-هشام
-ها؟
-مالك تهادرني كذا يا حبوب؟
-كيف تشتينا اهادرك؟
-هادرني زي زمان مالك من الظهر مبرطم عليا؟!
-مش عليك انا مبرطم ضبحان وبس ولا تزيديش تسالينا عشان بتعصب فوقك وبتبكي اعرفك انا!
-طيب خلاص اوبه تكلمني واوبه بكرة تقولي هبي لي خبز من حقك!
-ايش دخل الخبز دحين بالهدرة دي!؟ هيا شوفي ان كلامي منصدق لمن اقول انك جاهله!
...لفت له وقفيت وهو ملامح وجهة زي اللي ماسك الضحكة قده!
بعد ساعتين تقريباً تمان بليل دخل البيت واني جالسة فوق التلفون طرح بحدفي اتنين سندوشات لخم ههههه لفت له لفتت اللي ها شوف مكانني زعلانة ونظرة فيبه مكابرة بعض الشيء
-فطوم
-ها؟!
-شوفي ايش داخلت الكيس!
قدني عارفة ايش في!
-طيب تعالي بناكلهم بالحوش وبقص لك ايش حصل معي اليوم عند شلال!
-رحت عند شلال!
-ايوا واكلت باجية كمان
-شلال يوزع باجية؟!
-من زمان قده مله؟
-تتهابل صح؟
-راعي راعي انتي تهدري على من؟
-شلال شايع!
-ههههههههههههههههههههههههه وربي انك هبلا ماكدب اخوك!
-ليش تسب ي اهبل؟
-ي خجفة انا اهدر على شلال النقيب اللي بكريتر! الكافتيريا يا مباوده! ههههههههههههه باموت من الضحك
-باقاطع بك؟ "
-لا خلاص تعالي الحوش وجيبي الكتلي والكبريت باسوي شاهي برع فوق الصعد!
-كشنك ي هشام وانت حبوب!
-هيا قبل م اغير رأيي!
لا الان باجي اسبقني انت
-هيا ي قزعه
لبست مقرمتي فوق الجلابية الطويله اللي تسحبب وشنابل ابي حق الحمام ههههههه مدريش مالني تقول بيهرب عليا!
وخرجنا الحوش اني جالسة فوق الحجرة وهو تحتي يسوي شاهي فجاة قالي؛
-فطوم رغم انك قميزه واقزل ابو شكلك بس مدري ليش م ارتاح الا لمن اكون معك
وقتها اني لفت له دقيقتين وبعدها قلت له بدون وعي مني :
-حتى اني مله!
-صدق؟ "
-ها؟ "
صدق ترتاحي معي؟!
-مدري بس مشتيش اخلي المكان وانت هلك
وقتها لفت لعندي وجلس يضحك وقطع ضحكتو بكلمة تذكري وجسينا نتذكر ايام زمان لمن كنا نكسر البردين صغار وندخله داخلت قراطيس البفك ونبيعه للجهال ههههههههه
ولمن كان يشتري لي البسكت ميري العصر ونشل قلص شاهي من حق عمي قبل مايبداء يخزن ونطلع السقف ونجلس نسكع فيبة وننزل المغرب تضرب نحن امي كنت اميل له وهو كمان يميل لي بس بنفس الوقت مش عارفة شعوري ناحيته ايش؟! مشتيش اتسرع واقول احبه وبنفس الوقت م اشتي اسيبة احس متعلقة فيبة!
اجا ابي ونحن بالحوش نشرب الشاهي قال لهشام :
-هشام يا اهبل ليش ماكلمتنا انك رحت كريتر اليوم؟!
-ي خالو ليش كنت تشتي حاجة ؟
-خالتك اشتي سامان عشان توصيهم شبوة وبنفس الوقت مش فاضي انا اروح له كريتر
-طيب ي خال بكلمها وباروح انا اجيب لكم ياتهم
ابي يصيح لامي؛ هدى يا هدى!
-ايش في مالك؟!
-ايش تشتي من سامان قلتي؟!
-اشتي بسباس احمر اتنين كيلو واشتي دجره واشتي مقاضي الدنيا والاخرة وجلابيات لبنات اختي!
-سجليهم بورقة هشام بيروح بكرة!
-هشام مابيعرف يختار الجلابيات مله؟
-خلي فاطمة تروح معه وتنقي هي ذوقة زي ذوق بنات اختك!
هشام لفت لي وحرك حواجبه
واني قشننت
امي؛
-تمام بكرة العصر روحو
-ولا عليك ياخاله عيوني التنتين!
-هيا دحين ادخل امك تصيح لك!؟
الساعة 11:30م
فتحت تلفوني الاقي رسالة بالواتس من هشام :
-قزعة
-ها يامباود
-بكرة اجهزي فيسع حسيك ترضحينا!
-كم عسى الله تشتيني اخرج؟! -ثلاث وانتي جاهزه !
-ثلاثة ايش اباه!؟ اني بالله وبنبي بخرج خمس
-وربي بصافخبك شوفي ثلاث قلت افهمي الهدرة كوني
-طيب لا تتعصبش لك!
-اجزعك "مارمو"؟!
-اوووووووووه ياريت والله خورانة البطاطة حقهم مله!
-عيوني ولا عليك ولا لك الا بطاطه وسلاش داك اللي صرعتينا فيبة ذاك اليوم بكب كوفي هههههههههههه!؟
-هشام
-ها يا قزعه
-انيفدالك والله
-بدانا التملاق!
-ليش كذا انت قميز؟ يعني ماتستاهل اقولك كلمتين ملاح!
-مله لانك متملقة اصلا! هههههههه
-بحظرك؟!
-اتحدي امك هدى!؟
-ايش دخل امي!؟
-احبه اصلاً هي وامي حبايب هههههههههههه
-ادري لكاعة بس والله يجننو امي وامك توم وجيري
-انفدالهم
-هشام
-عيون هشام الزرق
-عيونك زرق؟
-ايوا ليش؟ "
-ايش قلبهم سود؟!
-باعش الله يسامحه من كتر الزرور فوقنا بالشمس رجعو سود
-بس بس خليني اهدر
-اهدري يا عماصير الكبش!
-اقولك بكرة البس العباية المخمل ولا ذيك اللي فيبة شخط بني؟
-ليش رايحه تعقدي لبكرك؟ البسي شيدر امي بيطلع فوقك لوز والله!
-ليش كذا تكسوعني ياهشام والله حرام!؟
-البسي العباية السودا وبطلي الهباله دي
-اوك
-ايش اوك؟
-يعني تمام؟
-زعلتي يا قزعه؟ "
-اصلا كل ماساعة تكسوعني!
-طيب لا تزعليش؟! البسي اي شيء حتى جونية الرز بتطلع فوقك حلوة!
-صدق؟!جبرك زيمن تجبرني!
-هههههههههههههههههههههههه
-ليش تضحك؟!
-ذكرت شكلك زمان وانتي محناية شعرك وتلعبي معانا ونحن نقولك ان الحناء خرا غربان ونروحبك تبكي عند امك!
-لا تذكرينيش بحقد عليك!
-فوفه!
-ها؟
-بنام!
-نام مله
-تصبحي على خير
-وانت من اهله!
بكرة....
الساعة 1:15م
اجا هشام من الزام يصيح لي اني كنت بالحوش ننجح بالتنور حصل ابي ساله عليا!؟
قاله مع مرت خالك حسين بالحوش ايش في؟!
-مافيش حاجة بس بااكد عليها عشان كريتر!؟
خرج هشام للحوش يصيح لي
-فوف يا فوف
-ها مله ها قدني اقول ها خورمكسر كله سمعني مله ياربي
-تعالي مله جري بوري لك حاجة!
-ايش في يالتت!؟
-جابو لي صرفة اليوم!؟
-صدق الله يرزقك يارب كمان وكمان
-الله يخليك لي هذا لاننا نويت افرحك اليوم بمفاجأة!
-صدق اصله في؟
-قده مفاجأة مله كيف يقع اقولك؟!
سوي الغداء فيسع هلكان والله ولفت لمرت عمي لانهةكانت تتفرج لنا وقال لها :
كيف حالك يا مرت خالي!
-دحين شفتني قدني لي ساعة واقفة هههههههههه الله يفرحنا فيبكم يارب!
كذا قالت مرت عمي لنا لدرجة هو اتفرج لي واني اتفرجت له بنظرة دهشة وانتهت بابتسامة. هشام لي! حسيت بشعور مريح والله لمن سمعت كذا رغم انني اقول بنفسي هشام اخي بس مدري مالني فعلا مادري مالني؟!
اتغدينا ذاك اليوم وطبرنا على الحمام لمن فرغ دخلت اني اول وبعدي هشام لبست العباية وهشام يساني المشدة بالمراية! خرجنا ووقفنا بالرصدة عشان نوقف باص طلعنا الباص جسيت اني سنا الطاقة وهشام جنبي وجلس ياشر لي على ساحة العروض ويقص لي على مغامراتة مع الامن المركزي وختمها بسيرة "الادريسي" وتنهيدة وقال الله يرحمهم الملاح راحو فعلاً
نزلنا بالدرج كان السوق زحمة رغم انه مش رمضان ولا مناسبة مشاني قدامه وهو وراي بالزحمة قال عشان محد يدحشني!
ولاول مرة بدون اي مقدمات هشام يمسك يدي!
يداتي باردين وقتها هو يمشي ويكاشح عشان نخرج من الزحمة واني اتفرج له كانه ابي والله يشابه ابي كثير لفت لي فجاة وقال :
-يابنتي ايش صنف لي اخرجك بالله هي لو حد دحش بك بقتله وباروح سجن من بعد راسك!
-هشام تتهابل اني ايش لي بالكلام دا ايش مكتوب بظهري ادحشوني بالله؟ "
سحبني من يدي ومشى
رحنا عند الكشي جبنا سامان امي وباقي الجلابيات رجعنا عند الصوماليات وشلينا دبل وشل لي حبتين منه!
بجولة السفينة وقفنا نشرب ليم ويدي بيده مش كاسرة اقوله فك يدي! لالا اني م اشتي اقوله فك يدي! وربي امان
قالي تعالي بانروح حيت ريمي بشل لك المفاجاة
رحنا وقفنا عند محل فضة قال لصاحب الفضة :
-ياطيب الطلبية حقي بالله
-باسم من؟
-هشام حسين محسن اليزيدي
-حاضر
هشام لفت لي وقالي غمضي ولمن باقولك افتحي افتحي!
-افتحي!
جابلي سلس فيبة علم الجنوب منحوت من داخل القصعةة اللي تتقفل وتنفتح!
قشنتت والله فرحت كتير لانو ذاك اليوم شفته وهو معي بس ماقدرت اشتريه عادو مافيش معي بيس قالي مش زي اللي تشتيه ذا مكتوب فيبة "south Queen "لك خصيص سويته
-هشام
-ياعيون هشام!
-والله فرحت
-باذن الله الايام الواجية كله فرحة
-يارب!
-هيا بنروح مارمو!
-صح نسيت مارمو هيا امشي!
-راعي بسالك بما انك بنت! اللحيه كذا تمام؟
-وليش السؤال ذا يعني؟ من اللي قالك بعدها؟
-محد يا جنية! اسالك انا بس والله
-يب كذا تمام واوبه تبعدها!
-بعدك ياقيادة
رحنا مارمو اني شل لي البطاطه حقي اللي تعجبني وسلاش وهو كرواسون و كابتشينو
-هشام
-ها؟
-كيف اسوي بالبرقع خزا اشتي اكل
-بترفعيه بروح بك كلي من تحت البرقعة اليوم اتماسي لك
-ياربي اني قلت برفعه؟ اني اسالك بس
-لاتسالنياش هيا كلي فيسع
-ويه مش انك عزمتني باتزر خبر عليا اهجع لك "؟
-يابنتي كلي بهسك باتطفي
فجاة شاف صاحبة بدوي اسمة الجعدني قالي اسمعينا داك زقوه الليد اوبي تردي له لو هادرك دني
-اه تعلمني عادك بدون ماتعلمني تطمن
هشام يقفي نعم منشان مايشوفه البدوي! وفجاة
البدوي:
-حيا بوي واهلي حيا حيا كن ذا هشام اميزيدي
-حيا حيا بالجعدني منور ياليد ايش معك هنا؟!
-والله روحت بعدك من اممنطقة امرابعة وقلت بحوس لي في كريتر قليل من امضبح وانت وش معك هنيا
-اجيت انفع بيتنا
-وشو ذه ذي معك؟
هشام يغير الموضوع وساله:
-ايوا ايش اخبار الصرفة حقك استلمتها ؟
-يه يه اندوني امصرفة
فجاة يرن تلفون البدوي ويقول لهشام سامحني شعها الحكومة حقتي تتصلي
-الله معك ي امضمار
جلس هشام وهو ينفخ وقالي اتخارجي سريع قبل مايجي حد تاني
-آو وايش فيبه لو شافوني معك؟ قدك بن عمتي
-يا قزعة بيجسو يتفرجو لك وانا دمي يفور لو حد اتفرج لك عشان كذا تخارجي سريع
-راعي مش ذا اللي يمتل بشقدفة؟
-ايوا اتخارجي يابنتي
-هشششششام البطاطة تخرج دخاخين امرطة واموت يعني؟!
-طيب مله فيسع
6:30م
-خور ياباص؟
-ايوا ايوا تعالو
طلعنا الباص وروحنا هشام ماسك السامان فوق حدفة واني جنب الطاقة
-هشام
-مله ايش في؟!
-ليش تتقارح عليا مالك كذا؟ "
-لمن نكون نخرج وتشوفي حد من اصحابي كوني فصي ملح وذوبي مشتيش حد يتفرج لك تمام! وربي باسوي جنايه؟
-طيب اني اشلي؟
وفجاة صوت هشام يعلي فوق البابور
-طيب وطي صوتك مالك الناس يتفرجو لنا!
-مابوطي صوتي لانك مش حاسة بلي احسة انا!؟
اني وقتها بكيت ماقدرت امسك نفسي ولمن بكيت سكت
-فطوم بس سامحينا مش قصدي بس م شتيش حد يتفرج لك والله سامحينا ماشتيك تبكي مله ويشل طرف المشده بيمسح لي واني من حردتي بعدت يده!
قالي والله ببكي معك شوفي مله يارب اموت زيمن بكيتك
-لالا ان شاءالله اني ولا انت
-هههههههههههههههههههههه جعل عيونك ماتدمع الا فرح مله
طرح نحن البابور عند ساحة العروض ونزلنا نمشي ويده بيدي ويغني " لاقيته يا امة "
لمن وصلنا البيت "بيت جدي "
