""""" حكم عاكول """""""
بقلم زهرة الاقحوان
البارت ١٢
دانه :صحيت الصبح وانا محطمه اشوف وجهي تعبان وعيوني مورمه
انظر لنفسي بشمئزاز
كرهت الدنيا
وبلحظة ضعف اتمنيت ان اموت ولا اشوف حياتي بهل الصوره
نزلت الدرج
وانا مثل العميه ماكنت اشوف شنو كدامي
سلوى :خطيه دانه اشوفها كلش تعبانه
دانه اسويلج ريوك
دانه :لا مااريد اريد بس جاي
لان راسي راح ينفجر
شغلت العين مال طباخ
وكان العود بيدي ماانتبهتله لحد ما مشت النار بالعود وصلت لأيدي
شفت أصابعي شلون احتركو
باوعت بجسمي
معقوله راح اظل هنا وهاي حياتي
شعلت عود ثاني
وخليته بطرف الدشداشه
وبدت تمشي وانا عيوني تنزل
سلوى ؛خلي اشوفها
درت اريد ادخل المطبخ
يمااااااا فرج حيدر
لحكو
فرج :سمعت سلوى تصرخ ركضنا كلنه
لكينا دانه شاعله النار بثوبها
ركضت اخذت ماي وشمرت عليها وطلعت
لان مااريد أحرجها
عاكول :شبيكم
فرج :ليش بويه بنيه ماتريدك ليش هجي تحطمها
عاكول :ماالك دخل بحياتي
فرج :سلوى اخذي دانه غيريلها ملابسها
واريد احاجيها
سلوى :صار
لزمتها وصعدتها وهي كانت مستسلمه
دانه تستحين مني لو أغير ثوبج عادي
دانه :ماكنت اشتهي احجي كلمه
كارها ألبيت بالي بيه بدت سلوى تغيرلي ملابسي
فرج :خويه اكدر احجي وياج
دانه :اشرت براسي يعني عادي
فرج :نصيحه مني الج كومي بدلي وروحي لدوامج
احسن ماتظلين كاعده وانا هم اريد احجي وياج
دانه :صفنت شفت كلامه صحيح
لازم اطلع لان راح اختنك
دخلت للحمام ظليت اخسل بوجهي
لحد ماحسيت وجهي صار رقيق من الماي والتغسيل
لبست على السريع
وطلعت ويه فرج
فرج :كافي خويه انت سباعيه
ولاتبجين على شي صار ومامنه فايده
فكري بالمستقبل
لان الي راح انتهه ميفيد بعد
من تبجين شنو يرجع كلشي مايصلح البجي
صلي على محمد واوكفي على رجليج
وهاي سالفه وتعبر وتنسي وتصير ذكرى
شكلتي
دانه :الله كريم 😔
فرج :من طلعنا من البيت وراي سياره
بالبدايه ظنيتها صدفه
بس لمن عبرت مسافه طويله وهذا ملاحكنا
لازم اعرف منو هذا
من وكفت نزلت دانه وكف اذا عليَّ
دانه ديري بالج على نفسج
دانه :ابتسمت لان هو بس الي كان ظلي
ان شاء الله
فرج :سويت نفسي جاي للسياره والتفيت بسرعه للسياره
انزل 😡انزل
-خير شرايد
فرج :انا شرايد انت شرايد مالاحكنه من طلعنه من البيت لهنا
عادل :خويه انا عادل ابن عم بلقيس
