أحببتك فمزقت قلبي 💔

part 3

أشرقت شمس صباح اليوم التالي 🌞
و أولا علي حوش سوسن :
سوسن حايسه في روحها عالصبح واتدور في وشاحها : وووووك عليا وين طار وين 😡😵
شهد مصبيه عالمرايه : شوفي في الدولاب بالشويه تو تلقيه 😓
سوسن مصبيه وشاده شعرها بيديها : ووك وخلاااص بنريش شعري 😠
شهد تمت من عالمرايه وجتها : ترا حولي 😒
سوسن بعدتلها : هه هه دورته ملقيتاش 😡😠
شهد شبحت للدولاب وجبداته : هدا شن 😒
سوسن : وشاحي 😅
شهد لوحاته علي وجه سوسن : البسي بسرعه وانتي تقول اصغر مني ديمه حاصله فيك 😫
سوسن ضحكت وباستها : احلى وخيه والله 😘
شهد : باه هيا اني بننزل 😜
سوسن : تم 😁
صبت سوسن عالمرايه وساوت شعرها يلي كانت تكر فيه وهيا حامقه 😂 ولفت وشاحها ولبست شنطتها ونزلت 😍
الكل : صبااح الخير 😘
سوسن : صباح النوور 😘😍 وباست عبودي 😘 : شن اتدير نايض من توا يعسل 😘😍
عبودي ضحكلها 😺
تهاني : تعالي افطري
سوسن وهيا مصبيه : لالا منقدرش نفطر الصبح تو ناكل في المدرسه 😊
سالم ياكل : عاده سوده هدي يبنيتي شوفي اختك ربي يبارك
شهد : 😏😏
سوسن : والله يبابا كبدي تزهق 😟
شهد كملت وناضت لبست شنطتها 🎒
هي تو بنمشو مع السلامه 👋👋
تهاني : ربي يحفظكن يارب ❤
عبودي قعد اديري في باي بيده 👋😻
ومشن لمدرستهن لانها كانت قريبه 🏬

عند سارة :
لبست ونزلت تجري مستعجله : حي علياا حي وين خووتي البغل ويين وقت😲😲
إنعام : فطرتي يسريوة
سارة : لالا يماما مستعجله تو ناكل غادي 😵 وين محمد مش بوصلني قبل 😲
إنعام : عدا بجيب خبزة وتو اجي 🍞
سارة ركبت تجري : لما اجي قوليله تو تطلعلك 🏃
خشت لدار خوتها كانو كلهم مدلشين 😂
صبت علي راس رواد : روودي روودي 😟
رواد فتح نص عينه : همم 😴
سارة : نبي فلوووس 😟
رواد فتح عيونه الزوز : امفلس 😒 ورد رقد 😴
سارة : خزي مسخ 😡😠
مشت لمراد : مراااد مراااد نووض 😟
مراد : همم خيرك 😴
سارة : فلووووس 😞
مراد وهوا ميعلمش بروحه : في جيب سروالي 😴
سارة فرحت : نجكك لي 😍😍😍
مشت لسرواله طلعت 10 د ونزلت تجري والاخ رواد ميعلمش بروحه 😂
إنعام : خوك برا يراجي ❤
سارة باستها : مع السلامه ماما 😘
وطلعت 🚶
ركبت للسيارة 🚗
محمد : خيرك طولتي 😠
سارة شبحت للساعه : هيييي تي انطلق وققتتت 😨😰
محمد : اي وقت توا 😡
وفات يجري بيها 🚗
نزلت للمدرسه 🏬
شبحت سوسن تشيرلها بيدها من بعيد 👋
مشتلها : وو الحمد لله الطابور مبداش 😧
سوسن : خيرك داهشه 😂
سارة تاخد في نفس : جاي بيا يجري الكلب محمد 😣😫
سوسن مدتلها ميه : هاك اشربي 😂
سارة شربت : اااه هدا وين حسيت بروحه 😋😍
الجرس رنننن 🔔
صبن في الطاوبير ودارو تمارين و و وتمن وخشن للفصول
( سارة و سوسن يقرن جميع لان سارة فايتتها سنه )
سوسن اتطلع في كتاباتها : كيف حال وسام 💕
سارة : الحمد لله 😍
سوسن : مقالوش خوتك علي مشيه لبنغازي
سارة : لالا بلكي في الصيف 😁
سوسن : يسعيدك بتشوفيه 😟
سارة خبطتها علي يدها : حتى انتي اكيد بيجي في الصيف 😋😁
سوسن : انشاااء الله ياااارب 😍😍
وخشت الأبله للفصل ✨
كانت حصة فيزياء وهنا مخاطرهنش بكل 😂
الأبله : الإحتباس زي لما نحبسو حاجه وبعدها نعطوها المجال وتنطلق بقوة 😊
سوسن : مفهمتش يا أبله زيدي وضحيها 😅
الأبله شقلبت عيونها : زي لما تشدي الهواء في فمك وبعدها تطلقيه 😒
سوسن ضحكت وشبحت لسارة وصاحبتهن التانيه ( منال ) وغمزتلهن 😉
هنا قالن : 1 ,2 ,3 وحبسن الهواء داخل افامهن 😶 وشويه وطلقنه بوووففف 😮😪😂😂😂
الأبله بصوت عالي : برااااا 😡😠😤
منال تضحك : جربناها بس يا أبله 😅😂
سارة : بيش نفهموها اكتر 😂😁
الأبله : قللتتت براااا 😡😡😠
طلعن التلاته والفم ساكت 😂
وسكرن الباب وقعمزن في الممر
سوسن : جبتي سمينسه يا منال 😁
منال طلعت من جيبها : اكييد 😏
حطنها قدامهن وبدن ياكلن 😂😂
( الموقف هدا يلي مع الأبله دايراته أني وصاحباتي قبل 😜😁 )
سوسن : يااادنيااا معايا صبي 👏👏
سارة : منوو لياا خاطي ربي منوو ليا خاطي ربي 😍
منال : نااخد في الورق انعبي ويااعيييني زيدي كبي يا عييني زيديي كبي 👏👏😂😂😍
سوسن صبت قدامهن : الدنيا واقفه ضدي و خاشه معايا فتحدي 👌 وانا علي قد حااالي ماني قد هالتحدي 😟💃
وتطلعلهن الأبله : مشاااء الله مشاااء الله 👏👏
ناضن منال وسارة صبن جنب سوسن : اخر مرة يا أبله 😟
الابله : انتن مش متاعات قرايه 😠
سوسن : انتي طلعتينا عشان درنا التجربه 😞
الابله : خشن خشن قدامي 😠😡
خشن هنا التلاته ويضحكن عالهزاز 😂
قعمزت كل وحده في كرسيها وتمت الحصه وجن باقي الحصص وتمن وكل وحده روحت لحوشها 💕

عند سوسن في الحوش :
اووووف يعليك مللل 😩
شهد تقرا : خيرك ديمه ملل ملل 😲
سوسن : خاطري نطلع للسوق 😟
شهد حطت الكتاب : اي والله 😍
سوسن تفاعلت معاها : عدي قولي لماما 😮
شهد ناضت تجري 🏃
تهاني ممتده تتفرج عالتلفزيون 📺
شهد جت حداها تدحنس : مااامااا 😅
تهاني : اسس خوك راقد 😲
شهد بتوشويش : قولي لبابا يرفعنا للسوق 😮😟
تهاني فكرت عالسريع : اي والله ناقصتني مئه حاجه 😐
شهد فرحت : اي باه قوليله 😍
تهاني ناضت : باه وانتن وتن روحكن 😊
شهد طارت تجري لسوسن 🏃
سوسن تراجي فيها في فم الدار : بشري 😲
شهد تنط : قالت باه قالت باه 😍💃
سوسن فرحت : هي نوتو روحنا مالا 😁😍
شهد و سوسن وتن روحهن وقعمزن يراجن 😁
وتهاني كلمت سالم و وافق 😍
سالم ينادي : شهدد سوووسنن هيااا
طلعنله يجرن 🏃🏃 : هيا هيي
وركبو السيارة ومشو 🚗
وصلو للسوق ✨
تهاني مدت عبودي لسالم : هاك خليه معاك
سالم : لالا عندي مكان بنمشيله خليه معاكم
شهد شهقت : لاا يبابا بالله شده عيااط 😲
سالم : قلت ينزل يعني ينزل 😡
عبودي قعد يصفق 👏👏
سوسن : واحد مينقدر 😐
ونزلو للسوق 🚶🚶🚶
الشباب يلي في السوق عجبهن عبودي هلبا وكان كيف متعلم المشي وامه حطاته وهوا يتكركب ويصفق 👏👏
شاب : ايي الحلوو شن اسمه 😘
عبودي يشبحله وسارح فيه 👀
الشاب يضحك عليه وقرصه في اشدوقه 👌😂😍
عبودي قعد اعيط 😭😭
جاته سوسن حامقه طباته : احنا مصدقنا ساكت اووف 😡
الشاب حك شعره : اسف معليشي 😅
عبودي فعيطه وحده 😭😭😭
سوسن بحمق : بفيدني اسفك توا 😡😠
تهاني قرصتها : خلاص اسس 😐
وخدت ولدها وركبن للدور التاني 🚶🚶🚶
عبودي ايعيط 😭
تهاني : خلاص يماما اس عيب 😩😵
شهد : حطيله لهايته ( الزلباحه ) في فمه 😐
تهاني كانت معلقتها في قميصه وملقتهاش 😧: شكلها طاحت لوطه امشي ياسوسن شوفيها
سوسن : امري لله 😓
ونزلت 🚶
كانت تشبح للوطا واتدور فجاها الشاب نفسه : نساعدك في حاجه يا اختي 😉
سوسن شبحتله بنص عين : لا 😒
الشاب مدلها ورقه فيها رقمه : هدا رقمي 👐
سوسن فنصت فيه : شن تحساب روحك انت خزززي 😡
وركبت راقيلها وحست انها تخون في مصعب يلي متعلمش لحد الان أن يحبها او لا بس جاها شعور هكي وخلاص 💔
تهاني : لقيتيها
سوسن بضيق علم : لا شكلها في السيارة
شهد : اصلا هوا سكت خلاص 😅
سوسن : باه
وكملن تسوقهن وسوسن تنكدت من الموقف يلي صار وروحت خدت بطانيتها ورقدت 💤💔

يآ من تشآركني كل لحظات يومي 💞
أتعلم أنني لا أرى أحد سواگ
أتعلم أنني لا أريد غيرگ
بربگ أخبرني :
متى ستطفئ هذه النآر المشتعلة في داخلي 🔥
بكلمة ؛
أحبگ❤

انتهى البارت ❤
عطوووني رايكم وتفاعلو معاي 😘😍