*احببت مغرور*

الحلقة 20

*/احببت مغرور /*
#الحلقه_20
(للكاتبة:نيدوووووووووووووووووووووو)
الاثنين:عند الخامسة ونصف صحيت فجاة بدون اي صوت لا منبه لا تلفون غريبة اول مرة اعملا🌚بعد نص ساعه تلفوني اتصل ايمن قال لي صحيتي ولا اصحيك🌚قلت ليهو لو م صحيت ارد ليك كيف قال لي وقت انتي عارفه روحك بتصحي بتقولي لي اصحيك ليه قلت ليهو احتياطي يعني لو م صحيت قال لي كويس تاني شوفي ليك زول يصحيك🌚قلت ليهو خلاص ممكن تصحيني لحدي م اشوف لي زول يصحيني🌚قال لي وبعد يجي الزول البصحيكي انا مكاني ح يكون شنو قلت ليهو لا محل لك من الاعراب🌚ضحك قال لي امشي اجهزي م تأخريني قلت ليهو يعني انا البأخرك قال لي تماما🐸شلت شنطتي وطلعت شايفاهو طالع من غرفتو قفلت الخط قال لي ماشاءالله اتعلمتي تصحي بدري قلت ليهو علمتني الحياة😬قال كتر خيرك ي انا بتعلم الناس وينسو فضلك 😂😂😂😂ضحكت عليهو قلت ليهو السمعك يقول سرقو منك اختراع انت عملتو كما قاعد تصحيني بس قال لي تصحيح بسيط انا م بس قاعد اصحيكي قاعد استحمل فظاظتك من اول ااصباح الناس ببدو مكالماتهم كيف وانا الله يصبرني بس 😐قلت ليهو خلاص امش القي ليك زول يقول ليك كلام حلو من الصباح 😐جات ايمان قالت لينا واقفين زي الاصنام مالكم امجد قال ليها كالعادة نقاشاتهم الما بتخلص سلمو لينا وقعدو ونحن لسة واقفين جيت اتخطيتو مشيت قعدت عمتي جابت الشاي شربنا وقمنا ماشين قال لي فطورك م تنسي لاني م ح اجيبو ليك قلت ليهو م ناسياهو انت خليك ف حالك(والله نسيتو لو م هو زكرني🌚)مشيت عملت سندوتش وجيت امجد قال لي مع السلامة لبعدين وانا وايمن طلعنا ايمان قالت لينا وصلوني معاكم ابوي دا ح يأخرني بودي امجد بالاول قال ليها طيب اركبي ركبت طلعت شيت ايمن قال لي شايفه الناس بقرو من الصباح وانتي الله يخليك تعايني بالشباك بس🌝قلت ليهو نعم انت بتتكلم معاي (انا مركزة معاهو وسمعت كل كلمة قالا🌚)قال لي لالا بتكلم مع نفسي م تقطعي التأمل بتاعك اتأملي😒ولا قصرت طواالي رجعت اعاين بالشباك ايمان قالت لينا انتو طبيعي كدا ف البيت ف العربيه ف الجامعه 🙄قلت ليها اسألي اخوكي هو الببدا المشاكل قال لي انا ولاانتي قلت ليهو طبعا انت🌚قال لي اصلو الزول م يتناقش معاك وسكت ايمان ضحكت قالت لينا خلاص اسكتو خلوني اعرف اقرا شوية لحدي م نصل ع الاقل كونو هادين سكتنا لحدي م وصلنا ايمان ووصلني قال لي شغاله كم محاضرة قلت ليهو تلاتة عاينت للساعه قلت ليهو المحاضرة باقي ليها 5دقايق وتبدا دا الدكتور العندي معاهو موقف ماشة سريع قبل م يبدا قال لي طيبب بس م تشتغلي بميسون دي كتير وبعد تطلعي بتصل ليك قلت ليهو اوك يلا باي جيت داخلة الحارس ف الباب قال لي بطاقتك طلعتها شافا بعد داك قال لي ادخلي ايمن اتصل لي قال لي مالك وقفوكي قلت ليهو ولاشي قال عايز البطاقه بس قال لي طيب يلا الحقي محاضرتك جيت داخله شايفه الدكتور قدامي 😬هو بجي بدري كدا طاردينو🌚دخلت معاهو سوا سلم ع الناس وبدا المحاضرة قال لينا انا ماسكم مادتين واحدة كانت يوم الخميس حولتها للاحد لاني م فاضي وزي م عارفين قوانيني ممنوع التأخير والكلام اثناء المحاضرة والحضور شي مهم عندي وعندي كويز كل تلاته محاضرات بعملو وتيست منتصف السمستر واعمال السنة ودرجات اللاب يعني م تعتمدو علي الامتحان عادي يكون من 40درجة حتي لو قفلتو م ح تنجح لو م عندك الدرجات دي طوالي اتذكرت ايمن م بعرف من وين جاتني الجراءة استئذنت من الدكتور انا واثقه ح يرفض بس برضو حاولت قال لي اتفضلي صدمني😨طلعت اتصلت ليهو قال لي محاضرتك م بدت قلت ليهو تعال سريع قال لي انتي كويسه قلت ليهو انا كويسة تعال الموضوع مهم قال لي كويس اقل من10دقايق ايمن جا فضلت مشكلة واحدة لو الدكتور ح يوافق يدخلو😬جا وصادف معاهو بتين وولد برضو جو متأخرين الدكتور سمح ليهم يدخلو وعاد الكلام وقال لينا المابلتزم بالقوانين دي طول عمرو ح يقعد ف اولي دي وبدا المحاضرة احيان كتيرة كان بقول كلام م مفهوم ولا ي ربي انا المافهمتو 😂😂لا وكمان بقا يقول لينا دي حاجات ساهله ويقول لينا دا جيبو من النت بسألكم منو اللكشر الجاي غايتو بس الله يصبرنا عليك ي دكتور احمد(ليه الناس الاسمهم احمد ديل كدا🌚)اخد الحضور وطلعنا ايمن قال لي م ينفع كدا انا ح امش اتكلم معاهو مشينا سوا انا قلت ليهو بنتظرك هنا لما تجي دخل شرح ليهو بس شكلو م استفاد منو شي جا زهجان قال لي ياخ الزول دا م بتفاهم رفض قال لي م بيرضي كدا قلت ليهو ح تعمل شنو قال لي اتحول من الجامعه 😂😂قلت ليهو م جادي قال لي ح اضطر اجي يوم محاضراتو قال لي بشتغل متين هو قلت ليهو الاحد والاتنين الاولي قال لي كويسة معاي اصلا انا شغال مع ابوي بالصباح لحدي الساعه 3يوم الاحد والاتنين قال لي يلا افطري وانا ح امش قلت ليهو اوك قال لي لما تخلصي اديني جرس اجي اسوقك انا ح اخلص الساعه 3الا ربع كدا قلت ليهو اوك مشيت فطرت ودخلنا المحاضرة التانيه وبعديها التالته لحدي م خلصت الساعه كانت 2:30مشيت الاستراحةمع فدوي وفادية قعدت شوي