أحببتك فمزقت قلبي 💔

part 21

باتت سوسن عند سارة عشان تخفف عليها حزنها وقالتلها انها مدورش وكل شي حيكون تمام وحيرجعلها اكيد وسارة شبه اقتنعت بالكلام ✨
نزلن هنا الزوز ايطيبن فالغدا :
سارة : شن انديروو 😮
سوسن تفكر : شن رايك مكرونه بشاميل 😍
سارة : وووو اكيد حاضر 😍
سوسن : هي هي نبدو 😁
سارة : طلعي المفروم من الفريز خله يدوب طشه
سوسن مشت اتطلع فيه : هه طلعته 😁
سارة تضحك : يا فرحتي بيك طلعتيه😂
سوسن ضربتها : بلا هزوة يا حمارة 😂
سارة : اتفووو حقيرة 😁😂😂
سوسن : علي وجهك 💦 😂
وبدن يديرن فيها سوسن اتطيب في المفروم و سارة اتطيب في اابشاميل ✨
بعد جهزن حطوهن في الطاجين ودخلوهم للكوشه 😁
وسيقن المطبخ وضمن 😍😍
وركبن فوق للدار 🚶🚶
هدرزن شويه وبعدها تهاني اتصلت 📲
سوسن : وو امي 😵
ردت عليها : ايوا ماما
تهاني : بوك قريب يجيك راه
سوسن : ليش مزلت 😲
تهاني : خلااص سادك في الحوش مسكرة علي رووحك ولما تطلعي اتطيري 😡
سوسن : باه باه 😩
وسكرت منها ✨
سارة : انشاء الله بتروحي 😟
سوسن : فكينا من الزعل 😡 ونوضي ماني مروحه نين نضوق المكرونه 😡
سارة ضحكت : باهي نوضي نحطلك صونيه يا ام بطن 😂
سوسن فرحت : هي 😁😂
نزلن للمطبخ ولقنها طايبه قصتلها طروف وحطتهلها فصونيه وسلفرتهن : هاك يا حنه افرحي 😂😂
سارة : شكرا شكرا 😌
تليفونها يرن 📲
سوسن : حي حي بابا جا 😱
سارة : باهي هي انسقدك😁
كلعت معاها لبرا 🚶🚶
سوسن : راه زعل لا رااه 👌👌
سارة ضحكت : حاضر 😁
سوسن : سلام 👋
سارة : سلام 👋
خشت سارة وقصت طرف لروحها وركبت لدارها وقعدت تاكل فيه 😶
بعد تمت نزلت بتحط الصونيه وتغسلها 🚶
خشت للمطبخ لقت رواد 💔
طبست راسها ومشت للحوض غسلتها وردتها في مكانها
ترددت شويه بعدها قررت تكلمه : رواد
رواد شبحلها من فوق للوطه وطلع من المطبخ 💔
سارة دموعها تجمعو وركبت تجري 🏃
سكرت دارها وخشت في سريرها { معقووله تديرلي هكي يا رواد 💔 وانت يا وسام وينك ويينك 💔 }
بكت شويه وبعدها قررت تلهي روحي طلعت من الدار وطلعت فرش الصاله كله وغسلاته 💧
بعدها خشت لمعت الحوش وكنست وحاولت بقدر المستطاع انها متفكر فشي ✨
خش محمد : مشاااااء الله اختي الفالحه 😁😍
سارة ضحكت : تعال دف معاي المكتبه 😂
محمد : ليش 😲
سارة : بنمسح وراها 😌
محمد : قتلك فالحه مش معناها اتدفي مكتبه 😨
سارة قعمزت وبدت تضحك : ههههههههه قرد والله 😂😂
محمد جاها رفعها : من القرد من 😈
سارة تضحك : انت غووريلا مش قرد 😂😂
محمد : شنوو 😡
قعد طابها ويدور بيها وهيا ميته ضحك 😂
محمد : قولي اني حمارة فيسع 😌
سارة تضحك : منييش منيييش 😂
محمد : قوولي 😡
ساره تخبط علي ظهره وتضحك : منييييش 😂😂
محمد يضحك : قوولي اني قطووسه محمد 😂😂
سارة تضحك : يا حيوان نزلني 😂😂
خش رواد فنص فيهم : شن في
محمد وقف : خيرك انت خيرك
سارة جامده ورواد فنص فيها بعدها رد نظره لمحمد : شي 😏
ومشى 🚶
محمد نزل سارة : مش عارف خير دين&$#
سارة ابتسمت : متدوراش ☺
محمد ضحك : مزال تبيني ندف المكتبه 😁
سارة ضحكت ضحكه صفرة : لالا خلاص 😜
محمد : ريحتيني 😌
سارة : عدي درت مكرونه بشاميل كول منها 😘
محمد : حي حي يسلااام 😍😍
وفات للمطبخ 🚶😍
سارة حاسه بكدمه في قلبها بس ساكته وكملت ضمها كله وركبت لدارها ✨
قعمزت عالسرير تفكرت وسام 😣
ناضت طوول فتحت دوولابها وضماته كله وضمت الدار وهدا كله عشان متفكرش 😵
فات يوم واتنين وتلاته وهيا علي هالحاله هدي كل ما تفكر اتنوض اتدير حاجه وكان واضح عليها الكآبه 😔
اما رابع يووم فكانت خلاص واصله حدها قلبها يووووجع فيها 💔 والنفس حاسه نفسها مخنوووقه ودموعها حابستهم بالسيف 💔
الساعه 10 فالليل كانت تحاول ترقد مع انها تتقلب وبس معش عرفت شن اتدير مخنوقه مضايقه محروقه مشتاااقه 😔
عندها لابتوب يوسف قاعد في دارها قررت تنوض تكسد عليه بلكي تلهى وتنسى 😩
خدت السماعات وعلقتهم فيه وخشت عالاغاني 🎵
اختارت اغنيه 👇