*احببت مغرور*

الحلقة 12

*/احببت مغرور*/
الحلقة12
(للكاتبة =نيدوووووووو)
استيقظت باكرا وانا ف قمة النشاط والحيوية كانت السادسة صباحا
صحيت دخلت الحمام وطلعت لبست عبايتي صليت طلعت خالتي صبحت لي قالت لي التومات م صحو قلت ليها خليتم نايمات قالت لي طيب اقعدي اجيب ليكي شاي قلت ليها لا م عايزة انا جوعانة قالت لي مالك من الصباح قلت ليها امس م اتغديت 😂قالت لي طيب امشي المطبخ شوفي ليك حاجة تاكليها مشيت م لقيت شي اكلو ياخ🌚
صراحة هو ف شي بس م عجبني شي انا عايزة اندومي اصلا مخططة ليهو معناهو م ح يعجبني مالذة وطاب🌚جيت لخالتي قلت ليها م لقيت شي اكلو 🌝قالت لي كيف م لقيتي 😂عايزة تاكلي شنو انتي قلت ليها اي شي بس😃اي بس لساني دا بخذلني احيانا لا م احيانا دائما ضحكت علي وقالت لي خلي رمزي يصحا يمش الدكان يجيب ليكي شي فديت اللي يفهمني😍بقيت قاعدةة ف التلفزيون لحدي م رمزي صحا جا قال لي صباح الخير قلت ليهو اهلين قال لي قاعدة براك مالك قلت ليهو جيعانة وانا عيوني ف التلفزيون ضحك قال لي اسي دي اجابة للسؤال قلت ليها لاني جيعانة قال لي دي جديدة والله وضحك 😂😂قلت ليهو امش الدكان جيب لي اندومي قال لي اسي م قلتي جيعانة 🌚قلت ليهو والاندومي بشربوها😒قال لي بس م اكل زول جيعان قلت ليهو انت الح تاكلا ولا انا قال لي خلاص اشرب الشاي وامش قلت ليهو لالا امش وتعال تلقي الشاي جاهز قال لي هو كدا كدا جاهز خليني اشربو وامش قلت ليهو ياااااخ انا جيعاااانة امش جيبو حتي تعال اشرب للصباح م ف زول بسألك قال لي م تجوطي خلاص ومشي 🌚الحمدلله اخيرا مشي كدا الواحد يحضر بمزاج ويشبع🌚جو رزاز ورزان صبحو لي مشو جابو ليهم شاي وقعدو رزاز قالت لي دا شنو البتحضري من اول الصباح دا قلت ليها دا عالم غامبول😍ضحكو علي🌚🌚جرحوني 😢💔قالو لي علي فكرة انتي بقيتي كبيرة وح تقري الجامعه خلي حضران الانمي والكرتون دا قلت ليهم لااااااااااااع🌚🌚ورجعت بحضر جا رمزي جايب معاهو كيسين اندومي طوالي اتذكرت امجد اشتقت ليهو 😭خطرت لي فكرة هو يوم السبت م بمشي المدرسة وكمان ايمن قاعد ف البيت قلت اتصل لايمن يديني اتكلم معاهو شلت تلفوني اتصلت رد لي قال لي اهلين توتة قلت ليهو كيفك قال لي تمام وانتي كيفك قلت ليهو كمان تمام قال لي ف حاجة قلت ليهو عايزة امجد قام ناداهو لي اول م قال ليهو دي توتة عايزاك قال ليهو جيبا قلت ليهو مجوووود قال لي توووتة مشتاااااقين قلت ليهو كتيرر والله كيفك قال لي تمام فاقدك بس م ف زول اتونس معاي من مشيتي قلت ليهو لانك مزعج 🌚قال لي حتي انتي قلت ليهو بمزح معاك قال لي الزكرك بي شنو قلت ليهو الاندومي والله😂😂قال لي م تقولي لي عايزة تاكليها قلت ليهو اتنين كمان 🐸قال لي م تتكلمي معاي خاينة😭قلت ليهو ههههه م تحسدني يوم واحد خلاص بصورا ليك بعد اعملا اوك وبشوفك ليها لما اجي😂😂قال ليهو ايمن هاك تلفونك قايلاهو بهظر قلت ليهو بهظر معاك خلاص لما اجي بجيب ليك معاي ايمن قال لي زعل مشي قلت ليهو كلو منك 🌚قال لي ياااخي وانا مالي كمان قلت ليهو شلت منو التلفون ليه حدا زعل اسي قال لي هو جابو والله قلت ليهو خلاص مع السلامة قال لي اجيكي متين قلت ليهو طالعه مع بنات خالتي بعد نجي بكلمك قال لي تمام وقفل شلت الاندومي ومشيت المطبخ عملتها وجيت اكلت بمزااااج🌝مشيت لتلفوني  قعدت ساعه كدا ومليت طلعت جو ناس رزان قالو لي الليلة ح تطلعي معانا ولا برضو قلت ليهم لالا ح نطلع اكيد بس نمش وين😍رمزي قال ودوها المدينة او بري العائلي 😂😂😂وضحك ومشي ناس رزان قالو لي شايفا شافعه😁قالو لي توتة رايك شنو قلت ليهم موافقه😂اتصدمو كلهم قالو لي بتبالغي ياخ التلفزيون قلنا ماشي لكن تمشي منتزه دا حق شفع قلت ليهم اها نمش وين طيب قالو لي ارح المول منو نحن عايزين نشوف الحاصل شنو طولنا منو وندخل السنما يمكن يكون ف عرض حلو قلت ليهم وبعداك نمش المدينة لانها حلوة امس شفتها😂قالو لي اتفقنا 😂مشينا جهزنا الفطور وبدو يتجهزو للطلعه قالو لي البسي قلت ليهم ماشة بعباية انا قالو لي يااااخ نحن م صدقنا طالعين البسي شي تاني قلت ليهم م جبت مملابسي ياخ وهم اطول مني ملابسهم م قدري قلت ليهم ارح كدا بس اتجهزنا طلعنا رمزي قال لينا م تتأخرو🌚قلت ليهو ولو اتأخرنا🌚قال لي بيتو ف محل اتأخرتو م تجو قلت ليهو انا بمش ناس عمي لكن اخواتك🌚قال لي سوقيهم معاك م عايزهم ضحكنا ومشينا قالو لي من جمب الببيت م ف مواصلات وامي م بتخلي رمزي يسوق م معاهو رخصه قلت ليهم ارح لما نلحق محل المواصلات قالو لي بعيد والله خلي نركب امجاد قلت ليهم خلينا نمشي ياخ مشينا شوية بعداك ركبنا نزلنا ف المول دخلنا لفيناهو كلو 7مرات من عدم الموضوع قالو لي خلاص تعالي ناكل بيتزا قلت ليهم م بقدر اكل برة البيت قالو لي بيتزا البيت م حلوة زي حقت البتكون برا قلت ليهم م ح اخاطر قبل المرة بقيت عيانة انا قاعدة مع ناس وامي بعيدة مني اموت ساي بعدين انا لسه م قريت ولا عرست ولاسافرت عايزين تقتلوني ضحكو مشينا قعدنا نتونس قريب ساعه

كانت معظم احاديثنا عن ايمن 😂😂سألوني عنو وكيف عايش معاهم وحكيت ليهم عن امجد والموهم اتونسنا كتير قريب للعصر قالو لي ارح المدينة عشان م نتأخر قلت ليهم لالا م ف داعي ارح البيت ايمن ح يجيني اسي لازم امش نسيتو بكرة الجامعه قالو لي طيب رجعنا لميت حاجاتي واتصلت لايمن قال لي جاي انتظرتو جا ودعتهن وطلعت طول الطريق كنت ساكتة م لي مزاج اتكلم وهو كان مشغول اتصلو ليهو تلاته مرات كان بيتكلم عن موضوع ف الشركة م ركزت معاو كتير لحدي م قربنا نصل قال لي انبسطي مع ناس خالتك قلت ليهو اي قال لي مشيتو وين قلت ليهو المول بس قال لي كويس غيرتي جو قلت ليهو اي قال لي مالك مستاءة كدا قلت ليهو ساي 🌚قال لي متأكدة قلت ليهو يب🌚وعلي كدا سكتنا بعد وصلنا قال لي اصحي بدري بكرة عشان نمش الجامعه قلت ليهو كويس واول م دخلت البيت لقيت امجد جا علي قال لي المززززعجة جيتي قلت ليهو اي ي المزعج جيت كيفك اتسلمنا وقلت ليهو ايمان وعمتي وين قالو لي مشو الجيران عزموهم خدمة قال بكرة عندهم فطور مشو اسي قلت ليهو عمو وين قال لي مشي المسجد وقال ح يتأخر شوية قلت ليهو وانت ليه م مشيت قال لي كترخيري قلت استقبلك 🌚قلت ليهو قول حرسوك البيت ضحكنا ودخلت جهزت حاجاتي لبكرة وجيت لقيتهم بتونسو غريبه اول ‘مرة😂😂ايمن دا حاسي بشنو لمن بتونس لا وكمان بضحك من جيت سكتو عاينت ليهم😒ومشيت المطبخ امجد قال لي م ف شي ياكلو م تمشي ساي قلت ليهو انت مالك جا ايمن قال لي بالمناسبة دي جهزي ليك فطور من البيت تمشي تاكلي هناك تبقي عيانة تعذبينا معاك قلت ليهو ياتو مرة عذبتك 😒قال لي الكان قاعد جنبك ساعتين داك خيالي صاح🌚قلت ليهو وانا قلت ليك اقعد جنبي  قبل م يرد قلت ليهو ناولني الملح انا واقفه بحمر بطاطس قال لي يعني بكبو فيها ملح قلت ليهو لا سكر قال لي شكلك م بتعرفي تطبخي م تحاولي قلت ليهو م خصاك انت الح تاكلو ولا انا جا شال واحدة ضاقا قال لي ملحا كتير بس ماشي حالا وطلع جهزتو وختيتو ع اساس الصباح اشيلو وطلعت قلت ليهو امجد تعال معاي قال لي وين قلت ليهو نشوف المشتل ونجي قال لي زي م هو م اتغير فيهو شي  وقام علي مشينا وجينا لقينا عمتي وايمان جو جات حضنتني قالت لي م تمشي تاني ياخ البيت مسيخ بدونك امجد قال ليها انا بطعمو ليكم لو مشت  ضحكنا عمتي سلمت علي ودخلنا ايمن قال لينا امشو نومو م تصحو لي بكرة متأخرين بالذات انتو الببنات م بتجهزو بسرعه ايمان قالت ليهو روق انا زاتي بكرة م عندي شي ف الجدول م ماشة الا كم توتة قلت ليها انا زاتي م ماشة خلاص🌚ايمن قال لي ياااخي قايله. دي مدرسة اول شي اطمنك كليتكم م جمب بعض زاتو وموادكم م زي بعض ويمكن جدولكم يختلف يعني انا بس مهمتي الصباح اوصلكم نهاية اليوم اي واحدة تجي براها قلت ليهو شكرا لانك طمنتني ومشيت
*/فتحت مفكرتي
*/مفكرتي من اين ابدأ حسنا لن اسرد كل التفاصيل ف انا اشعر بالتوتر ولا استطيع ان  اخبرك كل شئ الان لقد كان يوما جميلا الي الان ولكن غدا لا ادري ماذا سيحدث عالم جديد اشخاص لا اعرفهم ف مدينة لا اعرفها التفكير سيفجر دماغي ماهذه الورطة كيف اتخطاها تعلمين جيدا اني لست ممن يندمج مع الناس بسهولة كم سيكون الامر صعبا علي ولكن الحمدلله ع كل حال ايمن سيرافقني ع الاقل غدا ولا اريد ان افكر فيما سيحدث لاحقا تصبحين ع خير عزيزتي
*/اغلقت مفكرتي وقمت بضبط المنبه ف انا اعلم ان ايمن لن يتأخر ف مواعيده يجب ان استيقظ باكرا
*/نوووووما هنيئا لي 😘🙈
*/استكاااااااااااااااانة 😴😴😴😴*/
*/نهاية الحلقه 12
*/بقلم الكاتبة نيدووووووووووو*/