ကျွန်တော် အရှေ့ကို မမြင်ရ .. အနောက်က အမှီ ပြေးလိုက်လာတဲ့ လူနှစ်ယောက်ရဲ့ ဝေးရာကို လှည့်ကြည့်ရင်း ကျွန်တော် ပြေးလာမိသည်မှာ ဘယ်နေရာ ရောက်လို့ ရောက်လာခဲ့သည် မသိ။
တကယ်တော့ ကျွန်တော်ဟာ လူတစ်ယောက် မဟုတ်ပါ။ နှစ်ပေါင်းများစွာ အသက်ရှင်နိုင်ပြီး အရွယ်မကြီးလာပဲ မသေနိုင်သော လူမျိုးစုထဲက တစ်ယောက်ဖြစ်သည်။ ကျွန်တော်တို့လို လူမျိုးအချို့ကို Vampireလို့ သတ်မှတ်ကြသော်လည်း ကျွန်တော်တို့က Vampire မဟုတ်ပါဘူး။
Vmapireတွေက အသက်ရှင်ဖို့ သွေးလိုအပ်ပေမယ့် ကျွန်တော်တို့က လူတစ်ယောက်ရဲ့ နေ့စဉ်ဘဝအတိုင်း ကြီးပြင်းရန်သာ လိုအပ်သည်။ ကျွန်တော်တို့သည် နေရောင်ကို ကြောက်စရာ မလိုသလို ကြက်သွန်ဖြူ စား၍လည်း အဆင်ပြေသော လူသားဟု သတ်မှတ်မရသည့် လူသားတွေသာ ဖြစ်သည်။
ထားပါလေ။ ဘယ်လိုပဲဖြစ်ဖြစ် ကျွန်တော်က ကျွန်တော်ဖြစ်နေရတဲ့အတွက် ကျေနပ်တယ်။ လူပဲ မပြောင်းမလဲပဲ အသက်အရှည်ကြီး နေရတာလောက် ကျေနပ်ဖို့ ကောင်းတာရှိပါ့မလား။ ဒါပေမယ့် ကျွန်တော်တို့က လူသိရှင်ကြား နေလို့မရဘူး။ ကျွန်တော်တို့ ပိုင်ဆိုင်မှုကို အားကျ မနာလိုကျတဲ့ လူတိုင်းက ကျွန်တော်တို့ကို သတ်ပစ်ဖို့ ကြိုးစားကြတယ်။
ဘိုးဘွားတွေ လက်ထက်ကတည်းက သိုသိုသိပ်သိပ် နေလာနိုင်ခဲ့ပေမယ့် ကျွန်တော့်အလှည့်ကျမှ လူအချို့က ရိပ်မိသွားခဲ့ကြတယ်။ အဲ့ဒီ လူတွေထဲက နှစ်ယောက်က အခု ကျွန်တော့်နောက်ကို အပြေးလိုက်နေကြတဲ့သူတွေပေါ့။
" ဟား .. အခုချိန်ထိ လိုက်လာတုန်းပဲလား။ "
မျက်ခြေဖြတ်နိုင်ပြီဟု ထင်မိ၍ ခဏ နားလိုက်မိသည့်အချိန်တွင် အနောက်မှာ မှီလာသော လူနှစ်ယောက်ကြောင့် စိတ်ညစ်ညူးစွာ ရေရွတ်လိုက်မိသည်။
အနောက်က အသည်းအသန်လိုက်လာသည့် လူနှစ်ယောက်ကို ကြည့်၍ သူ လေထဲမှ ပစ္စည်း တစ်ခုကို လှမ်းယူလိုက်လေသည်။ ဘေးနားမှ ကိုယ့်ကိစ္စဖြင့်ကိုယ် အလုပ်ရှုပ်နေသောသူတိုင်း သူ့အား သတိမထားမိကြပေ။
" ပြစ်ဒဏ်ဆိုလည်း နောက်မှပဲ ခံရတော့မှာပဲ။ အရေးကြီးတာ ငါ့မျိုးနွယ်ကို ကာကွယ်တော့ပဲ။ "
YOU ARE READING
Walk on memories
Mystery / Thrillerတွေ့ကြုံခဲ့သည့် အဖြစ်အပျက်များကို အမှတ်တရအဖြစ် ယူဆရသည်ကို အပိုဟု ယူဆသောသူ နှစ်ယောက် တွေ့ဆုံကြသောအခါ .. သူတို့နှစ်ယောက်ကြား အမှတ်တရများသည် မေ့ပျောက်သွားရန် မလွယ်ကူကြောင်း တဖြည်းဖြည်း သိရှိလာသည့်အခါ .. Hope you Enjoy 💗 #KimJongDae #KimMinSeok
