#آحببت_قلبآ_ليس_لي 💘
الحلقة:24
تأليف:إيناس آدم(ننس)
((وبدون اي مقدمات يوسف مسك يدها ونزلوا❤.......لحدي م وصلوا الباب البفصل بين باب السلم وبيت ناس هالة لي جوا... ))
يوسف:ح تقعدي كتير؟؟؟
غزل:اا..لا بس ح اشووف خالتو هالة عملت شنو....والباقي شنو عشان اساعدا وكذا...
يوسف:معناها مطووله... طيب انا ح امشي لي ابوي في الصالون
غزل:طيب...
((وكان لسه ماسك يدها👊😂))
غزل:يدي
يوسف:اممم..مانحنا ح ندخل سوا صاح... يلا
((ودخلوا جوا.. مشوا الصاله.... سلموا على هالة وسمر....))
هالة:الله جاابك يا بتي والله عندي حاجات كتييره عاوزاك تساعديني فيها
غزل:عيوني ليك...سمر كيف مع الحبس😉
سمر:احم الحمد لله...
هالة:يوسف يا ولدي...
يوسف:اي يا امي
هالة:فك يد مرتك...خايف عليها قدر دا مننا😂😂
((غزل وشها حمر من الخجل👊😂ويوسف طوالي سحب يدو))
يوسف:انا ماشي لي ابوي... انتبهوا لي عليها❤😉
هالة:م بتوصي حريص😍
((غزل فرحت شديد بي تغير يوسف المفأجي دا... وفي نفس الوقت كانت خااايفه💔))
غزل:اها يا العرووس.. جاهزه🙈
سمر:رحله هي😒م تسألوني يوخ🙈❤
غزل:😂👊كلبه...
هالة:غزل بما انك شاطره في الخبايز بس عاوزاك تعمليهم لي....عشان بكونوا ضمن فطور العريس فهمتي
غزل:بس كده حااضر....
هالة:ابديهم من الليله لو في طريقه
غزل:طيب مافي اي مشكله... اساسا شغلهم م صعب... بخلصهم ليك لحدي بكره المساء كده
هالة:يكتر خيرك يا بتي....
((وجروووها ونسةةة💃....بعدين هالة نادت يوسف شال المكونات مع غزل وودهم فووق❤))
يوسف:ح تبديهم من اسي
غزل:اي..وانت ح تساعدني😌
يوسف:يا سلاام😒
غزل:جاده معاك😂👊يلاا.. انا ح اعمل العجنه...
((وجابت المكونات وبدت تعمل العجيينه بتاعت الناعم😍.....ويوسف بعاين ليها ساي ويتبسم.. وهي كل شويه تشيل يدينا وتختهم في وشها... وشها كلو بقى عباره عن دقيق👊😂😂💔))
يوسف:انتي بتعملي الناعم دا بي يديك ولا وشك👊😂
غزل:كيف يعني😳
يوسف:وشك كلوو دقيق😒👏
غزل:بغسلو بعدين😒👊يلا تعال قطع معاي العجينه دي تقيله علي💔
يوسف:ابيت..م بعرف😒
غزل:يوسف الله يخليك😢
يوسف:يوسف الله يخليك😂😂فالحه لي دا.. طيب
((ومشى سااعدها في تقطيعا... وبعدين دخلت جزء منها في الفرن❤😍....))
يوسف:المسافه دي امشي غسلي وشك...
غزل:طيب والناعم
يوسف:انا ح اشوفو.. اساسا م حيحرق فتره الكم ثانيه الح تغيبي فيها دي
غزل:طيب
((ومشت غزل الحمام.. غسلت وشها وشعرا اتبلى بي شويه مويه... فكتو.. وبقت تجفف فيهو.... يوسف اول م شافا طالعه من الغرفه بالمنظر دا... مشى ووقف قداما❤..رفعت عيونا وعاينت ليهو..))
غزل:يوسف
يوسف:هششش
((وختا اصبعو ع شفايفا🙈❤وقرب منها ورجع ليها شعرا لي وراا...ومسكا من نصها وجراها عليهو❤طبعا صحبتكم جااتا الرجافه😂😂👏بقت ترجف... قرب منها شديد.. ورفع ليها راسا لقاها مغمضه عيونا🙈❤))
يوسف:انتي لي حلوه كده😍
((ونزل وشو بإتجاه رقبتا😍🙈وهي حست بي نفسو😍🙈بس وعت على روحا😂👏))
غزل:يوسف الناعم😱
((واتفكت منوو😂ومشت المطبخ.... المهم ساهروا في الناعم لحدي الساعه 2))
يوسف:غزل بعد كده كفايه
غزل:شنوو😳
يوسف:قصدي ليك.. ارح ننوم. لانو الزمن اتأخر.. وبعدين م ضروري تخلصيهو اسي...خليهو بكره
غزل:لا عاوزه اخلصوا اسي... انت لو نعسان امشي...عاوزه اعمل البسكويت
يوسف:😒غزل م تخليك عنيده
غزل:يوسف عاوزه اخلصوا.. بعدين بنووم
يوسف:وانا قلتا ليك خلي بكره.. يلا
((ومشى عليها ورفعا🙈❤😂😂👊))
غزل:يوسف😳
يوسف:ماعاوزه تسمعي الكلام اعمل ليك شنو
غزل:......
((رفععا وداها غرفتا... رقدا في السرير وغطاها))
يوسف:يلا تصبحي ع خير
غزل:غياظ يا يوسف😒
((صباح اليوم التاني يوسف قام بدري عمل لي روحو القهوه.. وغزل كانت في سابع نوومة😴....اتجهز واتصل لي رهف عشان يتلاقوا في الحته الحددا ليها... بعدين مشى غرفه غزل....لقاها نايمه غطاها كويس وباسا في جبينا❤))
يوسف:انا م عارف لي بقيت بهتم بيك كده💜💙. ولا عارف لي هاماني سعادتك للدرجه دي💚💛... بس عاوزك تعرفي انك حاجه حلوه في حياتي م عاوز اخسرا❤
((طلع ومشى قابل رهف))
رهف:يوسف حبيبي😍
يوسف:اهلين
رهف:يوسف في شنو.. ودا شنو الموضوع المهم العاوزني فيهو
يوسف:موضوع الملفات المزوره يا رهف
رهف:😳
يتبع
✏ننس🎀
