Falling in Love with a Bad Boy

FIWABB-1

Finley's POV

"Finley, gising na!" narinig kong tawag ni Mommy habang marahang yugyog sa akin.

"Five minutes, Mom..." sagot ko, sabay talukbong ng kumot sa mukha ko. Ugh. I'm still so sleepy. Anong oras na ba ako natulog kagabi? Mga ala-una? Ala-dos?

"Na-uh, male-late ka na." May halong tarantang tono na ang boses ni Mommy, kaya napilitan akong umupo.

Kinusot ko ang mata ko habang sinusubukang gisingin ang sarili. Si Mommy naman ay tumayo mula sa gilid ng kama at tinapik ang hita ko, pilit akong ginigising nang tuluyan.

"I can't believe college na ako," I murmured in disbelief.

Parang kailan lang eh nag-aaway pa kami ni Sharma noong highschool kung sino ang mas gwapo—si Justin Bieber o si Zayn Malik. Sino nga ba? Malamang si Zayn Malik. Kung si Sharma naman ang papapiliin malamang si Justin Bieber pipiliin niya.

"Stand up now, dear. Go take a shower," utos ni Mommy.

"Okay, Mom." Pilit kong hinatak ang sarili ko paalis ng kama at naglakad patungo sa banyo.

Pagpasok ko sa loob ng banyo, agad kong natanaw ang sarili kong repleksyon sa salamin. Napakunot ang noo ko habang tinitigan ang mala-panda kong eyebags. Diyos ko, konti na lang at magkulay itim na rin siguro ang buong mukha ko—perfect na para sa Halloween. Pero sige lang, laban lang, Finley. Hindi pwedeng ma-down agad, lalo na't first day of college ko ngayon.

"Hindi pwedeng mukhang zombie ako sa university," bulong ko sa sarili habang sinapo ang noo. Napatampal ako ro'n sa sobrang inis. Bakit nga ba ako nagpuyat kagabi? Ah oo, nanood lang naman ako ng mga random na videos online—mga walang kwenta pero hindi ko mapigilang panoorin. Sa totoo lang, wala namang nag-utos sa akin na magpuyat, kundi ako rin. Ang galing ko talaga minsan, self-sabotage queen!

Napabuntong-hininga na lang ako, saka marahang tumango sa salamin. "Kaya natin 'to, girl," sabi ko pa habang kinuha ang tuwalya.

Sinimulan ko nang maligo. Habang tumatama ang malamig na tubig sa aking balat, unti-unti ring bumalik ang sense ko. Ang daming thoughts na gumugulo sa isip ko—excited ako, oo, pero may halo ring kaba at takot. Ano kaya ang magiging takbo ng araw na 'to? Makakilala kaya ako ng bagong kaibigan maliban kay Sharma? O baka... makabangga ng kaaway? Na-OA na siguro ako, pero ewan ko ba, may kutob talaga akong may kakaiba.

Almost thirty minutes na pala akong nagbababad sa loob. Kung hindi pa kumatok si Mommy at tinanong kung okay lang ako, hindi ko pa siguro marerealize ang tagal ko na pala. Nagmamadali akong nagsabon at nagbanlaw, sabay labas ng banyo habang pinupunasan ang buhok.