#آحببت_قلبآ_ليس_لي 💘
الحلقة:12
تأليف:إيناس آدم(ننس)
((المساء سمر وصلوها المستشفى..... وهديل كانت معاها والولد دااك......هديل اتصلت لي يوسف وكلمتو انهم وصلوا المستشفى.... ))
يوسف:طيب طيب... نحنا جاين عليكم.....
محمد:وصلو...!؟؟
يوسف:ااي
ميرال:انا ماشه معاكم😢
يوسف:طيب ارح... رهف انتي م عاوزه تجي معانا...
رهف:هاا..اا.. اكيد جايه.. يلا....
((وطلعوا من البيت ع المستشفى.... سمر دخلوها عمليه.........))
......:والله انا جد اسف.. بس هي فجأه ظهرت قدامي...
يوسف:دا قضاء وقدر...
محمد:اي بس ربنا يقويها ويقوما بالسلامه....
((بعد ساعه الدكتور طلع ))
رهف:خيير يا دكتور....
الدكتور:المريضه طلع عندها نزيف داخلي... بس الحمد لله قدرنا نوقفوا.... وعندها كسر في يدها اليمين....
محمد:لا حول ولا قوه الا بالله..
يوسف:الحمد لله جات سليمه..
ميرال:طيب ممكن نشوفا...
الدكتور:اا..بس نفرين...
ميرال:طيب رهف تعالي معاي...
رهف:ااا...لا خشي انتي.. انا بشوفا بعدين...
......:ممكن اشوفا معاك
ميرال:طيب...
((ودخلو ليها الغرفه وكانت بتحاول تفتح عيونا شويه شويه.... ))
ميرال:سمر سلامتك😢
......:حمد لله ع السلامه
سمر:ااا...انا وين... والحصل شنو اساسا
....:انا ضربتك بي العربيه.... اسي بقيتي كيف
سمر:انت منو...
عمر:عمر...عمر الطيب...انتي ظهرتي قدامي فجأه وحصل الحصل...
ميرال:طيب ح نخليك ترتاحي تمام...
سمر:رهف وينا...
ميرال:اا..برا... قالت م بتقدر تشووفك في الحاله دي... ح تجي بعد شويه
سمر:طيب....
((رهف خططا كلهم فشلو.. لانو سمر صحت💔. واكيد ح تقرر انو يرجعوا دبي في اسرع وقت....سمر قضت حكايه يومين في المستشفى وطوول اليومين ديل عمر كان معاها❤. رغم انو ما من الخرطوم بس اصرا يقعد لحدي م يطمن عليها وبعدين يرجع.......رجعوها البيت بالمساء.......))
هالة:سلامتك يا بتي
سمر:تسلمي يا خالتو هالة...
رهف:اسي كيف
سمر:احسسسن...
((مرر اسبوعين ع الكلام دا.. وهالة فاتحت محمد في موضوع يوسف.... ))
محمد:يا هالة انتي كيف تخطي خطوه زي دي بدون رضى يوسف....
هالة:ماقدامي حل غير كده.. والا يوسف ح يفضل طوول عمرو متمسك بي رهف دي... ولا انت رايك شنو؟!
محمد:والله انا نفسي الحصل مايتكرر تاني... بس..
هالة:مافي بس... ح نمشي نطلبا من اهلا الاسبوع الجاي خلاص...
محمد:انتي نسيتي انو غسان ح يجي بكره عشان ميرال
هالة:ااي ااي م ناسيه ربنا يتم ليهم ع خير....
((اما يوسف كرهو بدا يزيد اتجاه غزل والمجننو انو هي لي موافقه على الزواج رغم الكره الجواها ليهو..........ميرال وغسان زي المساء طلعو مع بعض ياكلو ايسكريم❤.....))
غسان:ميرال
ميرال:امممم
غسان:يووخ نفسي بكره اعقد عليك🤤❤رايك شنو
ميرال:😹مجنون وبتعملا...
غسان:افّهم انك موافقه😉...
ميرال:لا طبعاٌ😒حبيبي انت مستعجل لي اساسا باقي لي حكايه شهرين واخلص... فشنو استكين😹
غسان:م حكايه استعجال... بس نفسي اكون معاك طوول الوقت يووخ افهمي يا هبله😪💔👊
ميرال:طيب شهرين م كتيره اصبر بس😉
((يوم بكره😹💔ميرال ما مشت الجامعه وجابت غزل عشان تساعدا في ترتيب البيت وكده..... ))
غزل:اهلك ح يخلصو منك.. ويجيبوك لينا😒
ميرال:ماعاوزاني اجي يا حماتي☹💔
غزل:ميرو😒م تقولي لي الاسم دا..
ميرال:😂طيب طيب... والليله مالك زي النعسانه كده..
غزل:لالا بس عيوني واجعني وبعدين المفروض اغير النظاره فهمتي😪💔
ميرال:اها الشهر دا م غيرتيها...
غزل:اي ولازم امشي بكره اغيرا... هو المفروض الليله بس انتو😪👊
((رهف كانت واقفه وبتسمع في كلامهم.. طبعا هي عرفت انو غزل العروس.........غزل بعد خلصت مع ميرال ترتيب... دخلت حمام ميرال وختت نظارتا في التربيزه..... رهف جات وشالتا.... غزل طلعت من الحمام وبقت بتفتش في نظارتا بس م لقتا وراسا بقى يلف..... ))
غزل:يا الله... انا ختيتا هنا مشت وين...
((وبقت تكركب في الغرفه.. ومسكا صدااع.... يوسف جا ماري بالغرفه سمع صوت كركبه... دخل ولقاها دي غزل))
غزل:ياربي تكون ميرو شالتا...
((كانت فااكه شعرا❤🙈وطبعا عيونا بدون نظاره حلوات😉❤.. بس م بتشوف غير الطشاش😂👊.... حست بي حركه في الغرفه..)).
غزل:ميرال..تعالي وبطلي غلاظه.. اديني النظاره...
((يوسف كان بعاين ليها وطبعا شاميها شمة😪💔....))
يوسف:انا م ميرال
غزل:😑يوسف...
يوسف:كوويس والله بتقدري تميزي صوتي من بين الالاف
غزل:😒عاوز شنو.. لو سمحتا اطلع برا..
((يوسف قرب منها شديد وشو بقى مع وشها.. حتى هي حست بي نفسو💔😪 ..وكانت عاوزه تزح مسكا من يدها))
غزل:يوسف ابعدت عني يااخ
يوسف:ابيت...مش ح اكون راجلك... المانع شنو..
غزل:لمن تكون😒بعدين اعمل العايزو.
((يوسف قرب منها شديد وكان بحاول يبوسا.... دفرتو وادتو كف💔))
غزل:انا ما رهف.... ما البت القبلت تضيع شرفا معاك فاهم😡
يتبع
✏ننس🎀
