أحببتك فمزقت قلبي 💔

part 10

جا يوم الأربعآء يلي في اشخاص يراجو فيه بفارغ الصبر ويلي هما 👈 سوسن و وسام ❤
لأنه عيد ميلاد سارة 💗
وكانو الاتنين يراجو في الساعه 12:00 a.m
خلونا نرجعو بالزمن طشه لقبل الساعه 12:00
ونشوفو تجهيزات كل منهم 💙

عند سوسن :
مقعمزة ومفضية راسها وتكتب في رساله طويلة عريضه لسارة لان متقدرش تعطيها هديه او اي شي وهيا بعيدة عليها فقررت تختار كلام يناسبها وتعبرلها بيه عن يلي في خاطرها 👌
{ شن نكتب شن هوا كلام هلبا في خاطري ومفيش شي يقدر ايعبر بس هدي الطريقه الوحيده يلي نقدر نعيدك بيها توا 😟 }
{ هي بنبدا بسم الله 😤 }
﴿ إلى صديقتي واختي ومن هي أعز عليا من نفسي 💓
كل عام وانتي بألف ألف ألف خير 💗 وعقبال ال100 شمعة 🎆 ،، تمنيتگ جنبي توا راه درتلك احلى عيد ميلاد بس للأسف انتي بعيدة و والله فقدتگ هلباااا وفوق ما تتصوري 💘 في يوم ميلادك هدا نتمنالگ كل شي حلو في الدنيا ونتمنى من الله يطولي في عمرك 👐
ويعطيك ما تتمني ياااارب 🙌
يا مشفشفه نتمنى نشوفك عروسه انتي و حصلتك وسام 😂 و تديري هلبا صغاار وينادوني خالتو 😘😍
ونجيك ونبات عندك بالاسبوع نين وسام يلزني والا يقتلني ويفتك مني 😂
نتمنى تلبسي الابيض وتحققي جميع امنياتگ ونتمنى النجاح ليك في كل شي 💕 نتمنى الضحكة متزولش من علي وجهگ ونتمنى دمعتگ ما في يوم تنزل 😔
بالمختصر 👐
نحبك هلباااا سريوتي وانتي ليا كل شي 💗
كل عام وانتي بخييييييير 💓
صديقتك واختك سوسن 😘 ﴾
كتبتها سوسن وتعاود وتقرا فيها زي المجنونه 😂😂
نين جت الساعه 12:00
وطول ضغطت علي #ارسال
تنهدت وقالت { ربي يفرحگ يارة يااااارب }

عند وسام :
حايس في بعضه ومش عارف شن يدير ومتوتر هلبااااا فقرر يتصل بحمادي 📲
حمادي رد عليه : الوو ويسوو 😁
وسام : نعن جد عروقك كم مرة قتلك ويسو هدي تبطلها 😡
حمادي يضحك : باهي يا خال حاضر 😂😂
وسام : قتلك تعال يلا هنا وخود مراد قوله نبيك تبات معايا
حمادي : كنك ايش في 😲 عندي كبيده بنكلمها فالليل منبيش حد يفسد عليا 😁
وسام بصوت عالي : قتلك تعال وخوده واين كبيده وانت بنات الكورة الارضيه كلهن كبيداتك 😠
حمادي : باهي باهي جاي 😂😂
وسام سكر منه 💥
ومشى للحلواني يلي طلب منه الكيكه وقاله متسكرش نين ناخدها منك 👌
خش وخداها وكان مكتوب عليها #نحبگ سريوتي
ركب سيارته وروح ولقى الساعه 11:45 وقعد مقعمز فالسيارة قدام الحوش يراجي في جية حمادي
{اوووف العيل هضا بيهبلني كنه لتو مجا 😡 }
بعد شويه وصل حمادي ونزل 🚶
وقعد قريب 5 د داخل و وسام بيطربق
وبعد هكي طلع حمادي ومعاه رواد وهنا وسام قريب طار 😍😍💃💃💃
ركبو حمادي ورواد السيارة ومشو و حمادي بعت رساله لوسام { تم يا ويسو 😂 }
وسام قراها وضحك من خاطره ونزل لانه الساعه 11:55
شاد الباكو متاع الكيكه في يده و الهديه في اليد التانيه ودق علي باب الحوش الداخلي جاته عواطف فتحته
وسام بصوت واطي : امي كلمتها
عواطف ضحكت : اها خش خش 😁
شبح لتليفونه ولقاها الساعه 12:00
خش للدار : كلللل عااام وانتي باف الف الف خييييير 😍😍😍😍
سارة تشبحله ومصدووومه ومتحشمه وفرحاانه ومش عارفه شن اتدير هل تمشي تحضنه او شن وامها وامه حداها 😱
وسام وبكل حب مدلها الهديه وبكل جرأة :
كل عام وانتي بخير ونتمنى العام الجاي تكوني معاي مرتي وحلالي 💓
سارة وجههااا احمررررر ومدت يدها خدت الهديه 🙈
خيريه { ينهار اغبر الولد معش يتحشم 😨 }
انعام فرحت لي بنتها لانها تعرف وسام زيييين و حست انه عوضها علي فقدت بوها هلبااااا وكانت تشبح وساكته 💗
وسام مد الكيكه لعواطف وحطتها بيناتهم ومشت بتجيب صواني وشوكات وقعمز وكان يشبحلها وهيا من الحشم بتطرق وتقوله هك 👌 بيدها وهوا عالهزاز 😂
{ من توا متحشمه سريوتي مالا كان تشوفي الكيكه شن يصير فيك 😂 }
جت عواطف بالشوكات والعصير والصواني وحطتهن وفالوقت هدا سارة شبحت فونها ولقت رساله سوسن 💓
وردت عليها وعبرتلها علي فرحها بالكلام 😍
و خيريه : هي هي نشوفو الكيكه 😁
وسام : افتحيها انتي يا سارة 😀
خيريه وانعام ضحكو : اي هيا تسهفنا 😂
سارة { تو نوريك 😡 }
قدمت سارة وفتحت الباكو و تقول صبو عليها ميه مسقعه 😧
{ ينهااااار اغبررررر يا حشمتي 😰 }
هما شبحو للكلمه وتحشمو شويه من جرأة وسام بس مشوها 😅😅
وسارة وخرت ونزلت راسها ومتحشششششمه بس في نفس الوقت بتطيييييرررر من الفرح وقلبها يدق بالقووووووة 💓
وسام كح : هيا قصولنا الكيكه 😉😁
عواطف تضحك : باه هي 😉😂
وقصت عواطف الكيكه وكلووها وسارة الفرحه مش سايعتها لان وسام علي قد عصبيته والحاجات يلي يديرلها فيهن حست قدييش يحبها ويمووت فيها وشافت الشي هدا كله في عيونه 💖
بعد تمو كل حد خش مكانه ورقد الا وسام وسارة يلي كانو يحكو بالتلفون 📲
سارة : خزي عليك حشمتني 😞
وسام يضحك : تي كنك مكبرة الموضوع امك تعلم وخلاص تمت 😂
سارة تفكرت : بالله رواد وين من الصدمه نسيته😱
وسام : كلمت حمادي وقتله تعال خوده عندك 😁😂😂
سارة ضحكت من قلبها : دارس الوضع زين صار 😂😂
وسام : اها كم عندي سريوة انا 😍
سارة : وسام
وسام : نعم يعيون وسام
سارة : ربي ما يحرمني منك وبالله متخليني منقدرش نعيش بلاك 😔
وسام قعمز : سارة كنك شن الكلام هضا انا نموووت ولا نخليكي انا نحبك وانتي عارفه
سارة ضحكت : ربي يخليك ليا 😘
وسام : ويخليكي ليا يا شينتي 😘 وانشااء الله نتزوجوو ونجيبو صغار هلباااا ويكونو شياطين ويهبلوكي 😈
سارة ضحكت : صار هكي 😂😮
وسام : اها نبيهم هكي انا 😌
سارة : باهي انشاااء الله يااارب تدير صغار يهبلوني ويشيبوك 😍😍
وسام : ياااارب ❤ وكنك امبكري متحشمه قريب متت من الضحك عليك 😂😂
سارة بصوت حمق : هدي عمله تديرها والله حشمتني قدام امك وامي واختك 😟
وسام : نجه ليا الي يتحشم 😂
سارة : اي اضحك اضحك 😞
وسام : والله العظيم ماني مدور واحد وانا نحبك ونبيك بالحلال مش خايف من شي 👌
سارة تريحت هلبا : يا نحييك ليا 💓
وسام : وليا نجككك 😘
سارة بصوت ناعس : عيوني نعست 😴
وسام : حاضر حبيبتي ارقدي لان غدوة بنطلعكم ندهورو
سارة : تمام عيوني تصبح علي خير 😘
وسام : نصبح عليك انتي يارب 😍
وسكرو 💥
رقدت سارة وهيا فرحانه وتحلم كيف بيكون مستقبلها معاه و وسام حتى هوا رقد فرحااان ومتريح لان كل شي صار زي مايبي 💓

اليوم التاني وبالتحديد عند سوسن وكان وقت عشيه وهيا عند خوالها :
سوسن مقعمزة وجنبها شهد و خالتها وجداها ومريم ومرت خالها وهيا مكسسسسده بدون سارة وحاسه الجو مللللل 😩
جدة سوسن : امتى بيروح مصعب استاحشناه
سوسن انتبهت وحست بشي فقلبها بمجرد دكرو اسمه 💔
ام مصعب : مش عارفه حتى اني استاحشته
ام مريم : خلاص عاد صعووبه نبو نفرحوو بيه واندورووله بنيه من توا 😍
سوسن قلبها قعد قريب يطلع
ام مصعب : اي والله غير يكمل بنخطبله ولنديرله عرس ما صار بكل 😍
سوسن حصلت خصه في رقبتها : شويه وانجيكم 😊
ناضت وطلعت برا وقعدت تستنشق فهوااء
{ ااااه ياااربي خييرهم كل ما نحاول ننساه يفكرووني بييه تعبت والله تعبت من حبك يا مصعب 💔
وينك يا سارة يا ريتك جنبي توا 😢 }

أوجعني غيابگ 💔
أُكابر وأقول أن غيابه لا يهمني
وانا إذا جئت أنام أتذكره وأبكي
لا أعلم كيف سأحضرگ من غيابگ
وانت بغيابگ رضيت
قلت لنفسي سأقسى وابتسم للناس
ليتگ تحس بألمي وترجع
لأن بعدگ اوجعني
والاشتيآق اوجعني 👐
😢💔

قعمزت سوسن ودموعها ينزلو وحطت ايديها علي وجهها وبدت تبكي 💧
{ مكتوبلگ الوجع يا قلبي 💔 صح هوا مقالكش ان يحبك بس يكفي انك انت تحبه وبشكل مبآلغ فيه 💔
سادك يا قلبي انسآه لأني تعبت ، ممكن في هلبا يقولولي لبش تحبيه هكي وهوا عمره مقالي انه يحبني 😔 بس والله نحبه ومش قادرة ننسى لحظاتي معاه زمان ولحد الان حبه يزيد يقوى 💔 }
سوسن بكت وفرغت يلي في داخلها ومكانش في حد ايخفف عليها وجعها ومكانش في حد يطبطب علي ضهرها توجعت برووحها وعشان شخص #عايش حياته بفرح

تبآ لهذا الحب👎
الذي يجعلنا نشعر بالموت💥
ونحن على قيد الحيآة 💔

انتهى البارت ❤
عطوني رايكم وقولولي اما اكتر شخصيات حبيتوهم ومن الشخصيات يلي تحبو نركز عليهم اكتر 😘
وشكرا 💕