نوفيلا صاحب الظل الطويل

الفصل الاخير

#صاحب_الظل_الطويل
الفصل السادس والاخير

ماما.. خيرك انفجعتي
انا بتوتر .. مافي شئ استغربت بس
ماما.. تعرفيهم
انا بهزة راس .. ايه مدير المعهد اللي كنت نقرا فيه من العيلة هذي
ماما.. آآه
انا مازلت تحت الصدمة .. خيرهم ماما وانتي من وين تعرفيهم
ماما.. تو كيف سكرت مني امهم وقالت ليا بكرة بعد العصر بنجوك اذا فاضيين
انا صبيت مفجوعة وقعدت نرعش .. بيجو كيف وعليش وليش هما مايعرفوناش بيجو ليا ليش
ماما بضحكة .. واضحة بيخطبو
انا .. شنووووووو
ماما.. اهدي نغومة على روحك
انا وبديت نبكي .. من قالك وشنو عرفك
ماما.. خيرك تبكي بس
انا .. خايفة
ماما .. انتي تعرفيه مش مزبوط هو
انا ببكاء.. لا كويس هو
ماما.. اهدي نغومة ماترعشيش روحك نشوفهم بكرة وربي يسهل
وطلعت من عندي ماما وانا قعدت نبكي مش عارفة فرحة على خوف على تردد وكيف حياتي بتكون معاه وهل اهله حيتقبلوني هكي او لا واني غارقة في تفكيري رن فوني وطبعا لا شعوريا ارتسمت على فمي ابتسامة كبيرة
اكرم .. كلماتك  ماما والله مازلت
انا بصوت واطي .. اه كلمتني
اكرم بحب.. عشان معاش نبيك تبكي ونا مش معاك بيش نمسح دموعك
انا وبتردد.. خايفة
اكرم بهدوء.. من شنو
انا وقررت لازم نحكي تو عشان نعرف روحي على اي ارض نرسى .. خايفة انك تتعب من طبعي ومن خوفي من كل شئ خايفة ان وحدتي اتعبك خايفة عدم اختلاطي بالناس يضايقك خايفة اهلك مايتقبلونيش او مايتحملوش اطباعي
اكرم بهدوء ونبرة حب وصلتني .. اني مستعد نتحمل كل حاجة فيك اصلا انتي اكثر وحدة تناسبني
انا باستغراب .. كيف
اكرم .. عشان انتي هادية ومسالمة واني عصبي هلبة فعلى الاقل في لحظات فوراني مش حتردي عليا والشئ هذا حيخليني نهدا بسرعة واني غيور واجد وبعدم اختلاطك مايطلعش جنون غيرتي عليك
انا بتوتر ووجه سخن من كلامه .. به واهلك
اكرم بثقة .. اهلي ناس في حالها مايهمهاش شنو انتي بتكوني طالما اني اللي نبيك واني المختارك وبنتحمل نتيجة اختياري ومافيهمش حد حيضايقك ولايقدر يضايقك
انا.. به
اكرم .. به شنو
انا.. مش عارفة
اكرم بضحكة .. حلوة مش عارفة هذي خلاص يابنتي ارقدي وارتاحي عشان بكرة تلاقي اهلي بوجه رايق
انا وتقول ماصدقت .. مع السلامة
وتنهدت تنهيدت راحة وتمددت ومن كثر ماني فرحانة رقدت واني حاسة براحة كبيرة وان حياتي معاه حتكون حلوة
وجاء ثاني يوم واستغربت ماحد نوضني ولقيت الساعة 11:30 الصبح وطلعت بعد ماتوضيت وصليت لقيت الحوش هادي لقيت الين قاعدة تتفرج على الـTv
انا.. خيره الحوش هادي هكي
الين .. صح النوم نغومة
انا.. سلمك وين ماما وسما وايهم وادم
الين .. ايهم رفع ماما وسما للسوق قالو بيجيبو حاجات للناس اللي بيجو اليوم العشية وادم مازال راقد
انا .. اه ... فطرتي
الين .. لا مابيتش نفطر قلت بنفطر معاك
انا.. به تو نوتي فطور لينا وبري نوضي ادم بيش يفطر معانا
وجهزت فطور وفطرت اني والين وادم وحاسة براحة حلوة لكن في نفس الوقت توتر وخوف اني مانعجبش امه
وروحت ماما وسما وايهم من السوق وتفاجأت بايهم وهو يضم فيا استغربت في البداية لكن لما تكلم عرفت
ايهم .. مبارك يا نغومي والله فرحت ليك اني نعرفه لو كان هو اكرم ماشاءالله عليه
انا انحرجت وماتكلمتش
سما وهيا تحول في ايهم .. حول خليني ناخذها نوريها اللبسة الجديدة
انا.. عليش ماهو عندي دبش هلبة
سما .. عارفة لكن هذي مناسبة مميزة
انا.. به غير خليني نضم حوسة الفطور والبضاعة اللي جايبينها
ماما.. تو نضمنهن اني عدي قيسي الدبش وكان عجبك او لا كنهدا مازل وقت تلحقو على المحل تغيروها
وخشيت انا وسما وشفت اللبسة وعجبتني وقستها وطلعت عليا تهبل وحبيتها الحق وماما وتت هيا وسما كل حاجة واني درت برمة على الحوش وبعدها دوشت وجبدت شعري رغم انه ناعم لكن من النوعية اللي لازم تعطيها جبدة بيش تنطلق اكثر وبديت نجهز في روحي حطيت رتوش بسيطة جدا لاني نبي نكون بطبيعتي اكثر وجو الضيوف واستقبلتهم ماما وسما وبعدين نادت عليا ماما بيش نسلم عليهم عدلت لبستي اللي كانت جيبة سودا قصيرة وبلوزة وردية هادية فيها ربطة كبيرة من جيهة الرقبة وكم منفوخ بسيط وخليت شعري مطلوق ونرعش بشكل مش طبيعي والحمدلله ان ماما عارفة هكي فمخلتنيش نمد اي ضيافة عشان حيكون مصيرها التبزيع واني الاحراج والضيق
وطلعت بكل هدوء جبرت روحي عليه سلمت عليهن وحدة كبيرة وتشبه لاكرم هلبة واثنين واضح فيهن انهن مش كبار ووحدة متزوجة ووحدة لا وقمعزت بهدوء وتكلمت المرا الكبيرة
ام اكرم .. بسم الله ماشاءالله والله ولدي عرف يختار
وانا سخنت وخدودي انحمرو
ام اكرم .. ارفعي راسك نغم
انا رفعت راسي باحراج
ام اكرم .. انا عمتك ايمان ام اكرم وهذي اسماء اخت اكرم الصغيرة وهذي عبير ان شاءالله كان صار نصيب بتكون سلفتك مرت اخ اكرم الكبير 
انا بصوت واطي .. اهلين بيكم
ام اكرم .. خلاص يانجلاء شوفو روحكم وردو علينا واكرم يبي مقابلة شرعية
ماما.. هذا حقه
ام اكرم .. تو جاي بيروح بينا وان شاءالله بيشوفها