*احببت مغرور*

الحلقة 14

*/احببت مغرور*/
#الحلقه_14
(للكاتبة=نيدوووووووووووووووو)
الاثنين =السادسة و20دقيقه صباحا اوه م هذا الازعاج
تلفوني اتصل دا ايمن عاينت للمنبه عامل 6:20وااااااي اتأخرت😱الليله ايمن ببهدلني😬😬😬قلت الو قال لي اتجهزتي قلت ليهو يداب صحيت😬وانا متوقعه اسمع لي محاضرة ف عدم الاهتمام بالمواعيد بس ف الطرف التاني سمعت طيب اجهزي بسرعه وانا بجهز ليك فطورك عشان م نتأخر صراحة انا زاتي اتصدمت وعلقت قمت جهزت سريع م فكرت البس شنو اقرب عبايه وطرحة سوداء ولبست اسبورت بمبي وشلت شنطتي البمبيه وشايله لي بدرة ف المنديل ومرطب ف اصبعي وحالتي بالبلا طرحتي م مدبسة سلمت عليهم سريع سريع وطلعت سبقت ايمن ركبت عكست المراية علي عملت البدرة والمرطب وكوزت طرحتي جا ايمن م انتبهت ليهو الا بعد خلصت شغلتي قلت ليهو صباح الخير قال لي اخيرا فضيتي لي😂صباح النور قلت ليهو خلينا نمش احسن م نتأخر زيادة قال لي م بالاول خلصي من المراية عشان اشوف قلت ليهو خلصت منها اتحركنا والجووووو كااااان حلووو😍شكلها ح تمطر بعشق المطرة😍قلت ليهو ايمن قال لي احكي قلت ليهو نزل لي القزاز نزلو انا بقيت منتبهه بالشباك قال لي توتة قلت ليهو احكي قال لي الليله عندنا تلاته محاضرات رايك شنو بعد نخلص نطلع دا اذا م مطرت قلت ليهو بالجد😍قال لي اوووووووووووووقسوووووووووووووووم  ضحكت قلت ليهو دي كلمتي ع فكرة🌚قال لي عاديتيني قلت ليهو بالله الكلام بعادي قال لي يب 😂😂ودي برضو كلمتي قال لي قلت ليكي بعادي 😂ضحكنا ورجعت لاجوائي الرومانسيه منتبهه بالشباك جينا جمب استوب الاولاد البيبيعو مناديل وموية ديل واحد جاني بالشباك قال لي تشتري ايمن قال ليهو شكراعندنا الود عاين لي وقال ليهوعشان خاطر المزة دي شيل مني واحد ياخ ايمن قال لي تووتة دخلي يدك جوة ورفع القزاز ونزل للولد انا بقيت مخلوعه بعاين شايفه ليك ايمن ماسك الولد من لياقه قميصو وبتكلم معاهو والناس اتلمت فيهم انا جوة م سامعه شي بعد الاستوب فتح حتي ايمن لزاهو لما حاجاتو وقعت منو ووقع ركب م اتكلم معاي اول مرة اشوفو غضبان وبالمنظر دا بقا سايق العربيه بسرعه قلت ليهو ايمن م رد علي قلت ليهو ايمن خفف السرعه دي ولا شغال بي شغله قرب يضرب عربية صرخت فيهو قلت ليهو ايمن انت م نصيح بعداك خفف السرعه م اتكلمت معاهو قال لي اسف م رديت عليهو قال لي توتة م رديت قال لي انتي كويسه انفصمت فيهو قلت ليهو بتتصرف وكأني انا القلت للولد تعال اتكلم معاي ولا كان عاجبني انو يتكلم معاي بالاسلوب دا وم كان ف داعي تنزل تتشاكل معاهو فرجت علينا الناس قال لي م قصدي كدا بس هو غضبني وانا م قدرت اتمالك اعصابي ف اللحظة ديك قلت ليهو اوك حصل خير بس م تعيدا قال لي بشرط م ف زول يسألك ولايتكلم معاك خاصه لو انا موجود قلت ليهو طيب ماشي لما م تكون موجود بكلمهم يسألوني🌚قال لي م تمزحي ياخ قلت ليهو طيب سكتا منك افتح لي شباكي خليني استمتع بالمنظر قال لي تاني😡قلت ليهو يعني السخانة تكتلني مثلا قال لي التكيف دا عملو لشنو قلت ليهو والقزاز دا عملو لشنو قال لي اوووف ونزلو لي نص قلت ليهو كدا م بلحقو قال لي مشكلتك اذا انتي قصيرة 🌚صريت وشي وسكتا نزلو كلو بقيت بعاين بالشباك وم سألتو لحدي م وصلنا الجامعه دخلنا مشينا ع القاعه لقينا الدكتور يداب دخل قدامنا ايمن دق الباب الدكتور قال ليهو معانا قال لي اي قال ليهو م تتأخر تاني اتلفت علي قال لي ارح ادخلي جينا داخلين الدكتور قال لي انت م ستأذنتي ليه انا سكتا ايمن قال ليهو معاي القاعه كلها اتلفتت دخلنا ايمن مشي اتجاه الاولاد وانا قعدت ف اخر بينش براي المحاضرة ف نصها جات بت دقت الباب الدكتور باستياء وقف المحاضرة قال ليها اتفضلي وقال ي جماعه م ف زول تاني يدخل لو انا دخلت مفهوم البت جات قعدت جنبي دي ميسون زاتا ف المحاضرة سلمت علي قبل م ارد ليها الدكتور قال قمة الاستهتار جايه متأخرة وكمان بتتونسي انتي والجنبك اطلعو برة وبعد المحاضرة تعالوني ف المكتب ميسون قالت ليهو بس قال لي بدون. بس كلمة واحدة وح تتحرمو تحضرو معاي طول السنة طوالي طلعنا ودموعي دي عشرة عشرة بحياتي م صرخ ف وشي استاذ انهرت علي اقرب مقعد بقيت ابكي وهي تعتذر مني وبقت تقول لي م تخافي م ح يعمل لينا شي خليهو علي قلت ليها ممكن تخليني براي وم تتكلمي معاي لسه مصرة تحنس فيني قمت خليت ليها المحل مشيت حته تانيه لحقتني قلت ليها ي ميسون اخر مرة اقول ليك م تتكلمي معاي مفهوم وزحي مني كلو بسببك ساعه انا ببكي بعد شوية تلفوني اتصل م طلعتو من الشنطة اصلا وقت ازعجني شديد طلعتو عايزة اقفلو لقيت دا ايمن فتحت الخط بقيت ببكي قال لي توتة وين انتي قلت ليهو م عارفه قال لي جنبك شنو قلت ليهو اشجار سمعتو بتكلم مع زول بعد شوية قال لي اقعدي مكانك اسي بجيكي جا معاهو ميسون من شفتها صريت ليها وشي قلت ليها انا م قلت ليكي م تتكلمي معاي انتي م بتفهمي ايمن قال لي روقي ي توتة عادي بتحصل وبعدين هي وصفت لي مكانك بس قلت ليهو انت م بتعرفا بي سببا الحصل