أحببتك فمزقت قلبي 💔

part 11

فات اليوم علي سوسن وهيا اتدور في حد يشوف جرحها و يخففه عليها بس ملقت حد👌
روحت للحوش وبدون كلام خشت لدارها وطفت ضي الدار وقعمزت علي سريرها وبدون متحول حتى وشاحها وعبايتها دموعها بدو يسيلو من هالحب يلي سيطر علي قلبها وهوا #للشخص الغلط،،،

قلبي مثل الجليد ❄
ولكن أشعر بأنني احترق 🔥
يوجد ألم غير معقول في قلبي 💥
فعظم الله أجرگ يا قلبي 💔
إنني وبكل أسف أسيئ استعمال هذا القلب ⚡
وأعيش هذآ الشعور السيئ بسببي 😔
عشقگ قلبي المسكين مع أنني على علم تآم 👌
بانگ لا تحبني 💔
ولكن قلبي لم يهتم لذلگ ابدا 😢
فقل لي ؛
هل يحق لي أن ألومگ ام انا المُلام عليه 💔

حطت يدها علي قلبها المجروج ودموعها يتقاطرو : اااااه يااا قلبي وقف بالله عليك وووقففف حببب لشخص ميعلمش بيك وققف وريحني الله يرحيك وقف 💔
خدت فونها وفتحت عالفيس وحطت علي صفحته وصوره وقعدت تشبحلهم ودموعها ينزلو : مصعب ليش محبيتنيش 😢 ليييش ليييش اني والله انحبك 💔 نسيييت ايام زمان لما كنا ديمه مع بعض💔 نسييت لما كنت نبي حاجه وطوول تجيبهلي 😢
ضحكت من بين دموعها : نسييت لما كان يضربني حد تعطيه طريحه رباش القبوور واني نحسك بطلي 💔😢
رجعت تبكي اكتر واكتر : مصعب حرااام عليك حرااام والله 💔 مصعب نحبك بالله ارحمني بالله 😢
طاحت علي وجهها وقعدت تبكي اكتر : ارحمني بالله نحبك نحبك نحبك
علي هالحال نين خداها النوم 💔

الحب من طرف واحد 👌
أصدق حب مع أنه أوجع شعور 💔😔

***********
اليوم التاني وقت الغداء في حوش انعام :

محمد مقعمز علي كرسي فالمطبخ : واااااااك جيييعان
يوسف ايقلب في الطناجر : تييي وووك وين طنجرة التطييب 😤
مراد جاه : وسع وسع طلعهم كلهم وبعدها نختارو 😁
محمد خبط عالطاوله : فيسع انت وياه 😡
يوسف: تي برا ملح مقعمز وتبي ايكال نووض عاون 😠
محمد ناض : هات الدحي هات 😡
مراد : جداك الحويله بنديرو امبكبكه 😤
يوسف : يااا راجل شكله مصارش هات القلاي والدحي اسرع شي 😩
مراد : شنوووو اني استيكه كامله متشبعني 😲
محمد : برا ملح 😒
يوسف : اي بنديرو دحي 😌
مراد : وااااااااك وااااااك منكم باااهي يا غيبة سااارة وامي رااه توا احلى غداء كلينا 😭
محمد ويوسف : اي والله 😟
محمد : هي يوسف مد الدحي
يوسف مدله الدحي ومحمد بدا يكسر ويحط ف المقلاة ويخلط و مراد بيطربق 😂
شوية وطاب الدحي 🍳
يوسف : اااه قعمزو هيا هيا 😍
محمد : اي هي 😍😍
مراد حمق : والله ماني ضايقه نمشي لجداي خيرلي يا كلاب سم 😤
محمد ويوسف ضحكو : خففت علينا والله امشي 😌😂😂😍😍😍
هما طاحو فيه ايكال ومراد طلع راقيله لحوش جداه 🚗
وصل لحوش جداي ونزل رن الجرس 🔔
جداه : منووو
مراد : افتحي اني مراد
جداه فتحت الباب : خش خش سلم اوليدي كيف حالك
مراد : كويس بس جيعان 😞
جداه ضحكت : باه اني دايرة يكال خش 😂
مراد فرح : شن غداكم 😍😍
الجدة : عصبان ورز
مراد عيونه قلوب قلوب : عصبااااااان 😍😍😍💃💃💃
جداه تضحك : خش خش ما همك الا بطنك 😂
مراد : البطن قبل الوطن 😌
طبعا خش معاها للمطبخ وصور العصبان والرزز ومتهناااش نين بعت لمحمد ويوسف الصورة بش يقهرهم 😂😂
وحطت جداه الغدي وقعمز هوا وجده وجداه وكلووو وعبا بطنه واندلش علي وراه : ااااه شبعه والله 😵
جده : صحه صحه 😁
مراد : ايسلمك 😁
وهوا مدلووش قعد يفكر { حي لو مروومه هنا 😁 اااه وخلاص 😁 }
جده خبطه بالعكوز : تنووض يولد😡
مراد استاقض : نعم يا جدي 😨
جده : نووض الجرس ايرن 😡
مراد { واااك الشيباني هدا 😤 } : هي طالع يا جدي هي 😅
طلع وفتح الباب وكانت مريم 😍
مراد خش فبعضه : اهلين مريم 😀
مريم متحشمه : اهلين 😶
مراد : كيف حال قرايتك 😁
مريم طبست راسها : اني امبطله 😔
مراد { غبي غبي وربي 😰 تو عارفها امبطله يا توور وتسأل فيها 😤 } : والله افتكيتي راه 😅
مريم : الحمد لله وخلاص
جتهم جداهم : خشوو خشوو خيركم برا
خشو هما الزوز وقعمزو جميع وكان مراد ما يشبح غير ليها وعجباته هلبااا بحشمها وأدبها واخلاقها وشكلها 💕
وقال انه غير تروح امه بيقوللها تخطبهله عشاان متريحش من يده ❤