"""""""""حكم عاكول """""""""
بقلم زهرة الاقحوان
البارت ال١٥
علياء :نزلت بسرعه
شبيكم شصاير
سلوى :دانه عدها نزف وغمه عليها
علياء :كلتلها لاتعلب بروحها بس ماتسمع حجايه تعبتني
هسه اتصل على حيدر
دانه :وين موديني مابيه شي
احجي وانا ساده عيني مو كادره افتحها
ماردت يأخذوني بسرعه علمود لاينقذون الطفل
علياء:كوى سحبناها ماترضى تروح
وديناها للمستشفى
دانه : فتحت عيني مغذي فوك راسي
وكلهم موجودين وعاكول واكف كبال وجهي
من اشوفه اختنك
درت على علياء
تعالي اكولج
علياء :اتقربت منها
كولي
دانه :نزل الطفل صح
علياء :لا انطوج مثبتات والوضع احسن
دانه :الله لايبشرج بالخير
عاكول :شوفي يابنت الناس كدام اهل بيتي كلهم
انت جاي تلعبين بالنار وانا لهسه ساكت وتاركج براحتج
بس ماكو حرمه عاقله اتسوي سوايتج
ترى الطفل الي يطلع هذا من لحمج ودمج
😡😡😡😡فلا يغرج سكوتي وتضنين راضي باافعالي
مره ثانيه راح تتحاسبين على كل شي
دانه :درت وجهي لان مااكدر ارد عليه فشله أولاده بناته
مايدر انا كرهت نفسي لان صار شي مشترك بينه
طلعت من المستشفى وكل يوم يمر حملي يثبت اكثر
وكانو يكلي كافي حاولت انتحر اكثر من مره
وكعت نفسي من الدرج بس مافاد
رجعت للدوام
وزملائي كلولي اكو ولد يسال عنك دائما
بس مااهتميت لان تعبت من الدنيا كلها
مايهمني منو يسال ومنو ميسأل
بدا ت يكبر خلصت الامتحانات ونجحت
وعاكول خلال الشهرين الأخيرة ماجان متواجد بالبيت
ابد مااشوفه
علياء انتقلت لبيتها الجديد
انا منسجمه ويه البيت كلها
الا عاكول مااحبه ياسبحان الله اكو شخص مايكدر قلبك يتقبله
لو شما حاولو وياك
..........
سلوى :اكلج دانه اليوم جايين خطابه
على بثينه واريدج ترتبيها
دانه :صلوات على محمد شوكت يجون
سلوى :اليوم راح يجون يتفقون على المهر وياخذون حجايه من الشيخ
وندخلها يشوفها
دانه :مو تدللون
تعالي بثينه اسوي شعرج
بثينه :على بختج ترديني انكتل بأشعر ادخل بالشال
دانه : لعد تعالي ارتبلج لبسه وعادلج
لبستها فستان احمر وذهبي جابه الي الشيخ بس انا عمري مالبست
شي جايبه الشيخ
عدلتها بمكياج خفيف لان من النوع حيل خجولات وعدهم زحمه
المره تشوف رجال
عايشين حياتهم بس بالبيت
سلوى :ولج شسويتي بيها
دانه :ليش😰
سلوى :غير طالعه حلوه ماظنيت هجي راح تطلع
دانه : تركتهم محتارين بروحهم ورحت كعدت على باب الاستقبال
عندي فضول اشوف شيحجون لان مااتزوجت مثل الناس
