جمب الكافتريا قلت ليها جاية عليك خليك واقفه قبلك مشينا اول م اتلاقينا حضنا بعض وبقينا نتونس قالت لي مزززة بالاسكيرتي قلت ليها وانتي كمان بس كترتي الروج زحتني منها قالت لي جنك تعليقات انتبهت لايمن قالت لي المغرور جا معاكي قلت ليها تخيلي بس هو الزكرني بيكي قالت لي حيوانه بقيتي تنسيني كمان ومشت سلمت لايمن قال لينا طيب تعالو نفطر دخلنا الكافتريا محمد مشي جاب ليهم فطور انا طلعت حقي زنزون قالت لي وحلاتي البيبي 😂😂قلت ليها زونة ياااخ م تشغليها لي قالت لي خلاث ثكتا والله 🙊فطرنا وطلعنا