#آحببت_قلبآ_ليس_لي💘
الحلقة:19
تأليف:إيناس آدم(ننس)
يوسف:😒😒
غزل:م تعاين لي احسن تأكل...
يوسف:في زول بأكلوهو بالطريقه دي😒
غزل:أسفه....اها الاكل عجبك
يوسف:يعني😒
غزل:يعني💔لي ساعتين واقفه في المطبخ تقول لي يعني☹
يوسف:اها اقول ليك شنو... وااو ابدعتي الاكل رهيب بمعنى الكلمه😒👏👏...
غزل:😂😂ما للدرجه دي كمان....يلا افتح خشمك
يوسف:شبعتا😒
غزل:عشاني يوسفي😃
يوسف:غزل بشووتك بالصحن دا😒م تقولي لي الاسم دا....
غزل:😂طيب طيب مع انو حلو....
يوسف:انتي لي ماقاعده تأكلي....
غزل:اكلتا...معقوله ح استناك...
يوسف:انا برضو قلتا كده... بس شكلك م اكلتي بطلي كذب لانو لمن فتحتا الحله زي ماهي مافي زول اكل منها....كنتي مستنياني صاح
غزل:امممم
يوسف:طيب يلا اكلي...
غزل:طيب....
((غزل اكلت ليها كم معلقه كده.. واكلت يوسف😂👊....بعدين رفعت العده غسلتا ورتبتا.. وعملت لي يوسف عصير))
غزل:اتفضل
يوسف:ماعاوز عصير.. انا عاوز قهوه😒
غزل:لا..الليله خلي القهوه.. اشرب عصير.. بنفعك اكتر من القهوه...
يوسف:غزل😒م انتي البتوريني البنفعني شنو.. والبضرني شنو... اعملي لي قهوه ولا بقوم بعملا براي😒...
غزل:يا يوسف بس....
يوسف:خلاص خلاص.. ح اعملا انا
غزل:دقيقه...اووف.. طيب ح اعملا ليك...
((ومشت المطبخ.....هو دخل غرفتو وبقى براجع في الملفات وبقراهم.... غزل عملت القهوه واخدتا ليهو في الغرفه... ))
غزل:اتفضل...
يوسف:ختيها عندك لحدي م اخلص الملفات دي
غزل:لا ح تبرد... ((ومشت عليهو عشان تدي القهوه......اتزلقت والقهوه اتكبت في الملفات😱👏.....))
يوسف:دا شنو العملتيهو دا يا غبيه😡مش قلتا ليك ختيها هناك جايباها لي😡
غزل:انا اسفه
يوسف:مابتفهمي انتي😡مولوده غبيه بالفطره.... وحاالتك لابسه نظارات وبعد دا كلو م بتشووفي😡
((طبعا غزل طوالي دموعا نزلوا😢💔👊....))
يوسف:اسي انا اعمل شنو خربتي اي شي😡اطلعي برا
غزل:طيب😢...
((غزل مشت غرفتها وبقت تبكي💔ويوسف حاول ينضف الملفات بس القهوه انتهت منهم......فتح اللابتوب افتكر انو ممكن يكونو موجودات بس م لقاهم.. وغير كده كان في علامه في اللابتوب افتكرا فيروس... م اشتغل بيها كتير... قفل اللابتوب ونام😴.....تاني يوم الصباح صحى بدري وجهز نفسو... وغزل م صحت... جاا ماري بي جمب غرفتها سمعها بتبكي💔😢ضرب ليها الباب... قامت فتح ليهو...وشها كان مورم بي طريقه... وزي كأنها م نامت💔😢...))
يوسف:صباح الخير
غزل:صباح النور
يوسف:ااا..بتعرفي كيف تتخلصي من الفيروس في اللابتوب! ؟؟
غزل:اكيد...
يوسف:طيب عايني هنا في اللابتوب بتاعي عندي ليهو.. ممكن...
غزل((قاطعتو)):بس دا م فيروس....
يوسف:اها دا شنو
غزل:جهازك مراقب يا يوسف.... في زول مراقب جهازك
يوسف:مراقب😳
غزل:ايوووه..عاين((وبقت تشرح ليهو.... ))اللابتوب دا فيهو حسابات وملفات الشركه صاح؟؟؟
يوسف:ااي
غزل:بس يلا في زول مراقبو ليك وبعلب بي حسابات الشركه كمان... في برنامج بمكنك من انك تعطل المراقبه... او لو ممكن تنقل الملفات من اللابتوب دا لي لابتوب تاني... ثواني اعطل المراقبه.....
((وفعلا عملت كم حاجه بس المراقبه ابت تتعطل😕....))
غزل:مافي غير انك تنقل ملفات الشركه والحسابات لي لابتوب تاني... وتعمل ليهو حماية عشان م يتراقب...
يوسف:بس دا منو البكون مراقبني ومصلحتو شنو
غزل:هو منو ماعارفه لاني م عندي خبره للدرجه دي... اما مصلحتو فاا واضح انو عاوز ينهب شركتكم....
يوسف:معقوله😳
غزل:امممم...بعد اذنك..
((غزل قامت من جمب يوسف.. قبل تمشي مسكا من يدها❤... التفت عليهو))
يوسف:شكرا.....واسف لاني صرختا عليك امس....
غزل:اا..
يوسف:انا طالع سلام
((عند ميرال وغسان❤😍طبعا غسان فسح ميرال وكل يوم كان بطلعها حته جديده❤))
ميرال:غساني❤بي عمري م اتوقعتا اني ممكن انبسط معاك كده😍
غسان:لي😂
ميرال:لانك كنت غيااظ شديد😂وطبيعي زهجان واخلاقك هنا👃....وخانقني😒👏
غسان:هههههه...والله يا ميرال انا كنت بعمل كده من غيرتي عليك بس❤ما كنت عايز العيون دي يشوفا زول غيري انا.. ولا عاوزه تشووف غيري❤عشان انا عاوزك لي وبس.. عشان كده😍....ميرال قبل تخشي حياتي م كنت قايل انو الحب حاجه ضروريه او انو الزول لازم يعيشا.... حبيتك عشان مجنونه... وبتعملي حركات عفويه.. وبتغيظيني😂حبيتك عشان حسيت انو قلبي اكتفا بيك وبس.. وربي م عاوز واحده غيرك في حياتي وقلبي❤حبيتك عشان شفتا فيك ام عيالي... شفتا فيك البت البتقدر تسعدني وتفهمني❤بإختصار كده انا ولهان بيك😍❤
ميرال:وانا نعستا😴
غسان:ابو الرومانسيه معاك😒لي ساعه بتكلم عبريني طيب ان شاء الله لو بي كلمه بحبك😒👊
ميرال:ادمنتك❤((وقربت منو وباستو في خدو😍))
غسان:يامجنونه نحنا في الشارع🙊
ميرال:زووجي وحلالي وحره فيك😒في كلام😌وبعدين انا نعستا وجعتا... ارح نرجع البيت😢
غسان:طيب😍ارح😉
((يوسف وصل الشركه وراسو يودي ويجيب ))
يوسف:يا ربي منو يكون عندو مصلحه في دمار الشركه.....
رهف:يوسف عاوزه ملفات امبارح...وقعتهم! ؟
يوسف:صراحه لا
رهف:لي😳
يوسف:لانو غزل كبت فيهم قهوه بالغلط💔
رهف:كيف يعني... يوسف انت ما عارف الملفات دي مهمه بالنسبه لي قدر شنو😡
يوسف:مهمه ليك
رهف:ااا..قصدي لي الشركه.. مهمه للشركه... ع العموم انا ح اعمل ملفات تانيه واجيبا ليك.. بعد اذنك
يوسف:طيب...
((رهف مشت مكتبا وفتحت اللابتوب... وكل شي ماشي سمن على عسل❤اما غزل... جابت اللابتوب بتاعا وبقت تفتش عن كيفيه تعطيل المراقبه عن الاجهزه... وفك الشفره.... الخ))
غزل:لازم اساعد يوسف.. ولا شركتهم ح تضيع
يتبع
✏ننس🎀
