"""حكم عاكول """"""
بقلم زهرة الاقحوان
البارت ال١٣
بثينه :امشو ندخل
لان برد الجو
دانه :الكعده هنايه ماينشبع منها ابد
راح احظر وياكم العشه
سلوى :بس انت وراج دراسه
دانه :عادي ادرس الفجر مو مشكله
احتاج الى جو عائلي حيل مشتاقه لاهلي
وماادري شوكت اشوفهم 😔😔
بثينه :لاتضوجين ماتدرين شيصير
امشي نسوي عشه لايسوينه عشه الشيخ
دانه :مااكدر احجي على عاكول لان هو ابوهم وانا غريبه
اكول شنسوي
سلوى :نشوي دجاج
دانه :ليش كله لحوم غداكم وعشاكم نفس الشي
سلوى :جه شنسوي حيره
دانه :خلي نسوي كبه وشوربه
هم وجبه حلوه وخفيفه
سلوى :عمري مامسويه كبه اكلها بس بيت خالي
دانه :سهله بس حظرو المواد ونتعاون
فرج :اجيت لكيت دانه والبنات حبايب ويشتغلون
فرحت لان دانه طلعت من كأبتها بس شلون
راح اكلها على ابوها خطيه
بس امري لله اعتمد علي الولد
خلي نتعشه ويصير خير
حميىده :هاي شني
شمسويات عشه
سلوى /ولج هاي دانه يخبل اكلها شوفي
الكبه
حميده :اوووو هاي وين تصرف الهم
عشه كبه
دانه :ان شاء الله يحبوها لان تعبت بيها
مدو البنات السفره
عاكول : شنو اليوم صايرات فنانات
-هذا شغل دانه
حيدر :عاشت ايدج
كلش طيب
ايي هجي من اول وسولنا اكل مثل الناس ملينه
من نفس الاكل يوميه
عاكول :الحلو كلشي يطلع منه حلو
طيب وحلو مثلج يادانه
دانه : عمري مراح اتمنى اسمع منك كلمه حلوه لان ماظل بداخلي شي حلو وهذا كله بسببك
الحمد لله
سلوى :ليش كمتي مااكلتي شي
دانه :مااشتهي
تصبحون على خير
فرج : كمت سويت روحي رايح للحمام جوى الدرج
لحظه خويه
دانه : تفضل اشوف وجهه متغير وضايج
فرج :ممكن شويه
لو خليها الصبح احسن
دانه :ماادري ليش نعصر قلبي ونزلت بسرعه
احجي فرج شصاير
ليش شبيك
وشنو تأجله
فرج :بس اهداي والدج صارت بيه جلطه
دانه :شتحجي انت بابا بيه جلطه
شلون عرفت منو كلك😭
عاكول :سمعت صوت دانه تصيح انا كمت وكلها وراي كامت
😡شنو شصاير فرج
فرج :بويه والدها بيه جلطه وصلولي خبر لازم انطيها
عاكول :😡 تعال وراي
طلع للحديقة
وهو رأي اول ماردت ضربته على وجهه
ولَك انت تعرف دانه حرمتي
ماالك حق تحاجيها
فرج :ضربني ابوي. اتذكرت
حجاية دانه من تكول مااستكوى عليكم عاكول الا لان انتم هجي رايدين وقابلين بظلمه
تدري بويه احنه ليش عمرنه ماوكفنه بوجهك مو لان نخاف منك ومن ظلمك لان نحترمك بس مع الاسف بديت تخلينه نفقد هل الاحترام
انا بعد مااظل هنا
