"""""حكم عاكول """""""
بقلم زهرة الاقحوان
البارت العاشر
دانه : اوكف شيخ لاتستكوي على النسوان
عاكول :😡ولج عمره محد وكف بوجهي تجين انت وبكل عين وكحه
تحاجيني
دانه ؛ حسيته عَصّب والغضب بين عيونه بس ماخفت القلب الي مليان حزن
مايتأثر بردود فعل المقابل مكتفي بالحد الي عنده
محد يوكف بوجهك مو معناته انت مو غلطان
ولامعناته هما راضين بحكمك
لا ياشيخ جائز يخافون من حكمك وجورك
عاكول :انا اريد اكسبها واذا اضربها راح تبتعد
هي بكلشي تفرق عن نسوانه بتفكيرها وبشجاعتها لهذا ملكة عقلي وقلبي
وحتى وان ظلت ترفضني مااتقبل هل الشي
علياء :استغربت شلون الشيخ سكت رغم دانه ماسكتت اله وكفت بوجهه لاضربها ولاعصب عليها
الشيخ عاشكها ويكابر لا والله هذا مايعشك احد
دانه انا اروح
عاكول ؛حسابج ماخلص علياء
دانه :ليش ماخلص شنو جرمها ألي تحاسبها انت عليه
شنو الي سوتها اتركها بحالها ترى الله يوكعك بشر اعمالك
عاكول :دانه سكتي لان انا مااتقبل حرمه توكف بوجهي تكفي شري
قبل لاتسوي كارثه
دانه : امشي علياء صعدي
وفعلا مرت الايام وعاكول مايحجي ويه علياء وعلياء تدعيلي ليل
بنهار بده مستوى اولادها يتحسن وظلو يقرون ويكتبون
وامورها تمام
بس انا ظليت يوم عن يوم يقل املي بالًرجوع لاهلي
احنه متواصلين ومصروفي يوصلي قبل لااحتاجه
ماصرفت فلس من عاكول
اريده يغير رئيه ويعتقني
عاكول :مااشوف دانه النهار دوام والعصر تدرس الجهال وبليل تدرس
وهي مامهتمه بوجودي أصلا وهذا الشي
ألي ينرفزني
توقعتها تتوسل تطلب الطلاك او تحاول وياي
بس هي ابد ماعدها بقائمتها شي اسمه عاكول
لهذا قررت أروح الها للجامعه اشوف شنو الناس الي تختلط بيهم وين تداوم
فرج :وصلت الصبح دانه للدوام ورايح لجامعتي
طبعا منو يشوفها وياي مايصدك
هي زوجة ابوي
هي صح حلوه لكن الي يحليها اكثر رزانتها ومشيتها وصوتها الهادئ الله يحفظها
والله انا اتمنى تتطلك من ابوي تشوف مستقبلها
لان ظلم ان تعيش حياتها بهل الصوره
اتصل علي الشيخ خير
-الو
-هلا ابني فرج تكدر تجي علي
-خير بويه كول
-أريدك تجيبني لجامعة دانه
- صاير شي شيخ
-لا بس اريد اجي
-يي تأمر دقايق وانا يمك
مااكدر ارد الشيخ ابد بس ماناوي والوالد يترك دانه بحالها خطيه
هل البنيه تورطة بعاكول
استغفر الله
اخذت الشيخ وياه كم غرض ماسئلته عن شي
وصلته كبل
بويه هاي جامعة دانه
عاكول :شنو هاي زلم ونسوان تسولف
وشني هل اللبس
