#آحببت_قلبآ_ليس_لي💘
الحلقة:9
تأليف:إيناس آدم(ننس)
غزل:كيف😳
وجن:انا كلمتها وقلتا ليها مستحيل... قالت لي ح تجي تشوف رايك.... مفتكره انك ممكن تكسري كلمتي😏....
((غزل بقت في حاله صدمه لا عارفه تفرح لانها ح تتزوج البتحبو❤ولا عارفه تزعل لانو امها م راضيانه وغير كدا يوسف قلبو مع غيرها💔))
وجن:مالك يا غزل....
غزل:اا..لا.. لا ولاشي...
((ودخلت غرفتا وبقت تبكي وفرقت كل الجواها💔😭...... اما غسان اتصل على ابو ميرال واتفق معاهو انو يجي الاسبوع الجاي... ويتفقوا على كل شي❤🌝......يوسف رجع البيت وامو استلمتو💔))
هالة:اها يا يوسف فكرتا؟!
يوسف:امي انتي لي ماقادره تشيلي الموضوع دا من راسك....
هالة:طيب ع الاقل اعرف العروس منو😔💔
يوسف:ح تكون منو... ملاك مثلا.... منو؟
هالة:غزالة...
يوسف:😳😳غزل... امي انتي جاده؟!
((غسان اتصل ع ميرال وكلمها❤))
غسان:يعني بعد 3شهور و15يوم كدا ح تكوني في حضني❤
ميرال:ال15يوم دي لي شنو💔😢
غسان:معقوله ماعارفه😉عشان يجهزووك لي😅
ميرال:غسان بطل قله ادب👊
غسان:اسي انا قلتا شنو...كدا بس خلينا نتزوج وانا ح اوريك قله ادبي دي ع اصولا😉
ميرال:غساني يااخ😢💔اول مره تتكلم معاي بي قله ادب كدا. .بدون نهره
غسان:😂😂ااي لانو انتي خلاص ان شاء الله ح تبقي حقتي يا هبله❤
ميرال:بس انا خايفه😢💔الزواج ما حلو
غسان:فيهو حاجات حلوه حلا😉😂...
ميرال:غسان بطل سفاله ياخ😢
غسان:ما قلنا قدرو😂💔خلاص خلاص يلا تصبحي على خير يا انا❤
ميرال:وانت بخير
((اي مخطوبين بتكلموا كدا👆😂💔👊المهم🌝..... يوسف دخل غرفتو وبقى محتار....وشغل موسيقى ووقف في بلكونتو.. وفي نفس الوقت كانت واقفه غزل وبتفكر توافق ولا ترفض💔😢))
يوسف:غزل...مالقيتي غير غزل يا امي💔....
غزل:امك مالقت غيري يا يوسف😢وكانو قلبها كان حاسس بي حبي ليك💔😢
((صباح اليوم التاني🌺🌸......محمد فاتح يوسف وهالة في موضوع غسان وميرال وقالوا م عندهم مانع❤.....هالة اتصلت ع غزل وطلبت تقابلها بعد ساعه في المحطه القديمه بتاعتهم.....اما يوسف رجع غرفتو وركب سماعتو ورجع نام... ورهف ومحمد مشوا الشغل.. وميرال طلعت الجامعه م ضربت لي غسان طلعت بالمواصلات.... ))
هالة:معليش جبتك هناا.. بس الموضوع م بستحمل زول غيرنا يسمعوا...
غزل:م مشكله يا خالتو... اها الموضوع شنو؟!
هالة:امك كلمتك اني عاوزاك لي يوسف صاح؟!
غزل:ااا...ااي كلمتني
هالة:اها رددك شنو؟
غزل:م بقدر اوافق بيهو مالم امي ترضى...
هالة:خليك من امك انتي موافقه..
غزل:يوسف لسه قلبو مع رهف.. م بقدر ادخل حياتو بالطريقه دي.. م بقدر
هالة:غزل.... سألتك سؤال... موافقه عليهو.. ولا لا
غزل:قراري مرتبط بي قرار امي... لو وافقت انا بوافق
هالة:يابتي اسمعيني.. يوسف مافي اطيب من قلبو.. وبعدين عشان غلطه واحده عملها ح نحاسبو العمر كلو... اكيد لا... وانا نفسي انو يتزوج واحده تصونو.. ومافي غيرك يا بتي بتقدر عليهو....
غزل:بفهم منك انك بتحاولي تقنعيني بيهو💔
هالة:دا قرارك مالي حق ادخل.. بس انا ح اموت لو ولدي رجع للتافهه ديك تاني😭😭
غزل:😢💔...يا خالتو امبارح يوسف وصلني الجامعه... وقال بتمنى لو انو يتزوج رهف ماغيرا.... 😢💔
هالة:يا بتي انا م بقدر امنعو من انو يرجع ليها... بس بقدر اقنعك انك تتزوجيهو
غزل:وشنو المخليك متأكده كدا اني ح اوافق بيهو💔
هالة:انتي بتحبي يوسف صاح؟؟؟
((غزل لمن سمعت الجمله دي كانها صبت فيها مطره اتبكمت م قدرت تتكلم💔))
هالة:جاوبيني؟
غزل:😢💔اي عرفتي كيف...
هالة:عيووونك فاضحااك يا غزل... وتصرفااتك.. ونظراتك ال يوسف ما لاحظها.. انا شفتها💔اها ي بتي.. انتي الوحيده البتقدري تنقذي يوسف من شر رهف... ولازم تتزوجيهو... اها قلتي شنو
غزل:ح تعرفي قراري بعدين..
((وقامت خلتها💔رجعت البيت وهي بتبكي... قدر ما حاولت وجن تعرف مالا م عرفت.. دخلت استحمت وغيرت ملابسا... وسرحت شعرا ولبست نظارتا.. وطلعت لي امها برا.. ))
غزل:امي
وجن:اي يا غزل في شنو
غزل:انا موافقه💔😢
وجن:على شنو يا بتي
غزل:على اني اتزوج يوسف 💔
((اما غسان اتصل على ميرال.. وقالت ليهو انها في المواصلات))
غسان:ميرال ميرال ميرال... للمره الالف انا قلتا شنو😡مش قلتا ليك م تطلعي برااك.. م بتفهمي يعني... انتي وين اسي😡
ميرال:قديت لي اضاني.. انا قربتا ع الجامعه
غسان:طيب استنيني في البوابه م تخشي فاهمه لمن اصلك😒
ميرال:طيب..تعال رايق ممكن
غسان:م بخصك😒جاي عليك💔
يتبع
✏ننس🎀
