*احببت مغرور*

الحلقة 16

*/احببت مغرور*/
#الحلقه_16
(للكاتبة:نيدوووووووووووووووووووووووووووووو)
الاربعاء عند الخامسه ونصف صباحا رن هاتفي معلنا الازعاج انه ايمن
الووو اصحي ي كسلانة انا اصلا صاحية قال لي صوتك دا صوت زول صاحي قلت ليهو كأنو امس انا قلت ليك م تصحيني قال لي صحيتك عشان انا م بحب اتأخر عن مواعيدي عشان كدا لازم تجهزي سريع م تأخريني🌚قلت ليهو اسي المؤخر اخو منو لاحظ انك بتتكلم معاي كدا انا م ح اجهز لبكرة قال لي يعني انا البأخرك قلت ليهو تماما😌قال لي كويس وقفل الخط مشيت اتجهزت بي راحتي واتظبط وسودتها كلها وجيت طالعه 😂لاقاني ايمن قال لي لابسة اسود ف اسود مالك المات منو  امجد قال ليهو الجزمة البيضاء دي كلها م عاجباك وبعدين الاسود ليس رمزا للحداد انه رمز للاناقه يااااخ حبيتو حب قلت بالضبط كدا قال لينا انا قلت ليكم م تقرو كتب كتير امجد قال ليهو الاسود يليق بها قال ليهو اها وانت البليق بيك شنو🌚ايمان ضحكت قالت لينا انتو مالكم من الصباح متين اصبحنا مشينا شربنا الشاي وجهزت فطوري وكلنا طلعنا امجد وايمان مشو مع ابوهم وانا وايمن وصلنا عمتي الروضه اول م نزلت من قدام قال لي تعالي مكانك قلت ليهو خليني هنا مرتاحة قال لي انا كدا م مرتاح🌚قلت ليهو This is  your problem  قال لي انا سبق وقلت ليكي شنو لو نسيتي ازكرك قلت ليهو اووووف جيت ركبت قلت ليهو طيب انا م يومي اقول ليك نزل القزاز اوك تلقائيا انت نزلو عشان م ناقصه نقاش معاك قال لي تماما عشان كدا انتي تلقائيا تركبي ف محلك لاني م سواقك قلت ليهو اتفقنا نزل القزاز وشغل الجهاز اغنيه انجليزية هادية قلت ليهو انت عايز تنوم ليك شافع 🌚قام غيرا سبحان الله طلع بفهم تلفوني اتصل دا رمزي فتحت الخط قال لي توتة كيفك قلت ليهو تمام الحمدلله انتو كيف قال لي كويسين هاك امي عايزاكي سلمت عليها قالت لي رامز جا وهم يوم الجمعه عاملين فطور عايزيننا نجي كلنا بس لو ف طريقه امش ابيت معاهم قلت ليها الا الخميس لاني شغاله جامعه بعد اطلع يوم الخميس من الجامعه بجيكم قالت لي خلاص كويس انا كلمت عمتك قلت ليها اووك وعلي كدا قفلت منها ايمن قال لي ف شنو حكيت ليهو قال لي اها كويس وسكت حسيتو مضايق م عارفه ليه م اتكلم معاي طول الطريق قلت ليهو ايمن قال لي احكي سكتا م اتكلمت سكت م سألني وصلنا الجامعه مشينا الكلية البطاقات طلعت شلناهم ومشينا شفنا الجدول بتاع اللابات هو ف قروبÀوانا ف C. انا م شغاله اللاب الاول قال لي انا ح امش اشوف الحاصل شنو واللاب عن شنو وانتي اقعدي ليك ف حته بعد اخلص بتصل عليكي قلت ليهو اوك قبل م يمش مدا لي المفتاح حق العربية قال لي لو عايزة تقعدي فيها دا المفتاح شلتو ومشيت اصور جدول اللابات لقيت فارس قال لي كيفك قلت ليهو تمام وانت قال لي الحمدلله قال لي لابنا التالت ح نقعد محاضرتين فاضيه قلت ليهو لو عارفه م كان جيت بدري قال لي انا كمان م كنت عارف قال لي رايك شنو نعمل قروب للدفعه كلها ونتناقش فيهو ف امور الدراسة ولو ف اي محاضرة اتلغت او اتغيرت الناس تكون عارفه ونرسل فيهو المحاضرات قلت ليهو فكرة كويسه طلع تلفونو مداهو لي قال لي سجلي رقمك بعملو واعملك ادمن انتي شيلي من البنات ارقامهم وانا بتولي امر الاولاد قلت ليهو اتفقنا قال لي ماشة حتة قلت ليهو لالا ح انتظر ايمن لما يطلع بعداك قال لي لو م عندك مانع ممكن نقعد هنا قلت ليهو طيب قعدنا اتونسنا شوية حكي لي عن نفسو وامتحن وين ونسبتو قال لي امتحن مرتين مرة عمل71وتاني عمل,9, 90قال لي انتي من اول مرة قلت ليهو اي واكتشفت انو زول ظريف قال لي دورك احكي انتي حكيت ليهو قال لي وايمن دا ببقي ليك ود عمك ولا قلت ليها اي ود عمي بس ساكنة معاهم لانو اهلي م هنا قال لي كويس والله قاعدين كدا اتصلت لي رزاز قالت لي المفترية قلت ليها رمزي عاداكي خلاص قالت صاح كلامو م بتسألي مننا ليه قلت ليها مشغولة مع الجامعه قالت لي وين انتي وصفت ليها قالت لي جاياكي طيب فارس قال لي صحبتك قلت ليهو بت خالتي قال لي كويس كل العيله شكلها ف الجامعه معاك😂😂قلت ليهو اي جات رزاز سلمت علينا وكان معاها رمزي اول م شاف فارس قال ليهو حبيبنا وبقو يتسالمو ويتونسو كأنو بعرفو بعض من فترة طويله قعدنا رمزي سلم لي قال لي دا فارس صحبي من ايام الطفولة قرينا من الاساس سوا وامتحنا سوا قلت ليهو اي بنقرا سوا قال لي من زمان عندو هوس للحاسوب لدرجة المرة الاولي وقت امتحنا م كان مهتم للدراسة مقضيها معاهد وكورسات حاسوب بس ضحكنا اتونسنا شوية رمزي قال لينا ارح نفطر لانو عندنا محاضرة تانيه قامو انا قلت ليهم امشو انتو انا بنتظر ايمن اسي بطلع رمزي قال لي ايمن دا م بتشبعي منو قاعد معاكي ف البيت ارح معانا لو طلع يجينا قلت ليهو م كدا لكن اصلا انا م ح افطر معاكم ف احسن تمشو فارس قال ليهو خليها ع راحتا طيب مشو حسيت بانزعاج انا م بحب زول يكرر لي الكلام ووللصراحة اكتر انا م بحب اغتلط بالناس لما ايمن م يكون معاي بنزعج رغم انو هو بزهجني بس احسن لي من 0100زول قعدت