"""""""حكم عاكول """"""""
بقلم زهرة الاقحوان
البارت ١٨
دانه :اخذت وتين خليتها جوى العبايه
وركضت لجدي
-ها بويه مكضيه
دانه :يي جدي الحمد لله بتي بحظني
حاضنتها بقوه واشتم عطرها اااااااه كنت مخنوكه
هسه عطرج ماما رد عافيتي
اول ماوصلنا رضعتها وغيرت ملابسها نامت وانا صافنه بنتي يمي وانا مو عد عاكول هذي اجمل شي
بس ربي يديم علي هل اللحظات مااتحمل بعد اي ظلم
-ها بويه صافنه
دانه :يي جدي احس نفسي طير وطلقو صراحه بس خوفي من الصياد يعود
-بلقيسه بنيتي صح انا ظلمتج من خليتج فصل لعاكول
بس ماجانت عندي غيرج لو يتذبحون ولدنا
سامحيني وأبريلي الذمه
دانه :جدو مسامحتك
الي صار صار مكتوب الي ومابليد حيله
خليها على الله جدو
-بنتي روحي امج تركت جوازج اخذيه وسافري
دانه :لإجدو مو بهل السهوله بنتي شلون مااكدر اعوفها
-سافري بنتي لكربله لحد ماتنسي سالفتج وردي ويه اهلج
دانه :وعاكول شراح يسوي من يدري بيه مسافره
-خلي يجي اكفر ذنبي انا موجود
دانه :لاجدي انا صرت ضحيه وبالنهاية هم غيري يتأذى مااقبل
انا موجوده وأوجهه وين توصل توصل
-والله انت سباعه وعدال زلمه
دانه :الوكت خلاني هجي أصير
روح ارتاح جدو انا اكوم اصلي واكعد شوي يم بيبي
-بارك الله بيج
...........
سعد :يعني شنو
-اخي هاي الأراضي بااسم ثمينه علي وهاي السندات الي عندك
مزوره
وباجر راح انطيك نسخه من الطابو الأصلي
سعد :اخوي ابن ابوي يسوي هجي بيه ليش
انا أعيش بالارض تعبانه
وتشتغل لحد نص الليل
وانا املك الدنيا
وعاكول صار شيخ بروسنا يأكل أموالنه
صعد السكر على عيوني ظليت كوى اشوف
-ها سعد بيك شي
سعد :عيوني غوشو تكدر توصلني لبيت الشيخ نجم
-يي دليني وأنا حاظر قابل الدنيا تكاطعت
سعد:نزلت لبيت الشيخ واستقبلوني ولده وكلها التمت لان شافوني تعبان
نجم /امر سعد مو من عوايدك تجي صاير شي
سعد :شيخ تقبل شيخ غريب بالسلف يأكل حلالك هو اخوك
-شني شصاير
سعد :شيخ والي يرحم والديك كول شتسوي
نجم :مو رجال الي يأخذون حكه بالباطل ويسكت
اكيد اهد بيوتهم عليهم
صاير شي
سعد : جواد اخوي ويه عاكول مأخذين أراضي امي الي ورثتهم
من والدها واليوم انا بالطابو والأراضي كلها بااسمها
ليش مو حرام حكي ياخذه اخوي والغريب
نجم :وسفه جواد تطلع منه هجي
ويرضى اخوه يتبهذل
...............
-الو
جواد :هلا ومرحبا
-جواد مو وكت الحجي روح اشرد الأراضي الي مآخذها طلع الطابو بااسم
ام سعد وسعد جاي يريد ياخذ حكه
ترى طلع من بيتنه مغتاض وراح يهد بسلاحه
جواد :يمعود هذا فهم علم كلشي ماكو
