#آحببت–قلبآ_ليس_لي💘
الحلقة:20
تأليف:إيناس آدم(ننس)
💛بعتذر عن التأخير بس كنتا منفسنه😴
((المساء يوسف رجع البيت ولقى غزل ماسكه الابتوب حقها ونايمه💔....وكانت لابسه بجامه فووشيه قصيره... وفاكه شعرها. ومالابسه نظارات.... يوسف قف وبقى يتأمل فيها❤...))
يوسف:سبحاان من خلقك💓...غزل.. يا غزل... غزالتي اصحي
غزل:اممم...انت جيت متين... ((وصلحت قعدتا ولفت شعرا... ))
يوسف:المنومك كده شنو...
غزل:كنتا ببحث عن شويه حاجات في قوقل... واخدتني نومه...
يوسف:ااها طيب...
غزل:عرفتا كم حاجه عن تعطيل جهاز المراقبة
يوسف:بالجد..
غزل:امم..بس جيب اللابتوب حقك...
يوسف:اتفضلي...
((فتحت لابتوب يوسف وعملت كذا حاجةة😂👊.... المهم برضو م قدرت تعطلها.... ))
غزل:اوووف...انت عارف شنو انا لازم القى الجهاز المراقب بيهو جهازك عشان اقدر اعمل حاجه...
يوسف:وانا اجيبو كيف يا فالحه😒...
غزل:هو في احتمال انو يكون زول من الشركه العامل العمايل دي... م معروف
يوسف:لا طبعا😒استحاله.. انا بثق في كل الموظفين...
غزل:طيب خلي الثقه دي تنفعك بعدين لمن الشركه تقع تمام😒👊
يوسف:المطلوب شنو اسي
غزل:عاوزه اخاطر وامشي الشركه😷...
يوسف:م تقوليها...عاوزه تفتشي الاجهزه بتاعت الموظفين😒
غزل:شئت ام ابيت... مافي غير كده😷👏...ويلا عن اذنك ماشاء ارص الغداء
يوسف:انا اتغديت...
غزل:كذاب...لو اتغديت كان طالبتني بالقهوة😝...غيير وانا ح اجهز الغداء....
((يوسف دخل غرفتو وادوش وغير ملابسو....وغزل جهزت الغداء ورصتو.... فجأه الجرس ضرب.... ))
غزل:طيب جاايه...
يوسف:استني هنا... ح تفتحي بي ملابسك دي👊😒
غزل:ويعني شنو...
يوسف:ما ح اتناقش معاك اسي... خشي الغرفه انا بفتح الباب😒
غزل:طييب....
((يوسف فتح الباب لقاهو شاب كده في ال20....))
.....:يا ابو الشباب سلاام عليكم
يوسف:وعليكم السلام..
.....:دا عنون غزل عبد الرحمن...
يوسف:اي...في شنو وانت منو...
......:اا معليش الموضوع خاص شويةة.. ممكن اشوفا اذا امكن...
يوسف:انا زوجها يعني مافي شي اسمو خصوصيه البهمها بهمني... اتكلم.. يا اما اتفضل من هنا💔😒
.....:لا خلاص... انا ح امشي وبجيها مره تانيه...
يوسف:انت يا زول مجنون😠تجيها مره تانيه بتاع شنو.. انت منو وعاوز شنو...
((غزل سمعت الجوطه لفحت توبها وجات طالعه... ))
غزل:في شنو يا يوسف...
يوسف:انتي الطلعك شنو خشي جوا😠....وانت يا استاذ عاوز شنو من مرتي...
غزل:يوسف...استنى شويه..
يوسف:يا زوله ادخلي...
غزل:يا الله.....دا الباشمهندس عامر... كلمتو بي مشكله الابتوب بتاعتك.. وانا اتصلت بيهو عشان يساعدني...
يوسف:بي صفتو شنو يساعدك.. واساسا حاكيه ليهو لي.... عاين يا استاذ اتفضل من هنا لو سمحتا😠...
غزل:بس...
يوسف:انتي اسكتي😒
((وقفل الباب طااخ في ضيف الشرف.. ااقصد عامر👊😂😂...))
غزل:ممكن افهم دا شنو العملتو اسي دا😒((مشى عليها.. وقف قصادا ويدينو كانت في الحيطه))
يوسف:عملتا شنو... لا كنتي عاوزاني اجيب ليكم كبايتين شاي واقعد اتفرج😠...
غزل:هو كان جاي عشان يحل مشكلتك
يوسف:مشكلتي بحلها براي... وتاني مره م تضربي لي اي جن😠مفهوم...
((طبعا كان قريب منها وبتنفس بي صوت عالي😂👊ومتعصب.. وهي من جواها مبسوووطه... نظام غيران وكده❤👏.....))
غزل:طيب ممكن تهدأ لانو البركان الجواك دا ح ينفجر👊😒
يوسف:على فكره انا طبيعي جدا جدا...بس مستغرب فيك.. كيف توصفي ليهو البيت بدون علمي... احتمال اسي اكون لسه برا البيت... وانتو كنت ح تكونو براكم👊😒😷💔....
غزل:واذا.....وانت كنت ح تكون مع الست رهف... اووف... المهم هدا الغداء... انا م عاوزه.. زح كده...((ودخلت غرفتا😷💔👊))
يوسف:غزل...غزل افتحي الزفت دا عشان م اكسروا... اطلعي.. عارفك من الصباح ما اكلتي شي...يلا افتحي ياخ😒
غزل:اكل انت... انا م عاوزه...
يوسف:طيب لو م طلعتي م بأكل وح اشرب قهوة على معده فاضيه...واليحصل يحصل
غزل:الود دا مجنون.. وبعملا... اا طيب طيب
((وطلعت من غرفتا وماقلعت توبا... مشت قعدت في الكرسي قصادو😷💔))
يوسف:لي ماطلعتي التوب😒
غزل:😳...واطلعو لي.. انا كده مرتاحه👊😒انت م مرتاح ولا شنو
يوسف:ووو..وانا دخلي شنو😒..
((اتغدو.. واتناقرو برضو😂😂👊💔....بعدين غسلت عدتا ورتبت مطبخا.. وعملت لي يوسف قهوتو... ))
غزل:اتفضل
يوسف:شكرا😒...
غزل:انا ماشه انوم.. تصبح ع خير
يوسف:وقتك كلو نوم.. اقعدي معاي شوية.ممكن..
غزل:يوسف
يوسف:نعم
غزل:انت كويس الليله.. مافيك شي.صاح.
((فكا الصره.. وبقى يضحححححك❤☹ضحكتو دماار☹❤....غزل بقت تعاين ليهو ومستغربه فيهو))
يوسف:لالا انا كويس... لي يعني عشان بعاملك بي رقة ولطف.. ولا عشان قلتا ليك اقعدي معاي😒👊💔
غزل:اي🤓
يوسف:😒💔...لي بقيتي م بتلبسي النظاره..
غزل:كنت لابساها قبيل.. بقت تعمل لي صداع...الا امشي اغيرا....
يوسف:اهاا.....ما اشتقتي لي غسان
غزل:والله اشتقتا ليهو.. ولي ميرال كمان😢💔
يوسف:قبل يومين اتصل علي...وقال عاوزك قلتا ليهو انا برا البيت....
غزل:طيب اتصل اسي...
((واتصل لي ناس غسان❤...))
ميرال:دا رقم سوداني... دا رقم يوسف😍الو.. چوو
يوسف:هههه..يا جنو مشتاقين...
ميرال:كتييير وحاااتك يووخ.... كيف عامل... وكيف غزالتي
ويوسف:والله عااال...هاك غزل قالت عاوز تسلم عليكم
ميرال:طيب
غزل:ميرو😍
ميرال:حماتي الشوق حاصل❤
غزل:كتييير يا جزمه... شنو لا حس لا خبر
ميرال:احم..احم.. شهر عسل وكده😉
غزل:واطيه☹غسانك وين...
ميرال:ثواني...غسان... يا غساني
غسان:قلبوو❤...
ميرال:هااك غزل
غسان:الوو..غزل ازيك.. مشتاقين😍
غزل:كتييير والله كيف اخبارك
غسان:بخييير والله...كيف اخباركم
غزل:والله عااال...
((فجأه دخلت مكالمه))
غزل:ااا..غسان.. يوسف دا عندو مكالمه ضروريه... بتصل ليكم يوم تاني..
غسان:طيب تمام....
((غزل مدت التلفون لي يوسف... والمتصل رهف😒👊💔😷))
غزل:انا داخله انوم.. اخد راحتك....
((يوسف مشى البلكونة💔ولا غزل دخلت غرفتها💔))
يتبع.
✏ننس🎀
