سوسن ناضت من النوم مضاايقه خدت تليفونها واتصلت بسارة 📲
سارة ردت عليها : ايوا
سوسن بحزن : مضاااقه 💔
سارة استغربت : خيرك 😧
سوسن : اليوم مشيت للسوق و ....... حكتلها يلي صار
سارة : بالله يا سوسن معش تعذبي روحك انتي لتو متعلميش هوا يحبك او لا لذلك حاولي تنقصي من حبك ليه خففي بالله عليك خففي علي روحك 💔
سوسن تبكي : منقدرش يا سارة حب طفولتي راه 💔
سارة تنهدت : شن رايك تجيني اليوم
سوسن : يااريت بس اليوم كنت في السوق بابا مياباش تعالي انتي
سارة : اني منقدرش وسام تو اديرلي قصه شن رايك نتلاقو عند خوالي
سوسن : اووف منه حتى هوا وسامك هدا 😵 تو نقول لبابا
سارة : خلاص اني توا بنمشي لخوالي وتعالي انتي
سوسن : تمام هي سلام 👋
سارة : سلام 👋
تمت سارة مكالمتها واتصلت بوسام 📲
وسام رد عليها : ايوا عويناتي ❤
سارة : وساام نبي نمشي لخوالي باهي 🙊
وسام : عليش ماشيه وانتي مليكش شي كنتي عندهم
سارة بحزن : سوسن مضايقه وقلنا نتلاقو غادي بالله عليك خليني 😟
وسام : قصتها قصه سوسن هذي
سارة عصبت : وسام سوسن عارفها شن تعنيلي وعارف انها تهمني هلبا متقولش هكي عليها
وسام علا صوته : تعالي اضربيني علي شانها وخلاص
سارة خافت يزيد يحمق فهدت روحها : حبيبي عارف قديش نحبك وهيا والله مضايقه خلييني بالله
وسام هدّا : اوكي تمام وعينك من روحك ❤
سارة : تمااام ونحبك ❤😍
وسام : وانا نموت فيكي 💕
سارة : هي سلام بنوتي روحي 😘
وسام : سلام 💕
وتت روحها ولبست ورفعها يوسف لخوالها 🏠
اما عند سوسن :
نزلت من دارها ومشت لبوها : بابا 😟
سالم : نعم يا سوسن
سوسن قعمزت جنبه : نبي نمشي لخوالي سارة غادي عندنا واجب مهم بنحلوه جميع ارفعني 😟
سالم : مهم زين الواجب
سوسن : اي الابله تبيه غدوة
سالم : باهي هيا بسرعه وتي روحك
طارت سوسن تجري 🏃
وقفتها تهاني : خيرك تجري 😲
سوسن : بنمشي لخوالي 🙊
تهاني : مش كنتي عندهم الجمعه 😐
سوسن : بنحل واجب مع سارة 🙊
تهاني : باه 😶
سوسن خشت للدار لبست بسرعه وجت بتطلع 🚶
شهد مكتفه ايديها : علي وين 😲
سوسن ضحكت : لخوالي 😅
شهد : هييي واني 😡
سوسن : المرة الجايه انتي 😘😅
وطلعت تجري 🏃
ركبت السيارة 🚗
ووصلت لحوش خوالها 🏠
نزلت وفتحتلها سارة 😍
سارة : شن جوك 😘😍
سوسن : اهو ماشي الحال 😩
سارة : عندي ليك مفاجئه 😁
سوسن : شن هيا 😕
سارة : غير خشي بعدين ساهل 😁
خشت وسلمت علي جدها وجداها 😘
وقعمزت دروحهن يقرن ورن تليفون سارة
رنن رننن 📞
سارة تشبحله ومردتش
سوسن مدتهلها : رديي عليها هدي يسرا
سارة حطاته : لالا منقدرش 😐
سوسن : ليش 😲
سارة : منقدرش نرد علي حد نين نسأل وسام 🙈
سوسن شهقت : تي لا اتبصري 😲😱😡
سارة : والله
سوسن : عليك طرووح مفرخخخ هالوسام قديش نكرهه 😒
سارة : اسس ترا والله نحبه ❤
سوسن : حبك برص 😒 اهو فصل الاتصال اتصلي شاوريه حضرت الباشا 😒
ساره خدت تليفونها واتصلت بيه 📲
رد عليها : الو سروو ❤
سارة : سوومي صاحبتي اتصلت بيا بنعاود عليها باهي 🙊
وسام : من صاحبتك هدي 👌
سارة : يسرا 🙊
وسوسن كانت تقوللها بالشويه : يا دلدوووله 😡😡😠
وسام : اها باهي ومتطوليش 👌
سارة : اوكي حبيبي ، سلام 😘
وسام : سلام 😘❤
سكرت منه 💥
سوسن : اتفيي يا خوافه 😡😠
سارة : خيرك هوا هكي شن بندير
سوسن بحمق : ديري لروحك شخصيه 😠
سارة : مع الحب ترضي بكل شي 👌
سوسن : والله لا غير انتي مضروبه علي راسك 😒
سارة : باه خليني ينشوف البنات 😒
اتصلت سارة بالبنت 📲
يسرا : ايوا خيرك متردي 😡
سارة : ماه عند خوالي وهوا صامت 😅
يسرا : اه ديمه صامت شكله 😒
وسوسن تضحك 😂😂😝
سارة : خشي في الموضوع 😠
يسرا : غدوة علينا الإداعه وجيبي فقرت حكمه باهي 😁
سارة : اوكي تمام 👍
يسرا : خلاص هي سلام ماما تبيني 😘
سارة : سلام 😘
سكرت منها وسوسن مووت ضحك : صار البنت كل متتصل نين تاخدي راي الباشا تردي او لا 😂😂
سارة تاكل في شكلاطه : ترا بلا بياختك 😒
سوسن تضحك : ههههههه وربي كلا انتي نكته 😂
سارة سمعت باب الشارع انفتح حطت طرف الشكلاطه : سوسن ترا عدي للمربوعه جيبي الكارطه نكسدو عليها 😁
سوسن : جدي قاعد او لا 😮
سارة : لالا مش قاعد عدي نراجي فيك 😁
سوسن ناضت : هي شوي بس 😀
وطلعت تجري 🏃
وفجأه تتلاقى مع مصعب ❤
استاكت تحساب روحها تتخيل 😲
جاها : اووو سوسوو الصغيرونه شن جوك 😘 وقرصلها شدقها 👌
سوسن تشبحله وقلبها يدق يدق واستكت : ااه تمام 💓
مصعب بضحكه : شن جوو الدراسه معاك ❤
سوسن بتطير من الفرحه وعيونها يدمعو لانها مستاحشاته : كويسه الحمد لله
مصعب مستغرب فيها : خيرك تشبحيلي هكي راك انتي زي اختي الصغيرة متحشمه مني 😁
سوسن قعدت تتردد في ودنها " اختي الصغيرة 💔 "
وتشبحله ودموعها في عينها وفي وسطها تقول " لااا اني مش اختك مش اختك 💔 "
هوا مستغرب فيها وهيا خشت تجري 🏃💔
خشت للدار ودمعتها علي خدها 😢
سارة مخلوعه : خيرك يا بنت شن صار
سوسن تبكي : قالي انتي اختي الصغيرة 💔 طلعت زي اخته ااااه يا سااارة 💔😢
حضنت سارة وقعدت تبكي 😢
ساارة زعلت عليها : خلاص اسكتي متبكيش 😞
سوسن : حب طفوولتي قالي انتي اختي شن تبيني ندير 😢
سارة تسكت فيها : بالله خلااص هوا تو بيمشي لطرابلس ومعش تشبحيه وتنسيه اسسس 😔
سوسن تبكي وبسسس 💔 من الوجع يلي حساته ومن قوة الكلمه عليها 👌 كيف كانت وهيا صغيرة ديمه معاه وميرضى فيها شي وكبر حبه في قلبها وتوا طلعت اخته 💔
خيبة امل كبييييرة لسوسن من حبها 💔
سارة بكت مع صاحبتها واختها وبنت خالتها :
سوسن خلاص هي نغيرو جونا بلا بكى 😔
سوسن مسحت دموعها : بااه 💔
ناضن للمطبخ ودارن عشا سمح وتعشن ✨
وسوسن حاولت تتناسى الكلمه وقررت انها معش تتلاقى معاه عشان معش يزيد حبه يكبر في قلبها وحمدت ربها انه بيرجع لطرابلس عشان قرايته 💔
اصعب مآ يمكنگ فعله 👌
هو اجبآر ملامح وجهگ على اتخآذ
معآلم أخرى تعكس احساسگ تمامآ 💔
بعد هدا كله كل وحده روحت لحوشها 🏠
وفات علي سوسن ليل كله بكاء 😢
اما عند سارة :
وسام : المشي لخوالك نقصي منه مش عاجبني
سارة : لييش راهو حوش خوالي
وسام : اسمعي الكلمه انا انغار عليكي افهمي 😠
سارة عصبت : كل شي لا لا حتى حوش خوالي بتمنعني منه 😡
وسام : مقلتش نمنعك قلتي نقصييي 😡
سارة حمقت : منييش منقصه
وسام : اووكي تمام براحتك 👌
وسكر في وجهها 💥
سارة لوحت التليفون وغطت عيونها : اوووف ياااربي ليش كلمته هكي لييش 💔😔
ناضت خدت تليفونها وتعاود تتصل بيه 📲
مباش ايرد عليها
بعتتله رساله { حبيبي اسفه بالله رد 😔 }
رد عليها برساله { امشي لخوالك وديري يلي تبيه برااحتگ }
سارة قرت الرساله ولوحت تليفونها وغمت روحها بالبطانيه وقلبها مضاايق عشان دارت هكي 💔
وبعدها خداها النوم ورقدت 💤
على الرغم من عصبيتگ الدآئمة 😔
وطلباتگ التي لا ترضي أي فتاه👌
لا أستطيع العيش من دونگ 💔
انتهى البارت 😘
اضغطو علي ⭐ وشكرا 😍❤
أنت تقرأ
أحببتك فمزقت قلبي 💔
Adventureروايه واقعية باللهجة الليبية تحكي عالحب والعشق والخيانه والتجاهل و الخذلان و الفراق 💔 #حقيقية 👌 ممنوع نقل الروايه ❤ ومش حنسامح اي حد ينقلها 👌
