أحببتك فمزقت قلبي 💔

part 18

لآ أعرف سببا لهذا الحآجز الذي بيني وبين الأشيآء التي اريدهآ 😔
و الأشيآء التي اسعى إليها دآئما 👐
فأنا اقطع المسآفات ⚓
وعندمآ اصبح قريباً ويصبح وصولي محتملا 👌
يهرب إلى المستحيل 💔

فآت اليوم علي سوسن كله بكاء 💧
فرحت وحلمت و تفائلت وكل شي راااح هبآء بفعلته يلي دارها ✨
رجعت سوسن لسوسن القديمه يلي ديمه تبكي ويلي ديمه حابسه روحها في دارها ولا يكال ولا شراب و لا تكلم في حد غير دمووع وبس 😢
#ألم الإنسان يلي يحب بصدق ومن كل قلبه مستحيل يقدر حد يوصفه لأنه يكوون جرح في 👈 #الاعمآق

ساارة تنكدت هلبااا علي يلي صار لسوسن و تمنت لو انها تقدر تاخد وجعها وتحطه في قلبها هيا لانها عارفه الحب وعارفه وجعه 💔

بعد يومين من يلي صار :
سارة تتصل بسوسن 📲
سوسن ردت عليها : ايوا
سارة : سوسو كيف حالك
سوسن بصوت هادي واضح في التعب والارهاق : الحمد لله
سارة : متأكده
سوسن خنقتها العبرة : اي متأكده
سارة حست بيها : سوسو تبكي 😔
سوسن دموعها نزلو : ليش قالي نحبك و عيشني اوهام
سارة بحزن : حقييير الله غالب حاولي تنسيه😔
سوسن من بين دموعها ضحكت : ساهل النسيان قصدك
سارة سكتت
سوسن : جاوبيني ساهل النسيان !
سارة : اكيد لا 💔
سوسن : واني مقدرتش ننساه 😢
سارة : حاولي تكلميه وتستفسري بلكي مكانش قصده واحنا ظلمناه
سوسن تبكي : مع انها واضحه بس زعما 😢
سارة : اي مرات حاولي تتصلي بيه وشوفي
سوسن تبكي : باه تو نحاول 😢
سارة : بالله امسحي دموعك هيا 💔
سوسن تمسح فيهم : هه 💔
سارة : ايواااه يلا توا نبيك تتصلي بيه وتشوفيه
سوسن : معنديش رقمه
سارة : تمام اني قاعد مسجل عندي تو نبعتهلك وطول اتصلي
سوسن : باه حاضر
سارة : هي سلام 👋
سوسن : سلام 👋
سكرت سوسن وشويه وجاها الرقم في رساله 0⃣9⃣2⃣
سوسن خدت نفس وقررت تتصل 😩
اتصلت بيه 📲
رنن رنن 📞
مصعب رد : ايوا
سوسن قعدت ترعش وفي خاطرها يا ريتني ما اتصلت : الو مصعب
مصعب : سوسن انتي
سوسن فرحت لانه ميز صوتها : اي سوسن
مصعب : انشاء الله خير
سوسن معش عرفت شن تقوول : والله امس حلمت بيك حلم مش كويس وانشغلت قلت نشوفك 😓
مصعب ضحك : لالا ما فيا الا الخير 😉
سوسن : باه الحمد لله ❤
مصعب : سوسن اني توا مش فاضي بنمشي لصاله الجيم وقت عليا
سوسن حست بغصه في رقبتها : تمام
سكر مصعب 💥
مقاللها لا سلام لا شي وهيا بدت تبكي ولوحت التليفون : ليش هكييي ليييش يديرلي 😢💔💔
عادت سوسن لبحر الدمووع يلي مكتبلها تغرق فيه طول حياتها 💔

**************

عند سارة :
سارة في دارها مسكره علي روحها واتكلم في وسام كالعاده 😍😍
سارة راقده وتكلم فيه : حبيبي عرس مراد انضني قريب بتجي 😍
وسام : اكيد نقدر انفوته انا 😍
سارة : اي نبي نملى عيوني من شوفتك 😟
وسام : كنك حبيبي مشبعتيش من لما جيتكم 😞
سارة عدلت تقعميزتها : والله حبيبي منشبع منك واني هديك المرة مش عارفه شن كان غام علي صدري
وسام تنهد : تعرفي حاجه حبيبتي
سارة : شن يروحي
وسام : حتى انا حسيت هكي مش عارف كني
سارة : اعود بالله من الشيطان الرجيم وخلاص
وسام : حطي فبالك إني نحببببببككك❤❤
سارة  : واني انمووووووووت فيك ❤❤
وهنا يفتح رواد الباب 💥
رواد يصفق : مشاااء الله مشاااء الله 👏👏👏👏
سارة لوحت التليفون وقلبها وقققققففف 💥
رواد جاها وشدها من شعرها : يااا كلبببه يااا حيوانه امأمن فيك في من تكلمي في مننن
سارة تعيط : ااااي شعري اااي منكلم في حط اطلقني 😭
رواد ضربها كف : في من تكلمي قتلك سمعتك اني سمعتك
سارة تطلق فالعياط باعلى صوتها : حوووولل حووول مدخلكش مدخلكش
رواد شدها من شعرها : قووولي من خير من تجي نهايتك توااا قوولي
سارة تعيط بالعبرة واتنادي : يمااااماااا يماااامااا تعااالي
جت انعام تجري فووق : خيييركم شن في خيرك معاها
رواد يضرب فيها : الكلبه اتكلم في واحد من ورااانا واني مداايرها العاقله ويلي مستحييييل اتخوون ثقتي
انعام فكت سارة من يده : مززال اتمسحها اتشووف
رواد خبط الباب بيده بقوو قوته : اتداافعي علي فالغلط اااه
انعام بصوت عالي : لما اتكلمني احترم نفسك واني نعلم بيها
رواد بصوت عالي وعروق وجهه بيطلعن  : تعلمي بيها تعلميييي وساااكته
سااره تبكي ورا انعااام
انعام بصوت عالي : اييي نعلم بيها وانت مليكش دخل
رواد : من هووو الحقييير من
انعام : مهووش حقير تكلم في وسام وانا عطيتها ليه وامه كلمتني
رواد بينفجر : معندهاااش خووت يطلبها منهم اوو كيف فهميييني تراا
انعام بصوت عالي : سكر فمك
رواد : تي ديييني وما نعبد ماهوو واخدهااا لووو كاان نمووت بااهي والايام بيناتنا وانشوفو 👌
انعام : ياا حقيير اني امها ومزلت عايشه بعد نمووت احكم فيها وقرر
رواد : تي قسما بالله ماهووو واخدها التافه يلي حطيت فيه تقتي
سارة تبكي بعبرتها : متحلفشش بالله لااا لااا 💔💔
رواد فتخ الباب برجله : حسااابك بعدين تي والله انشعفك وانشعفه الكلب ومااهوو طااق فيك مدام النفس يمشي فجسمي
طلع من الدار وهوا بيطربق ويسب ويلعن
ساارة منهارة وتبكي : حللف حللف ياا ماما حيي عليااا حيييي
انعام تهدي فيها : اسس اني نوريه ومتاخديش كلامه
سارة تبكي : روااد ونعرفه والله ماهوو مخليني نتزوجه وحق ربي اااه يااا ربي اااه
انعام : لااا حول ولا قوة الا بالله اهدي خلاص
ساارة تبكي : خلاص يماما خليني بالله
طلعت انعام من الدار وسارة مشت تجري للتلفون لقاته مسكر اتصلت بيه اتعيط
رد عليها : شدك💔
سارة تبكي بعبرتها : حلف عليك حلف شن نديرووو شنن قوولي
وسام دمعته نزلت : الغلط مني لان مقتلاش
ساارة : نموووت بلاااك وربي نموووت دير حل دييير ديرر
وخش عليها رواد 💥
جاها يجري خدا منها التليفون وهيا تعيط وبسسس
رواد وعروقه بيطلعن : يا كلب يا حقييير والله ساارة مانك وااخدها سامعني والا
وسام : يا روااد غير صلي علي النبي الله يهديك اختك نبيهل وكلمت امك اني
رواد بصوت عالي : معندهاااش خووت عشان تكلم امهاا تي يا كلب دايرك رفييق وامأمن فيك وتطعني في ظهري
وسام سكت
روااد : اي اي اسكت تي ديني وما نعبد مانك وااخدها بااهي
وسام : ياا روااد
سكر عليها 💥
سارة تعيط ومنهارة 💔💔
رواد : تليييفون معش فييي و سوووسن معشش في و طلوووع معشش في وتو تشوووفي المعامله كيف
طلع وسكر الباب وخدا التليفون معاه
سارة ضمت رجليها لصدرها : اااه يااربي لييش يصير معاي هكي لييش 💔💔
بااابااا وينك تعاال بالله شووف شن يديرولي يا بااابااا 💔 تعااال محتااجاتك نبييك ويينك تعاال تعااال 💔💔
وهيا تعيط وتقول يا بابا رواد كان قدام الباب وسمعها فتخ يده في المزهريه كسرها 👊
صح عاركها وضربها بس هيا مزالت اخته وهوا داير هكي لأنه كان مأمن فيها وميحببش الغللط وميحبش ان حد يطعنه في ظهرة و معرووف انه لو حلف علي شي مستحييييل يترااجع عنه 👌

ساارة بكت وبكت وبكت لاان خووها ويلي عارفاته راسه مسكر حلف علي الشخص يلي تحبه يعني ان كل احلامها يلي بنتهن شبه رااحن 💔
وسام تنكددد و مااا خلا ما دار وكسسر وخبط 💔
وندم لانه مكلمش خووتها من الاول وبالدات رواد لانه معرووف بصعووبته وراسه المسكر وغيريته علي ساارة  💔

وسام قعمز وحط يديه علي راسه { ياااارب ما تحرمني منها ياااارب و الله من غيرها حياتي مليهاش طعمه يااارب اجبر خاطري يااارب 💔}
ناض وسام وطلع خدا سيارته وبأقصى سرعه مشى للبحر وحط راسه عالدومان وقعد يبكي 💧
تفكر لما مشاالهم و كل المواقف يلي معااها و تفكر احساسه يلي جاه قبل وحس ان هدا هوا المعنى 💔

#مش البنت بس تبكي لما تحب
حتى الرآجل يلي يحب بصدق يبكي عليها لما يحسها بتبعد عليه 👌
فالرجال ليهم قلووب زي ما احنا لينا قلووب ويحسوو ويبكو ويتوجعوو غير انهم ميطلعوش فالشي هدا بس 👌

وحتى وسام توا هكي 😔
بكا عليها من شده حبه ليها وهيا بكت من شده حبها ليه 💔

وهل يا ترى حيتراجع رواد عن حلفته ويلين او ان خلاااص حبهم انتهى من اليوم !💔

انتهى البارت 💓
نتمنى تفاعلكم ⭐
وشكرا ليكم جميعكم 🌷